Lolita Carbon
Lolita Carbon | |
|---|---|
| Pangalan noong ipinanganak | Lolita Nene Carbon |
| Kilala rin bilang | Lolita Carbon |
| Kapanganakan | 13 Nobyembre 1957 |
| Pinagmulan |  Manila, Pilipinas |
| Genre | Folk Pop Pinoy Rock Manila Sound |
| Trabaho | Mang-aawit at manunulat ng awitin |
| Instrumento | Gitara, boses |
| Taong aktibo | 1970– kasalukuyan |
| Label | Vicor Music Ivory Music Philippines |
Si Lolita Carbon ay isang mang-aawit at musikerong babae mula sa Pilipinas. Noong dekada '70 ay isa siya sa mga nangungunang mang-aawit at manunulat ng mga kanta na nagbigay-kahulugan sa kilusang folk-rock ng bansang Pilipinas. Kilala siya bilang bokalista ng bandang Asin na nagpasikat sa mga awiting "Mga Limot Na Bayani,” “Itanong Mo Sa Mga Bata,” “Ang Bayan Kong Sinilangan,” at ang “Masdan Mo Ang Kapaligiran" na sumasalamin sa diwa ng paglaban noong dekada '70.[1]
Personal na buhay
[baguhin | baguhin ang wikitext]Lumaki si Lolita Carbon na kasama ang musika sa kanilang tahanan sa Malate sa Lungsod ng Maynila na puno ng mga instrumentong pangmusika kasama ang kanyang ama na maraming kaibigang musikero sa kanilang lugar.[2]
Nanalo si Lolita Carbon sa Tita Betty Children's Show noong siya ay sampung taong gulang pa lamang sa kanyang kantang "The Impossible Dream". Labing-tatlong taong gulang pa lamang si Carbon noong napasali siya sa Philippine Navy Band N2 Division sa pamamagitan ng pag-awit ng mga kantang pinasikat ni Shirley Bassey.[2]
Alagad ng sining ng musika
[baguhin | baguhin ang wikitext]Bilang mang-aawit, si Lolita Carbon ay naging babaeng bokalista ng bandang Asin. Inanyayahan siya nina Mike “Nonoy” Pillora Jr. and Cesar “Saro” Banares Jr. na sumali sa kanila noong 1976. Silang tatlo ay nakilala bilang bandang Asin noong lumagda sila sa Vicor Music Corporation noong 1977.[2]
Nanalo bilang Best Folk Song of the Year sa Aliw Awards noong 1978 ang kanta ni Carbon na pinamagatang “Pagbabalik” na kabilang sa unang album na may pamagat na ''Masdan Mo Ang Kapaligiran" na inilabas ng Asin noong 1978.[2]
Naglabas si Carbon ng kanyang sariling vinyl single bilang Lolita and the Boys noong 1981 na may kantang "Usok", na itinuturing na unang kantang may istilong reggae sa kasaysayan ng musikang Pilipino, kasama ang kantang "Ganyan Lang".[2]
Simula rin ng 1981 hanggang 1983 ay napasali rin si Carbon sa mga bandang Sulabama at Holy Smoke Band.[2]
Napabilang din siya sa mga bandang Nene at Lokal Brown. Kasapi din siya ng pangkat ng mang-aawit na puro babae, ang Tres Marias kasama sina Cooky Chua at Bayang Barrios.[2][3]
Mga pagtatanghal
[baguhin | baguhin ang wikitext]Magkakasamang pinangunahan nina Carbon, Cooky Chua at Bayang Barrios ang isang pagtatanghal na pinamagatang Awit Para Kay Coritha para makalikom ng pondo para kay Coritha noong Agosto 5, 2024 sa Hive Hotel.[4][5]
Kasama si Carbon sa mga nagtanghal sa Filipino Music Awards noong Oktubre 21, 2025 sa SM Mall of Asia Arena.[1]
Isyu sa paglabag sa karapatang-ari
[baguhin | baguhin ang wikitext]Nasabi ni Carbon na mayroon pa rin nagaganap na paglabag sa karapatang-ari dito sa Pilipinas. Binanggit niya na ginagamit ng kanyang kapwa Pilipinong mang-aawit ang mga orihinal na kanta at komposisyon ng kaniyang banda na Asin nang walang pahintulot. Sa paglabag na ito ay hindi nakakatanggap ng angkop na kabayaran o royalties ang bandang Asin na nararapat nilang makuha ayon sa Batas sa Intelektwal na Ari-arian ng Pilipinas (Inggles: Intellectual Property Code of the Philippines) kung saan nakapaloob ang tungkol sa prinsipyo ng karapatang ari (Inggles: copyright).[6]
Mga sanggunian
[baguhin | baguhin ang wikitext]- 1 2 Pareño, Elijah (2025-09-23). "Lolita Carbon to Perform at Filipino Music Awards 2025". Rolling Stone Philippines (sa wikang Ingles). Modern Media Group, Inc. Nakuha noong 2025-11-29.
{{cite web}}: CS1 maint: url-status (link) - 1 2 3 4 5 6 7 Pangilinan, Robbie (2016-11-16). "Lolita Carbon still rocks". Manila Standard (sa wikang Ingles). Nakuha noong 2025-11-29.
{{cite web}}: CS1 maint: url-status (link) - ↑ Abunda, Boy (Agosto 31, 2015). "Tres Marias a musical powerhouse". Philstar.com. Nakuha noong Nobyembre 29, 2025.
{{cite web}}: CS1 maint: url-status (link) - ↑ Pasajol, Anne (2024-08-01). "Cooky Chua, Lolita Carbon, other OPM singers to hold fundraising gig for Coritha". INQUIRER.net (sa wikang Ingles). Nakuha noong 2025-11-29.
{{cite web}}: CS1 maint: url-status (link) - ↑ Kang, Kristine. "Lolita Carbon, binisita ang bedridden OPM icon na si Coritha". www.gmanetwork.com (sa wikang Ingles). Nakuha noong 2025-11-29.
{{cite web}}: CS1 maint: url-status (link) - ↑ Gorecho, Dennis (Hunyo 27, 2025). "Growing up with the music of Lolita Carbon and Asin". Business Mirror. Nakuha noong Nobyembre 29, 2025.
{{cite web}}: CS1 maint: url-status (link)