Pumunta sa nilalaman

Mariah Carey

Mula sa Wikipedia, ang malayang ensiklopedya
Mariah Carey
Si Carey noong 2023
Si Carey noong 2023
Kabatiran
Pangalan noong ipinanganakMariah Carey
Kapanganakan (1969-03-27) 27 Marso 1969 (edad 56)[1]
Huntington, Long Island, New York, Estados Unidos
Genre
Trabaho
  • Mang-aawit
  • manunulat ng awit
  • aktres
InstrumentoBoses
Taong aktibo1988-kasalakuyan
Label
  • Columbia
  • Crave
  • Virgin
  • MonarC
  • Island
  • Def Jam
  • Epic
  • Gamma
Asawa
  • Tommy Mottola (k. 1993–98)
  • Nick Cannon (k. 2008–16)
Websaytmariahcarey.com

Si Mariah Carey ( /məˈraɪə/ mə-RY-ə;[2]:0:01 ipinanganak noong Marso 27, 1969) ay isang Amerikanang mang-aawit, manunulat ng kanta, at aktres. Tinaguriang "Songbird Supreme" ng Guinness World Records, kilala si Carey sa kanyang limang-oktabang saklaw ng boses, melismatikong estilo ng pag-awit, natatanging paggamit ng rehistrong sipol, at padibang dating. Bilang isang maimpluwensiyang pigura sa musika, niraranggo siya ng Rolling Stone bilang ikalimang pinakadakilang mang-aawit sa lahat ng panahon noong 2023.

Sumikat si Carey noong 1990 sa pamamagitan ng kanyang debung album na ipinangalan sa kanya at naging kaisa-isang artistang nagpaabot ng unang limang single sa numero unong puwesto ng US Billboard Hot 100 chart, mula sa "Vision of Love" hanggang sa "Emotions". Nakamit niya ang pandaigdigang tagumpay sa pamamagitan ng mga pinakamabentang album na Music Box (1993) at Daydream (1995), bago niya pinili ang isang bagong imahe na may impluwensiyang hip hop, simula sa remix ng "Fantasy" kasama ni Ol' Dirty Bastard, at mas lalo sa Butterfly (1997). Dahil sa labing-isang magkakasunod na taon na may nangungunang awitin sa Estados Unidos, itinanghal si Carey ng Billboard bilang Artista ng Dekada. Matapos ang kabiguan ng kanyang pelikulang Glitter (2001) at isang pansamantalang paghina ng kanyang karera, bumalik siya sa tagumpay sa pamamagitan ng The Emancipation of Mimi (2005), isa sa mga pinakamabentang album ng ika-21 siglo. Mula noon, nakapaglabas siya ng anim pang album, kabilang ang Caution (2018) at Here for It All (2025), na kapwa nakatanggap ng kritikal na papuri.

Si Carey ay isa sa mga pinakamabentang artista sa musika, na may mahigit 220 milyong rekord na naibenta sa buong mundo.[3] Itinanghal siya sa Songwriters Hall of Fame. Kabilang sa mga parangal niya ang 5 Gawad Grammy, isang Grammy Global Impact Awards, 10 American Music Awards, 19 World Music Awards, 14 Billboard Music Awards, at ang Michael Jackson Video Vanguard Award ng MTV. Pinangalanan siya ng Time bilang isa sa 100 pinakamaimpluwensiyang tao sa mundo noong 2008. Hawak niya ang rekord para sa pinakamaraming single na umabot sa unang puwesto ng Billboard Hot 100 ng isang solo na artista (19), isang babaeng manunulat ng kanta (18), at isang babaeng prodyuser (15), at nakapagtala ng rekord na 97 linggo sa pinakataas ng tsart. Itinanghal ng Billboard ang "One Sweet Day" at "We Belong Together" bilang mga pinakamatagumpay na kanta ng dekada 1990 at dekada 2000, ayon sa pagkakabanggit. Si Carey ay isa sa mga artistang may pinakamaraming sertipikasyon sa US, na may tatlong sertipikasyong diyamante, at siyang pinakamabentang Kanluraning artista sa Hapon.

