Freddie Aguilar

Mula sa Wikipediang Tagalog, ang malayang ensiklopedya
Jump to navigation Jump to search
Freddie Aguilar
Freddie.
Kabatiran
Kapanganakang pangalanFerdinand Pascual Aguilar
Kapanganakan (1953-02-05) Pebrero 5, 1953 (edad 65)
PinanggalinganIsabela, Pilipinas
GenreFolk
Pop
Mga GawainMang-aawit at manunulat ng awitin
Taong aktibo19?? – kasalukuyan
Mga nakaugnay na aktoWatawat Band

Si Ferdinand Pascual Aguilar (ipinangak Pebrero 5, 1953), higit na kilala bilang Freddie Aguilar o Ka Freddie Aguilar, ay isang Pilipinong mang-aawit. Kilala siya sa pag-awit niya ng "Bayan Ko", na naging awit ng oposisyon ng rehimeng Marcos noong Rebolusyong EDSA ng 1986,[1] at sa awitin niyang "Anak", ang pinakamabentang awiting Pilipino.[2]

Siya ay nakapag-aral ng "electrical engineering" sa De Guzman Institute of Technology ngunit hindi nakapag-tapos ng kanyang programa. Sa halip, pinursige nito ang pagiging musikero mula sa kalye hanggang sa mga bar. Noong 1973,napangasawa niya si Josephine Quiepo.

Iniwan ni Freddie Aguilar ang kanyang mga magulang at paaralan na di pa natatapos sa edad na 18. Dahil dito, nailikha niya ang kantang "Anak" na nagsisilbing paumanhin sa kanyang pagkakamali.

Pagiging Aktibista[baguhin | baguhin ang batayan]

Limang taon bago niya isulat ang "Anak", Si Freddie Aguilar ay sumali sa mga protesta laban sa gobyerno noong panahon ni Marcos sa pamamagitan ng pag-sulat ng mga awitin. Ang mga kanta na nagpabawal sa kanya sa publiko ay ang "kata-rungan", "Pangako", at "Luzviminda" na naghihikayat sa mga Pilipino na magising sa katotohanan. Nakikilala rin siya sa pagdagdag ng verse sa "Bayan Ko".

Pagpuri sa ibang bansa[baguhin | baguhin ang batayan]

Ang "Anak" ay di lang nakakamit ng mataas na bilang sa charts ng Pilipinas ngunit pati na rin sa karatig bansa. Nakabilang ang kantang ito sa Japan sa unang ranko at nabigyangg halaga sa Indonesia, Malaysia, Hong Kong, at mga bansa sa Europa. Ang kanta ay naging tanyag at naisulat sa 23 ibat-ibang lengwahe. Ang Billboard ay rumeporta na ito ay ang ikalawang hit na awit noong 1980s. Ito rin ay naitalagang highest selling record sa kasaysayan ng musika sa Pilipinas.

Sa kasalukuyan[baguhin | baguhin ang batayan]

Nakatira pa rin si Freddie sa bansa at nasa kalagyan kung saan may mga panatiko itong "Ka Freddies". Malakas ang kanyang ugnay sa mga sambayanang Pilipino at mga kababayang naninirahan sa ibang bansa.

Noong Enero 18, 2008, siya ay naparangalan ng Asia Star Award sa prestihiyosong Korea Asia Model Award Festival

Diskograpiya[baguhin | baguhin ang batayan]

Mga sanggunian[baguhin | baguhin ang batayan]



Pilipinas Ang lathalaing ito na tungkol sa Pilipinas ay isang usbong. Makatutulong ka sa Wikipedia sa pagpapalawig nito.