Angkop na pangangatawan

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Ang pagkakaroon ng naaangkop na pangangatawan ay isang katangiang kinakailangan, kung tutuusin, para sa panunungkulan sa lahat ng mga lakas militar.
Nakapagdurulot din ng naaangkop na pangangatawan ang pagyoyoga.

Ang angkop na pangangatawan o angkop na katawan (Ingles: physical fitness) ay binubuo ng maraming mga bagay, na kasama ang lakas ng katawan, katatagan ng katawan, kakayahang tumagal ng katawan, tibay ng katawan, kasanayan, at mabuting kalusugan.[1] Kinapapalooban din ito ng dalawang magkakaugnay na mga diwa: pangkalatahang kaangkupan (tinatawag na general fitness sa Ingles), na isang kalagayan ng kalusugan at mainam na kapakanan o kabutihan; at ang espesipikong kaangkupan (tiyak na kaangkupan o partikular na kaangkupan, tinatawag na specific fitness sa Ingles), na isang kahulugang nakatuon sa isang gawain batay sa kakayahang maisagawa ang tiyak na mga aspeto ng palakasan o isports, o kaya ng mga hanap-buhay.

Palaging isa sa mga pangunahing layunin ng edukasyong pisikal ang pagkakaroon ng mga tao ng naaangkop na mga pangangatawan.[1]

Sa loob ng nakalipas na mga taon, pangkaraniwang binibigyang kahulugan ang kaangkupan (ang fitness) bilang ang kakayahang makapagsagawa ng pang-araw-araw na mga gawain na hindi nakadaranas ng labis na kapaguran o hindi napapagod.[1] Ngunit naging hindi na sapat ang ganitong kahulugan noong lumawak ang panahon ng paglilibang dahil sa automasyon o pagkakaroon ng mga aparato o kagamitang automatiko, at dahil na rin sa mga pagbabago sa mga gawi sa pamumuhay kasunod ng rebolusyong pang-industriya. Sa kasalukuyang panahon, itinuturing ang kaangkupan ng pangangatawan bilang isang pamantayan ng kakayanan ng katawan na magsagawa ng gampanin o tungkulin nito na may katalaban at may kinahahantungan sa mga gawaing pangtrabaho at pang-paglilibang. Pati na ang kakayahan ng katawang maging malusog, na mapaglabanan ang mga karamdamang hipokinetiko (mga karamdamang lumilitaw dahil sa mababang bilang ng paggalaw o pagkilos dahil sa sedentaryong estilo ng pamumuhay), at matugunan ang mga sitwasyong pang-emerhensiya.

Katumbas din ng pariralang angkop na pangangatawan ang naaangkop na pangangatawan, naaakmang pangangatawan, hustong pangangatawan, tamang pangangatawan, nararapat na pangangatawan, nababagay na pangangatawan, mabuting pangangatawan, at malusog na pangangatawan.

Pisikal na Kaangkupan[baguhin | baguhin ang batayan]

Ang angkop na pangangatawan ay isinasaad bilang isang kalidad ng pagiging angkop upang maisagawa ang isang partikular na gawain. Ang modernong kahulugan ng pisikal na kaangkupan ay inilarawan ng alinman sa isang tao o sa kakayahan ng makina para gawin ang isang tiyak na tungkulin o isang panlahatang kahulugan ng pagakma ng tao upang kayanin ang iba't ibang sitwasyon.Ito ay tumungo sa isang pakikipag-ugnayan ng kaangkupan ng tao at kaakitan na kung saan ay nagpakilos ng pangdaigdigang pisikal na kaangkupan at mga kagamitang pang pisikal na kaangkupan sa mga industriya. Ang pangkalahatang kahulugan ng pisikal na kaangkupan ay inilarawan ni Greg Glassman sa “Cross Fit journal” bilang isang mataas na kapasidad ng trabaho sa kabuuan ng malawak na oras at modal na mga kapangyarihan; ang mga pagwawagi ng ilang mga katangian ng pisikal na kaangkupan kabilang ang lakas, pagiging matibay,kapangyarihan, bilis, balanse at koordinasyon at ang kakayahan na mapabuti ang halaga ng trabaho na ginawa sa ibinigay na oras sa anumang mga katangian na ito. Ang mahusay na programa ng pisikal na kaangkupan ay magpapabuti ng isang tao sa lahat ng aspeto ng pisikal na kaangkupan.

Ang komprehensibong kaangkupan na programa ay inayon sa isang indibidwal na karaniwang nakapokus sa isa o mas tiyak na mga kasanayan at sa edad o kaugnayang pangkalusugan na mga pangangailangan. Marami din ang nagbanggit ng pangkaisipan, panlipunan at emosyonal na kalusugan bilang isang mahalagang bahagi ng panglahatang kaangkupan. Ang pangkatawan na kaangkupan ay maaaring maka-iwas at makagamot ng maraming talamak na pangkalusugang kalagayan na dinala ng hindi nakakabuting pamumuhay o pagtanda.

Maraming pananaliksik ang nagpakita na marami sa mga benepisyo ng ehersisyo ay namagitan sa pamamagitan ng mga papel na ginagampanan ng kalamnan ng kalansay bilang isang endocrine na organo. Ang pagkontrak ng kalamnan ay nagbibitiw ng maraming mga sangkap na kilala bilang myokines na nagtataguyod ng paglago ng mga bagong tissue kung saan naman nababawasan ang panganib ng pagbuo ng iba't ibang mapagalab na mga sakit.

(Mula sa orihinal na artikulong "Fitness" sa en.wikipedia.org/wiki/Physical_fitness)

Tingnan din[baguhin | baguhin ang batayan]

Mga sanggunian[baguhin | baguhin ang batayan]

  1. 1.0 1.1 1.2 "Physical fitness". The New Book of Knowledge (Ang Bagong Aklat ng Kaalaman), Grolier Incorporated. 1977. , Conditioning exercises, at Physical Education, pahina 224 at 226.



TaoEdukasyonPalakasan Ang lathalaing ito na tungkol sa Tao, Edukasyon at Palakasan ay isang usbong. Makatutulong ka sa Wikipedia sa pagpapalawig nito.