Mga impluwensiya

[baguhin | baguhin ang wikitext]
Kabilang sa mga pangunahing impluwensiya kay Carey sina Stevie Wonder (kaliwa) at Aretha Franklin (kanan).

Sinabi ni Carey na simula pa noong bata siya ay naimpluwensiyahan siya nina Billie Holiday, Sarah Vaughan, at ng mga mang-aawit ng R&B na sina Gladys Knight at Aretha Franklin.[4] Ang kanyang musika ay labis na naimpluwensiyahan ng mga musikang pang-simbahan, at ang mga ito ay nakuha niya kanila The Clark Sisters, Shirley Caesar at Edwin Hawkins bilang pinakamaimpluwensiyang mga mang-aawit noong kanyang kapanahunan.[4] Nang inihalo ni Carey ang hip-hop sa kanyang mga musika, may mga haka-hakang na sinusubukan niyang gamitin ang kasikatan ng hiphop, subalit sinabi niya sa Newsweek, "People just don't understand. I grew up with this music" ("Hindi nauunawan ng mga tao. Lumaki ako sa ganitong musika").[5] Nagpakita siya ng paghanga sa mga rapper gaya nina The Sugarhill Gang, Eric B. & Rakim, ang Wu-Tang Clan, The Notorious B.I.G. at Mobb Deep, kung saan nakipagtulungan siya sa single na "The Roof (Back in Time)" (1998).[6][7]

Katayuan sa kultura

[baguhin | baguhin ang wikitext]

Sa kabuuan ng kanyang karera, tinawag si Carey bilang isang ikono sa pop,[8][9][10] ikono ng kabaklaan,[11] at ikono sa moda.[12] Binansagan siya ng The Recording Academy, Mga Pandaigdigang Tala ng Guinness, at mga kritiko ng musika bilang "Songbird Supreme".[13][14][15] Tinaguriang “diva” si Carey dahil sa kanyang kasikatan at personalidad.[16] Ang kanyang diva persona ay nakatanggap ng malaking pansin at umani ng paghanga mula sa kanyang mga tagahanga.[17][18] Iginiit ng may-akdang si Lily E. Hirsch na bagaman ipinakita ni Carey ang pag-uugali ng isang diva sa ilang pagkakataon sa kanyang karera, ang pag-uugnay ng media ng terminong ito sa kanya ay naiimpluwensyahan ng kasarian.[19] Madalas na inilarawan ang istilo ni Carey bilang “kakaiba” at “bongga".[20][21]

Mga nakamit

[baguhin | baguhin ang wikitext]
Carey sa ika-82 Gawad Academy noong 2010

Napanalunan ni Carey ang anim na Gawad Grammy (kabilang ang isang Grammy Global Impact Award),[22] labinsiyam na World Music Awards, sampung American Music Awards,[23] at labing-apat na Billboard Music Awards.[24] Isa siya sa mga pinakamabentang artista sa pagrerekord sa kasaysayan, na may mahigit 220 milyong rekord na naibenta.[25] Isa rin siyang hinirang na kasapi ng Songwriters Hall of Fame[26] at ng Long Island Music and Entertainment Hall of Fame.[27] Pinarangalan si Carey ng isang bituin sa Hollywood Walk of Fame noong 2015,[28] ng Billboard Icon Award noong 2019,[29] at ng BET Ultimate Icon Award noong 2025.[30] Noong 2023, siya ay naging isa sa unang 13 na tumanggap ng BRIT Billion Award, bilang pagkilala sa paglagpas niya sa isang bilyong stream sa Reyno Unido.[31] Noong 2025, niranggo ng Billboard si Carey sa ika-12 puwesto sa talaan nitong “Top 100 Women Artists of the 21st Century".[32]

