Dumuzid

Mula sa Wikipediang Tagalog, ang malayang ensiklopedya
Jump to navigation Jump to search
Dumuzid
Marriage of Inanna and Dumuzi.png
Sinaunang Sumeryong paglalarawan ng kasal nina Inanna at Dumuzid[1]
Diyos ng mga pastol
AbodeKalangitan (para sa kalahating taon) Kur (para sa natitirang kalahati)
ConsortInanna (kinalaunang kinilala bilang Ishtar)
ParentsSirtur at isang di-kilalang ama
SiblingsGeshtinanna (kapatid na babae), Amashilama (hindi kadalasan, ngunit sa ibang mga teksto ay nasasabing kanyang kapatid na babae)

Si Dumuzid,[a] kinalaunang kinilala sa haliling anyo na Tammuz,[b] ay ang sinaunang Mesopotamyanong diyos ng mga pastol, na pangunahing asawa din ng diyosang si Inanna (kinalaunang kinilala bilang Ishtar). Sa mitolohiyang Sumeryo, kapatid ni Dumuzid si Geshtinanna, ang diyosa ng mga halaman. Sa Talaan ng mga haring Sumeryo, si Dumuzid ay nakatala bilang isang antedelubyanong hari ng lungsod ng Bad-tibira at ng maagang hari ng lungsod ng Uruk. Sa Sumeryong tula ng Mas Gusto ni Inanna ang Magsasaka, si Dumuzid ay nakipagpunyagi laban sa magsasakang si Enkimdu para sa karapatang pakasalan si Inanna. Sa Paglusong sa Mundong Ilalim ni Inanna, hindi nagtagumpay ipagluksa ni Dumuzid ang kamatayan ni Inanna at, sa kanyang pagbabalik mula sa Mundong Ilalim, pinayagan niya na kaladkarin ng mga demonyong galla si Dumuzid sa Mundong Ilalim bilang kanyang kapalit. Ipinagsisi ni Inanna ang desisyong ito at nagpasya na magpapalipas si Dumuzid ng kalahati ng taon sa Mundong Ilalim, at ang natitirang kalahati kasama niya, while habang ang kapatid na babae ni Dumuzid na si Geshtinanna ay mananatili sa Mundong Ilalim sa puwesto niya, kaya nagreresulta sa ikot ng panahon.

Tinutukoy ni Gilgamesh si Tammuz sa Tableta VI ng Epiko ni Gilgamesh bilang isa sa mga nakaraang kasintahan ni Ishtar, na naging isang ibong allalu na may sirang pakpak. Si Dumuzid ay inugnay sa pagkamayabong at mga pananim at sa mga mainit na tuyong panahon ng tag-init ng Mesopotamya na pinaniwalaanng sanhi ng taunang kamatayan ni Dumuzid. Sa panahon ng buwan sa kalagitnaan ng tag-araw nagdadala ng kanyang pangalan, ang mga tao sa buong Mesopotamia ay ritwal na nagdadalamhati para sa kanya.

Mga tala[baguhin | baguhin ang batayan]

  1. kuneiporme:𒌉𒍣𒉺𒇻; Sumeryo: Dumuzid sipad,[2] hango sa Sumeryong mga salita na nangangahulugang "tapat na lalaking anak".[3]
  2. Siryako: ܬܡܘܙ; Hebreo: תַּמּוּז‎, Isinalintitik na Hebreo: Tammuz, Tiberyanong Hebreo: Tammûz; Arabe: تمّوزTammūz; Akkadiano: Duʾzu, Dūzu

Mga sanggunian[baguhin | baguhin ang batayan]

  1. Lung 2014.
  2. "The Electronic Text Corpus of Sumerian Literature". etcsl.orinst.ox.ac.uk. Hinango noong 2017-08-29.
  3. Mitchell 2005, p. 169.

Bibliyograpiya[baguhin | baguhin ang batayan]

Mga panlabas na kawing[baguhin | baguhin ang batayan]