Abot-tanaw

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Isang abot-tanaw sa tubig, sa hilagang Wisconsin, E.U.

Ang abot-tanaw, abot ng tanaw, guhit-tagpuan, kagiliran, abot-tingin, abot ng tingin o linyang panglangit at lupa (Kastila, Portuges: Horizonte, Aleman: Horizont, Ingles, Pranses: Horizon) ay isang linya na naghihiwalay sa mundo mula sa langit, ang linya na naghahati sa lahat ng nakikitang direksiyon sa dalawang kategorya: iyong mga linyang sumasalubong sa kalupaan ng Mundo at iyong mga hindi. Sa karamihang lugar o lokasyon, nahaharangan ang totoong guhit-tagpuan ng mga puno, gusali, bundok, at iba pa, na nagreresulta sa pagsasalubong ng Mundo at Langit na kadalasang tinatawag na nakikitang guhit-tagpuan. Kapag tumitingin sa dagat mula sa isang pampang, ang bahagi ng dagat na malapit sa abot-tanaw ay tinatawag na offing sa Ingles, na may kahulugang "napipinto", "kalautan", o "namiminto".[1][2]

Nagmula ang salitang horizon ng wikang Ingles at wikang Pranses mula sa Griyego na "ὁρίζων κύκλος" (horizōn kyklos), "napaghihiwalay na bilog",[3] mula sa pandiwang "ὁρίζω" (horizō), "hatiin, paghiwalayin",[4] at mula sa "ὅρος" (oros), "hangganan, punto ng lupa".[5]

Talababa[baguhin | baguhin ang batayan]

  1. "offing", Webster's Third New International Dictionary, Unabridged.
  2. offing, LingvoSoft Online Dictionaries
  3. "ὁρίζων", Henry George Liddell at Robert Scott, A Greek-English Lexicon. Sa Perseus Digital Library. Nakuha noong 19 Abril 2011.
  4. "ὁρίζω", Liddell and Scott, A Greek-English Lexicon.
  5. "ὅρος", Liddell and Scott, A Greek-English Lexicon.

Mga kawing panlabas[baguhin | baguhin ang batayan]