Pumunta sa nilalaman

Chesca Garcia

Mula sa Wikipedia, ang malayang ensiklopedya
(Idinirekta mula sa Cheska Garcia)
Chesca Garcia
Si Chesca Garcia noong 2016
Kapanganakan
Francesca Marie Velasco Garcia

(1980-07-24) 24 Hulyo 1980 (edad 45)
Makati, Kalakhang Maynila, Pilipinas
TrabahoArtista, modelo
Aktibong taon1992–kasalukuyan
AsawaDoug Kramer (k. 2008)
Anak3
Kamag-anakPatrick Garcia (kapatid)

Si Francesca Marie "Chesca"[a] Velasco Garcia-Kramer (ipinanganak noong Hulyo 24, 1980[1]) ay isang artista, modelo, at host (o tagapagdaloy) sa telebisyon mula sa Pilipinas. Nakilala siya bilang bahagi ng programang nakatuon sa kabataan na Ang TV at bilang kapwang-tagapagdaloy ng palabas na nakatuon sa uri ng pamumuhay na Us Girls, kung saan natanggap niya at mga kasamang tagapagdaloy na sina Angel Aquino at Iya Villania ang Pinakamahusay na Tagapagdaloy para sa Palabas na Nakatuon sa Uri ng Pamumuhay noong PMPC Star Awards ng 2010.

Maagang yugto ng buhay

[baguhin | baguhin ang wikitext]

Ipinanganak si Chesca Garcia sa Makati, Kalakhang Maynila noong Hulyo 24, 1980 kina Francisco Garcia, isang mestisong Kastila, at Maria Celeste Dahlia Velasco, isang Ilongga.[2] Gitna siya sa tatlong magkakapatid.[3] Ang kapatid niyang si Patrick Garcia, na artista tulad niya at nakakabata sa kanya, ay nagsimula rin bilang batang artista sa telebisyon.[4] Ang pangalan ng nakakatandang niyang kapatid ay Pichon. Lumaki si Chesca na nagkahiwalay ang kanyang mga magulang.[5]

Karera

[baguhin | baguhin ang wikitext]

Nagsimula ang karera ni Chesca noong unang bahagi ng dekada 1990 bilang bahagi ng programang nakatuon sa kabataan na Ang TV, kung saan siya ay naging isa sa mga regular na tagatanghal.[4] Naging bahagi siya ng Star Circle na orihinal na tinatawag na Talent Center.[4] Ang programang ito ay nagsilbing tapaglunsad ng maraming batang artista sa Pilipinas.[4]

Matapos ang kanyang unang pagsabak sa mundo ng telebisyon, lumabas siya sa iba't iba pang palabas at seryeng pantelebisyon at pelikula. Isa sa mga kilalang seryeng kabilang siya ang Gimik (1995-1996) na sumahimpapawid sa ABS-CBN. Ginampanan niya ang papel bilang si Corrine Apostol sa Gimik.[6] Lumabas din siya sa Encantadia (2005) ng GMA Network bilang si Aure,[7] ang Gabay Diwa ni Mine-a. Ilan sa mga pelikula na lumabas siya ang Flames: The Movie (1997), Now That I Have You (2004) Kasal Kasali Kasalo (2006), Sakal Sakali Saklolo (2007), at All About Love (2006).[4]

Bukod sa pagiging artista, naging host o tagapagdaloy si Chesca ng mga programang nakatuon sa uri ng pamumuhay. Naging tagapagdaloy siya nga Us Girls, kasama sina Iya Villania at Angel Aquino.[8] Noong 2015, naging bahagi rin siya ng parenting show na Mommy Hacks sa CNN Philippines kasama si Rica Paralejo, na kalauna’y pinalitan ang pamagat bilang Mommy Manual na umere sa GMA News TV.[9][10]

Personal na buhay

[baguhin | baguhin ang wikitext]

Si Chesca ay unang nakipag-date sa basketbolistang si Doug Kramer noong 2003.[11] Sa kalaunan, kinasal sila pagkalipas ng limang taon noong Oktubre 9, 2008.[12][13] Tinatawag ang tambalan nila bilang Team Kramer na isa mga popular na mag-asawa sa Pilipinas.[10] Naglabas si Chesca ng serye ng mga aklat na pinamagatang Team Kramer Values and Healthy Habits noong 2017. Noong 2017 naging kontrobersyal ang paskil niya hatirang pangmadla na Facebook tungkol sa gampanin ng mag-asawa ayon sa katuruang Kristiyano, na kinomentohan ng karamihan bilang lipas na.[14] Bagaman, ipinagtanggol ni Doug ang kanyang asawa at sinabing pantay sila.[14]

Mayroon silang tatlong anak, sina Kendra, Scarlett at Gavin.[15] Inihayag ng mag-asawa noong 2023 na nais nilang magkaroon ng ikaapat na anak sa pamamagitan ng IVF (in vitro fertilization) subalit bigo sila sa apat na pagkakataon dulot ng pagpapatali dahil sa magkasunod ng panganganak niya noong 2011 at 2013.[16] Noong 2025, naakusa din ang mag-asawa overexposure o labis na pagpapakita ng kanilang mga anak sa hatirang pangmadla, subalit ipinagtanggol muli ito ni Doug at sinabing hindi ni pinipilit ang kanilang na pumasok sa shobis.[17]