Mga sanggunian

[baguhin | baguhin ang wikitext]
  1. ↑ "Recent Births Are Announced". The Long-Islander. Huntington, New York. April 10, 1969. p. 2-3. Nakuha noong February 16, 2021 – sa pamamagitan ni/ng NYS Historic Newspapers. Recent births at Huntington Hospital have been announced as follows ... March 27 Mariah, Mr. and Mrs. Alfred Carey, Huntington
  2. ↑ Carey, Mariah (Disyembre 22, 2021). "Can Mariah Carey Remember Tricky Questions About Her Long Career? | All About Me" [Maaalala Kaya ni Mariah Carey ang Mga Nakakalitong Tanong Tungkol sa Kanyang Mahabang Karera? | Lahat Tungkol sa Akin]. Harper's Bazaar (sa wikang Ingles). Nakuha noong Mayo 25, 2024 – sa pamamagitan ni/ng YouTube.
  3. ↑ Coffey, Helen (Oktubre 17, 2024). "Mariah Carey reveals why she only has five Grammys" [Mariah Carey,inihayag kung bakit lima lang ang mga Grammy niya]. The Independent (sa wikang Ingles). Nakuha noong Marso 14, 2025.
  4. ↑ 4.0 4.1 Norent, Lynn (12 Marso 1991). "Not Another White Girl Trying to Sing Black". Ebony. Nakuha noong 19 Agosto 2011.
  5. ↑ Shapiro 2001, p. 124.
  6. ↑ Willis, Andrew (18 Nobyembre 1998). "Higher and Higher". Vibe (magazine). Nakuha noong 14 Agosto 2011.
  7. ↑ Segarra, Edward. "Cissy Houston, gospel singer and pop icon Whitney Houston's mom, dies at 91". USA Today. Nakuha noong March 14, 2025.
  8. ↑ "Mariah Carey Might Be As Close to Pop Perfection As Pop Will Ever Allow" [Mariah Carey, Marahil ang Pinakamalapit sa Perpektong Pop na Papayagan ng Pop]. Vulture (sa wikang Ingles). Disyembre 8, 2020. Inarkibo mula sa orihinal noong Pebrero 18, 2021. Nakuha noong Marso 4, 2021.
  9. ↑ "Forever Mariah: An Interview With an Icon" [Mariah Magpakailanman: Panayam Kasama ang Ikono]. Pitchfork (sa wikang Ingles). Nobyembre 28, 2018. Inarkibo mula sa orihinal noong Nobyembre 7, 2023. Nakuha noong Hulyo 5, 2020.
  10. ↑ Livingstone, Jo (Oktubre 9, 2020). "The Sweet Fantasy of the Female Pop Star" [Ang Matamis na Pantasya ng Isang Pop Star]. The New Republic (sa wikang Ingles). Inarkibo mula sa orihinal noong Pebrero 10, 2021. Nakuha noong Marso 4, 2021.
  11. ↑ Thokchom, Rahul (Disyembre 27, 2023). "The Song That Turned Mariah Carey into a Gay Icon and Messiah" [Ang Kantang Nagpatanyag kay Mariah Carey bilang isang Ikono at Mesiyas ng mga Bakla]. Fandom Wire (sa wikang Ingles). Nakuha noong Hulyo 24, 2024.
  12. ↑ "43 Pictures that Show Mariah Carey's Glamorous Style Evolution" [43 Larawan na Nagpapakita ng Kaakit-akit na Ebolusyon ng Estilo ni Mariah Carey] (sa wikang Ingles). Insider Inc. Inarkibo mula sa orihinal noong Marso 5, 2024. Nakuha noong Marso 31, 2021.
  13. ↑ "Mariah Carey sets 3 Guinness World Records" [Mariah Carey, Nagtala ng 3 Pandaigdigang Rekord ng Guinness]. Los Angeles Times (sa wikang Ingles). Nobyembre 26, 2019. Inarkibo mula sa orihinal noong Disyembre 10, 2019. Nakuha noong Nobyembre 26, 2019.
