Mas malaking kalamnang pandibdib
| Pectoralis major | |
|---|---|
 | |
| Pectoralis major | |
| Ayon kay Gray | subject #122 436 |
| Pinagmulan | Ulong pambalagat: pangharapang pang-ibabaw ng panggitnang kalahati ng balagat. Ulong isternokostal: pangharapang pang-ibabaw ng isternum, ang pang-itaas na anim na butong-murang pangdibdib, at ang aponeurosis ng panlabas na patagilid na masel |
| Pagkakasingit | Lateral o patagilid na labi ng ukang intertuberkular ng humerus |
| Arterya | sangang pandibdib ng katawang torakoakromial |
| Nerbiyo | patagilid na nerbiyong pangdibdib at panggitnang nerbiyong pangdibdib Ulong pambalagat: C5 at C6 Ulong isternokostal: C7, C8 at T1 |
| Mga galaw | Ulong pambalagat: nagbabaluktot ng humerus Ulong isternokostal: nagpapahaba, nagbabanat, o nag-uunat ng humerus Bilang isang kabuuan, nagtatapat (aduksiyon) and pagitnang pinaiikot ang humerus. Paharapan at palikurang hinihila rin nito ang paypay. |
| MeSH | Pectoralis+Muscles |
Ang mas malaking kalamnang pandibdib (Ingles: pectoralis major muscle, Latin: musculus pectoralis major), kilala rin bilang higit na malaking kalamnan ng dibdib, lalong malaking kalamnan sa dibdib, o pangunahing kalamnang pandibdib, ay isang makapal at hugis pamaypay na masel na nakalagak sa dibdib (anteryor o bahaging "nauuna" o "nasa harapan") ng katawan. Binubuo ito ng kakapalan o kabuntunan ng mga masel ng dibdib sa kalalakihan at nakahimlay sa ilalim ng mga suso ng kababaihan. Nasa ilalim ng mas malaking kalamnang pandibdib ang mas maliit na kalamnang pandibdib, na isang manipis at hugis tatsulok na masel.
Paglalarawan at tungkulin
[baguhin | baguhin ang wikitext]Bilang pangunahing masel sa dibdib, tungkulin nito ang hilahin ang mga bisig papunta sa gitna ng katawan, habang nakakabit sa loob ng buto ng pang-itaas na bisig. Kapag umiikli o umuurong ang mas malaking kalamnang pandibdib, umiiksi ang mga hibla ng masel, na humihila sa pang-itaas na bisig papunta sa panggitnang bahagi ng dibdib, na pinagmumulan ng masel na ito. Ang mga hibla ng mas malaking kalamnan ng dibdib ay nagsisimula sa tatlong mga pook sa dibdib: una, mula sa balagat (o "butong panleeg"); ikalawa, mula sa buto ng dibdib; at ikatlo, mula sa mga tadyang (na nasa ilalim lamang ng buto ng dibdib).[1]
Ang mga hibla ng masel na ito na bumubuo sa bahaging pambalagat ay ang kadalasang tinatawag bilang pang-itaas na dibdib. Samantala, ang bahaging pang-isternum o isternal ng mas malaking kalamnang pandibdib ay madalas namang tinatawag bilang pang-ibabang dibdib.[1]
Tingnan din
[baguhin | baguhin ang wikitext]Mga sanggunian
[baguhin | baguhin ang wikitext]
Ang lathalaing ito na tungkol sa Tao at Anatomiya ay isang usbong. Makatutulong ka sa Wikipedia sa pagpapalawig nito.