Mga parangal

[baguhin | baguhin ang wikitext]

Natanggap ni Chesca at mga kasamang tagapagdaloy na sina Angel Aquino at Iya Villania ang Pinakamahusay na Tagapagdaloy para sa Palabas na Nakatuon sa Uri ng Pamumuhay noong PMPC Star Awards ng 2010 dahil sa pagho-host sa programang nakatuon sa uri na pamumuhay na Us Girls na umere sa Studio 23.[18]

Pilmograpiya

[baguhin | baguhin ang wikitext]

Pelikula

[baguhin | baguhin ang wikitext]
  • Flames: The Movie (1997)
  • Now That I Have You (2004)
  • Kasal Kasali Kasalo (2006)
  • Sakal Sakali Saklolo (2007)
  • All About Love (2006)

Telebisyon

[baguhin | baguhin ang wikitext]
  • Ang TV
  • Gimik
  • Encantadia
  • Us Girls
  • Mommy Hacks
  • Mommy Manual

Mga pananda

[baguhin | baguhin ang wikitext]
  1. ↑ Binabaybay din minsan ang palayaw niya bilang "Cheska".

Mga sanggunian

[baguhin | baguhin ang wikitext]
  1. ↑ Gonzales, Maria. "Doug Kramer On Cheska Garcia's Birthday: 'Happy and blessed to be growing old with you'". COSMO.PH (sa wikang Ingles). Nakuha noong 2026-03-22.
  2. ↑ Sayson, Cris (2022-08-11). "Chesca Garcia Hilarious Reaction To Doug, Patrick's Hugging Photo". PhilNews (sa wikang Ingles). Nakuha noong 2026-03-22.
  3. ↑ "'Pinakamatigas ang ulo?': Siblings Patrick and Cheska Garcia take on the 'Who's Who' challenge". ABS-CBN News. Oktubre 17, 2020. Nakuha noong 2026-03-22.
  4. 1 2 3 4 5 Abanilla, Clarizel (2018-03-16). "Chesca Garcia throws back to early days in showbiz". INQUIRER.net (sa wikang Ingles). Nakuha noong 2026-03-22.
  5. ↑ Roque, Nika (2024-10-10). "Chesca Kramer reflects on growing up in a broken family, says life now is 'everything I always hoped for'". GMA News Online (sa wikang Ingles). Nakuha noong 2026-03-22.
  6. ↑ Rodriguez, Mia (2021-05-23). "Gimik: Then and Now". SPOT.PH (sa wikang Ingles). Nakuha noong 2026-03-22.
  7. ↑ "Chesca Garcia: Aure". m.imdb.com. Nakuha noong 2026-03-22.
  8. ↑ "Us Girls". www.imdb.com. Nakuha noong 2026-03-22.
  9. ↑ TANTIANGCO, AYA (2016-06-09). "Chesca Kramer, Rica Peralejo return with more to share in 'Mommy Manual'". GMA News Online (sa wikang Ingles). Nakuha noong 2026-03-22.
  10. 1 2 Afinidad-Bernardo, Deni Rose M. (Marso 8, 2017). "16 Filipino 'Wonder Women' named". Philstar.com. Nakuha noong 2026-03-22.
  11. ↑ "'I still get kilig': Doug Kramer reminisces early days of love story with Chesca". ABS-CBN News. 2020-09-12. Nakuha noong 2026-03-22.
  12. ↑ "Doug, Cheska Kramer celebrate 14th wedding anniversary: 'My love for you has continually grown'". ABS-CBN News. 2022-10-10. Nakuha noong 2026-03-22.
  13. ↑ "Cheska Garcia and Doug Kramer: Promises fulfilled in October". PEP.ph (sa wikang Ingles). Nakuha noong 2026-03-22.
  14. 1 2 Belmonte, Maureen Marie (Oktubre 24, 2017). "Doug Kramer clarifies Chesca Garcia's controversial post about the roles of husbands and wives". ABS-CBN News. Nakuha noong 2026-03-22.
  15. ↑ Granali, Rima Jessamine M. (2014-06-17). "Education is a family affair". INQUIRER.net (sa wikang Ingles). Nakuha noong 2026-03-22.
  16. ↑ Tuazon, Nikko (2023-06-02). "Cheska Garcia, Doug Kramer reveal heartfelt wish for another baby". PEP.ph (sa wikang Ingles). Nakuha noong 2026-03-22.
  17. ↑ Navalta, Daniel Joseph (2025-11-06). "Doug Kramer addresses accusation he & Chesca overexpose their kids - KAMI.COM.PH". kami.com.ph (sa wikang Ingles). Nakuha noong 2026-03-22.
  18. ↑ "ABS-CBN wins 26 Star Awards trophies". adobo Magazine Online (sa wikang Ingles). 2011-11-24. Nakuha noong 2026-03-22.
Nagmula sa "https://tl.wikipedia.org/w/index.php?title=Chesca_Garcia&oldid=2199506"