  14. ↑ "Songbook: How Mariah Carey Became The Songbird Supreme, From Her Unmistakable Range To Genre-Melding Prowess" [Songbook: Paano Naging “Songbird Supreme” si Mariah Carey, Mula sa Kanyang Di-mapagkakamalang Saklaw Hanggang sa Husay sa Pagsasanib ng mga Dyanra] (sa wikang Ingles). Grammys. Inarkibo mula sa orihinal noong Oktubre 10, 2022. Nakuha noong Setyembre 16, 2022.
  15. ↑ Dailey, Hannah (Disyembre 6, 2024). "Mariah Carey Addresses Rumors Her 2024 Spotify Wrapped Video Was AI" [Mariah Carey, Tumugon sa mga Alingawngaw na Ginamitan ng AI ang Kanyang Bidyo sa 2024 Spotify Wrapped]. Billboard (sa wikang Ingles). Nakuha noong Disyembre 6, 2024.
  16. ↑ "20 of Mariah Carey's wildest and most diva moments" [20 sa mga pinakamatindi at pinaka-diva na sandali ni Mariah Carey] (sa wikang Ingles). Insider Inc. Hulyo 15, 2019. Inarkibo mula sa orihinal noong Marso 5, 2024. Nakuha noong Hulyo 5, 2020.
  17. ↑ "How the Gay Icon in Music Has Evolved Since Mariah Carey" [Paano Nagbago Ang Ikono ng mga Bakla sa Musika Mula Pa Kay Mariah Carey]. Vice (sa wikang Ingles). July 29, 2016. Inarkibo mula sa orihinal noong July 10, 2020. Nakuha noong July 5, 2020.
  18. ↑ "The Heroism of Mariah Carey" [Ang Kabayanihan ni Mariah Carey]. The Rainbow Times (sa wikang Ingles). Pebrero 17, 2017. Inarkibo mula sa orihinal noong Hulyo 12, 2020. Nakuha noong Hulyo 5, 2020.
  19. ↑ Hirsch, Lily E. (2023). Can't Stop the Grrrls. Rowman & Littlefield. ISBN 978-1538169063.
  20. ↑ "Mariah Carey's Ex Drops Some Major Truth Bombs About the Notorious Diva" [Ibinulgar ng Ex ni Mariah Carey ang mga Matitinding Katotohanan tungkol sa Sikat na Diva]. Redbook (sa wikang Ingles). Mayo 27, 2015. Inarkibo mula sa orihinal noong Abril 21, 2023. Nakuha noong Abril 21, 2023.
  21. ↑ Macsai, Dan (Mayo 1, 2014). "Make Your Own Iconic Mariah Carey Album Title" [Gumawa ng Iyong Sariling Ikonikong Pamagat ng Album ni Mariah Carey]. Time (sa wikang Ingles). Inarkibo mula sa orihinal noong Mayo 2, 2014. Nakuha noong Mayo 2, 2014.
  22. ↑ "Mariah Carey To Receive Global Impact Award At Recording Academy Honors Presented By The Black Music Collective" [Mariah Carey, Magtatanggap ng Global Impact Award sa Recording Academy Honors na Itinanghal ng Black Music Collective] (sa wikang Ingles). Grammy Awards. Inarkibo mula sa orihinal noong Pebrero 2, 2024. Nakuha noong Pebrero 2, 2024.
  23. ↑ "Winners Database – Mariah Carey" [Database ng mga Nanalo – Mariah Carey] (sa wikang Ingles). American Music Awards. Inarkibo mula sa orihinal noong Pebrero 25, 2016. Nakuha noong Marso 10, 2018.
