Ang mga Paglalakbay ni Marco Polo

Isang pahina mula sa Ang mga Paglalakbay ni Marco Polo.

Ang The Travels of Marco Polo ("Ang mga Paglalakbay ni Marco Polo") ay ang karaniwang pamagat sa Ingles ng aklat sa paglalakbay ni Marco Polo na binansagang Il Milione (Ang Milyon) o Le Livre des Merveilles (Ang Aklat ng mga Kahanga-hanga). Isa itong aklat mula sa ika-13 dantaon na isinulat ni Rustichello da Pisa halaw sa mga salaysay at tala ni Marco Polo. Ito ay naglalarawan ng mga paglalayag ni Marco Polo sa Silangan, kabilang ang Asya, Persiya, Tsina, at Indonesya, sa pagitan ng mga taong 1271 at 1298, at kilala rin bilang Oriente Poliano at Paglalarawan ng Daigdig (Description of the World). [1]

Naging isa itong tanyag na aklat, kahit pa man noong ika-14 na dantaon. Sinasaad ng aklat, di umano, ang naging kahalagahan ni Marco Polo sa kaharian ng pinuno ng Mongol na si Kublai Khan. Subalit, napagtatalunan pa rin ng mga kasalukuyang iskolar ang katotohanan sa likod ng talang ito at ang iba nga ay nag-aalinlangan sa kung si Marco Polo ay totoong nakapaglayag sa kaharian o maaaring nag-uulit lamang ng mga salaysay na kanyang narinig mula sa ibang manlalakbay. Isinulat ang aklat sa Lumang Pranses ni Rustichello da Pisa, isang manunulat ng mga akdang romantiko o kuwento ng pag-iibigan, na nabalitang sumusulat mula sa mga nasalaysay ni Marco Polo noong nakabilanggo sila sa Genoa matapos ang pagkakadakip mula sa isang barko. Ang aklat na "The History of the United States" ("Ang Kasaysayan ng Estados Unidos") ni William B. Guitteau noong 1937 ay nagbibigay ng ganitong paliwanag, "Kasunod ng muli niyang pag-uwi, nabihag si Marco Polo sa Genoa at naibilanggo; at upang mapalipas ang panahon sa piitan ay isinulat niya ang mga salaysay ng kanyang mga paglalakbay. Unang nailimbag ang aklat noong taong 1477; ito ay binasa at masusing sinuri ni Christopher Columbus, at ang huwad na kung saan naglalaman ng mga puna ng batikang maglalayag ay matatagpuan pa rin sa Columbian Library sa Seville."

Mga sanggunian

Ang lathalaing ito na tungkol sa Panitikan ay isang usbong. Makatutulong ka sa Wikipedia sa pagpapalawig nito.