Merlie Alunan
Merlie M. Alunan | |
|---|---|
 | |
| Kapanganakan | 14 Disyembre 1943 |
| Nasyonalidad | Pilipino |
| Trabaho | Manunulat, edukador |
Si Merlie M. Alunan ay isang Pilipinang manunulat at edukador.
Personal na buhay
[baguhin | baguhin ang wikitext]Ipinanganak si Merlie Muyco Alunan noong Disyembre 14, 1943 kina Flavio Alunan at Amina Muyco sa Dingle, Iloilo sa Pilipinas. [1][2]
Nagtapos si Alunan ng elementarya sa lungsod ng Victorias sa Negros Occidental at ng haiskul sa Ormoc sa Leyte. Noong 1964 ay nakuha niya ang digri ng bachelor sa larangan ng edukasyon sa Unibersidad ng Visayas sa Cebu. Noong 1974 ay natamo niya ang digri ng master sa malikhaing pagsulat sa Unibersidad ng Silliman sa lungsod ng Dumaguete. [2]
Edukador
[baguhin | baguhin ang wikitext]Unang nagturo si Merlie Alunan sa Kolehiyo ng Banal na Salita (Inggles: Divine Word College) sa lungsod ng Tagbilaran sa Bohol. Nang lumaon ay nagturo din siya sa Unibersidad ng Silliman. Naging guro din siya ng literatura at malikhaing pagsulat sa Unibersidad ng Pilipinas sa Cebu at Tacloban. Idineklara siyang Professor Emeritus ng Unibersidad ng Pilipinas noong siya ay nagretiro noong 2008 bilang kasapi ng Dibisyon ng Humanidades ng Unibersidad ng Pilipinas sa Tacloban.[3][2]
Manunulat
[baguhin | baguhin ang wikitext]Ilan sa mga nailathalang aklat ni Melie Alunan ay ang Sa Atong Dila: Introduction to Visayan Literature na isang komprehensibong koleksyon ng mga akdang pampanitikan na katutubo at moderno na nasa pangunahing wikang Bisaya, kabilang na ang Bisaya, Waray, Hiligaynon, Kiniray-a, at Akeanon; at ang Kabilin: 100 Years of Negros Oriental, kung saan ay magkatulong sila ni Bobby Flores Villasis na buuin, na isang coffeetable na libro na naglalaman ng kasaysayan at kultura ng Negros Oriental na inilabas kasabay ng sentenaryo ng lalawigan.[2]
Ang kanyang mga naisulat na mga tula sa Waray, Bisaya at Inggles at mga gawang pagsasalin ay nakapaloob sa kanyang mga librong Hearthstone Sacred Tree, Amina Among the Angels, Selected Poems, Tales of the Spider Woman, Pagdakop sa Bulalakaw ug Uban Pang mga Balak, Running with Ghosts and Other Poems, at Húbad: Ester Tapia.[2]
Ilan sa mga antolohiyang na-edit ni Merlie Alunan ay ang Fern Garden: Women Writing in the South, Mga Siday han DYVL, Our Memory of Water: Words After Haiyan, Susumaton: Oral Narratives of Leyte, The Dumaguete We Know, at Tinalunay: Hinugpong ngaray (2017).[2]
Mga parangal na nakamit
[baguhin | baguhin ang wikitext]Nakamit ni Merlie Alunan ang anim na Palanca Awards for Poetry sa Inggles at isa para sa maikling kuwento sa Cebuano.[3]
Natanggap din niya ang Philippine National Book Awards para sa Best Anthology sa Waray noong 2017, Best Book of Poetry sa Inggles at Best Anthology sa Inggles noong 2019, at Best Translated Book noong 2024.[3]
Noong 2025 ay kinilala si Merlie Alunan bilang isa sa 12 Royal Society of Literature International Writers ng Royal Society of Literature ng United Kingdom at isa sa mga Outstanding Dumagueteño Awardees dahil sa kanyang malalim na ambag sa larangan ng literatura.[3][2]
Mga sanggunian
[baguhin | baguhin ang wikitext]- ↑ Manoban, Lisa. "Biography of Merlie M. Alunan: Poet and Educator in Creative Writing". Studocu. Nakuha noong January 17, 2026.
{{cite web}}: CS1 maint: url-status (link) - 1 2 3 4 5 6 7 Writers Guild, Buglas (2025-06-29). "The itinerant poetry of Merlie M. Alunan". Dumaguete MetroPost (sa wikang Ingles). Nakuha noong 2026-01-17.
{{cite web}}: CS1 maint: url-status (link)[patay na link] - 1 2 3 4 "UP Tacloban College congratulates Professor Emeritus Merlie M. Alunan on being one of the 12 Royal Society of Literature International Writers for 2025 – University of the Philippines Tacloban College". University of the Philippines Tacloban College (sa wikang Ingles). December 18, 2025. Nakuha noong 2026-01-17.
{{cite web}}: CS1 maint: url-status (link)