  24. ↑ "Mariah Carey to Perform at 2015 Billboard Music Awards" [Mariah Carey, Tatanghal sa 2015 Billboard Music Awards]. Billboard (sa wikang Ingles). Inarkibo mula sa orihinal noong Oktubre 9, 2021. Nakuha noong Mayo 9, 2015.
  25. ↑ "Mariah Carey gets hand and footprints cemented in Hollywood history" [Mariah Carey, pinasemento ang bakas ng kamay at paa sa kasaysayan ng Hollywood] (sa wikang Ingles). KABC-TV. Nobyembre 2017. Inarkibo mula sa orihinal noong Disyembre 29, 2021. Nakuha noong Pebrero 8, 2024.
  26. ↑ Nolfi, Joey (Enero 16, 2020). "Mariah Carey to be inducted into Songwriters Hall of Fame" [Mariah Carey, ipapasok sa Songwriters Hall of Fame]. Entertainment Weekly (sa wikang Ingles). Inarkibo mula sa orihinal noong Enero 16, 2020. Nakuha noong Marso 9, 2020.
  27. ↑ "Long Island Music Hall of Fame: Notable inductees" [Long Island Music Hall of Fame: Mga Kapansin-pansing Hinirang]. Newsday (sa wikang Ingles). Setyembre 26, 2018. Inarkibo mula sa orihinal noong Hunyo 1, 2023. Nakuha noong Hunyo 1, 2023.
  28. ↑ Leopold, Todd (Agosto 6, 2015). "Mariah Carey may join 'Empire,' gets Walk of Fame star" [Mariah Carey, maaaring sumali sa 'Empire,' tumanggap ng bituin sa Walk of Fame] (sa wikang Ingles). CNN. Inarkibo mula sa orihinal noong Agosto 9, 2015. Nakuha noong Agosto 7, 2015.
  29. ↑ "Mariah Carey Gets Emotional During 2019 Billboard Music Awards Icon Acceptance Speech: Watch" [Mariah Carey, Naging Madamdamin sa Talumpati ng Pagtanggap bilang Billboard Music Awards Icon 2019: Panoorin]. Billboard (sa wikang Ingles). Mayo 1, 2019. Inarkibo mula sa orihinal noong Mayo 5, 2023. Nakuha noong Mayo 5, 2023.
  30. ↑ Grein, Paul (Mayo 28, 2025). "Mariah Carey, Snoop Dogg, Jamie Foxx & Kirk Franklin to Receive Ultimate Icon Awards at 2025 BET Awards" [Mariah Carey, Snoop Dogg, Jamie Foxx & Kirk Franklin, Paparangalan ng Ultimate Icon Awards sa 2025 BET Awards.]. Billboard (sa wikang Ingles). Nakuha noong Hunyo 10, 2025.
  31. ↑ Grein, Paul (Mayo 4, 2023). "Mariah Carey, Lewis Capaldi & More Receive New BRIT Billion Award, Marking 1 Billion UK Streams" [Mariah Carey, Lewis Capaldi at Marami Pa, Tumatanggap ng Bagong BRIT Billion Award bilang Pagkilala sa 1 Bilyong UK Streams]. Billboard (sa wikang Ingles). Inarkibo mula sa orihinal noong Mayo 5, 2023. Nakuha noong Mayo 5, 2023.
  32. ↑ Anderson, Trevor; Asker, Jim; Bustios, Pamela; Caulfield, Keith; Frankenberg, Eric; Rutherford, Kevin; Trust, Gary; Zellner, Xander (Marso 19, 2025). "Billboard's Top 100 Women Artists of the 21st Century Chart, Nos. 100-1" [Nangungunang 100 Babaeng Artista ng Billboard sa Ika-21 Siglo, Blg. 100-1]. Billboard (sa wikang Ingles). Inarkibo mula sa orihinal noong Marso 19, 2025. Nakuha noong Marso 19, 2025.
Nagmula sa "https://tl.wikipedia.org/w/index.php?title=Mariah_Carey&oldid=2180613"