Krema

Mula sa Wikipedia, ang malayang ensiklopedya
Jump to navigation Jump to search
Para sa ibang gamit, tingnan ang Krema (paglilinaw).
Para sa ibang gamit, tingnan ang Kakanggata (paglilinaw).

Ang krema, blangkete, o kakanggata (mula sa kastila crema) ay isang halo na mayroong tubig at mga taba o mga langis.[1]

Kahalagahan[i-edit | i-edit ang source]

Nagagamit ang krema sa pagpapalambot o pagpapabanayad ng balat, sapagkat sumasanib ito sa balat ng katawan ng tao.[2]

Mga sangkap[i-edit | i-edit ang source]

Nakagagawa ng pangtahanang krema sa pamamagitan ng 150 mga gramong ungguwentong pang-emulsyon (hindi naghahalo ang tubig at langis), 70 ml gliserina, 80 ml na tubig, at 30 mga gramong tinuyong yerba.[2]

Mga kagamitan[i-edit | i-edit ang source]

Sa pagluluto ng krema, gumagamit ng mangkok na yari sa salamin, maliit na kawali, kahoy na kutsara o paleta (ispatula), pampiga ng alak, bag na panghalaya o katsa, isa pang mangkok, maliit na kutsilyong paleta o pampahid, at maliit na mga garapong imbakan na hindi napapasukan ng hangin kapag tinakpan.[2]

Pagluluto[i-edit | i-edit ang source]

Sa paghahanda ng krema, nagtutunaw ng mga taba at tubig sa isang mangkok habang nasa ibabaw ng isang kawaling may kumukulong tubig o kaya sa ibabaw ng dalawang kawali. Idinaragdag dito ang yerba. Dahan-dahang pinapainit ito sa loob ng tatlong mga oras. Pagkaraan, naglalagay o naglalatag ng isang bag na panghalaya sa gilid ng bibig ng isang pampiga ng alak. Sinasala ang pinaghalong mga sangkap papunta sa isang mangkok. Madalas itong hinahalo hanggang sa tuluyang lumamig. Pagkatapos na lumamig, inililipat ang produktong krema papasok sa mga nakahandang garapon, sa pamamagitan ng paleta o kutsilyong pampahid o pangkalat. Isinasagawa ito sa paglalagay muna ng krema sa gilid ng loob ng mga garapon, na susundan ng pagpuno sa gitna.[2]

Tingnan din[i-edit | i-edit ang source]

Mga sanggunian[i-edit | i-edit ang source]

  1. Gaboy, Luciano L. Cream - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
  2. 2.0 2.1 2.2 2.3 Ody, Penelope (1993). "Cream". The Complete Medicinal Herbal. DK Publishing, Inc., pahina 123.


Usbong Ang lathalaing ito ay isang usbong. Makatutulong ka sa Wikipedia sa pagpapalawig nito.