Minecraft

Minecraft
Minecraft
Naglathala	Mojang AB
Nag-imprenta	Mojang, Microsoft Studios, Sony Computer Entertainment
Disenyo	Markus "Notch" Persson noong 2009-2011, Jens "Jeb" Bergensten noong 2011-kasalukuyan
Programmer	Jens Bergensten ;
Gumuhit	Kristoffer Zetterstrand ;
Musika	Aaron Cherof; C418; Gareth Coker; Kumi Tanioka; Lena Raine ;
Serye	Minecraft ;
Engine	Lightweight Java Game Library ;
Plataporma	Apple TV; ChromeOS; Fire OS; Java Virtual Machine; Kindle Fire HD; New Nintendo 3DS; Nintendo 3DS; Ouya; PlayStation 3; Raspberry Pi; Wii U; Windows Phone; Xbox 360; Android; IOS; Linux; macOS; Microsoft Windows; Nintendo Switch; PlayStation 4; PlayStation Vita; Xbox One; iPadOS; tvOS ;
Dyanra	Action-adventure game; sandbox game; survival game ;
Mode	Multiplayer video game; single-player video game ;

Ang Minecraft ay isang larong 3D tungkol sa pagsisira at paglalagay ng mga bloke, sa daigdig na yari din sa bloke. Ginawa ito noong 2009 ng isang Suwekong tagaprograma na nagngangalang Markus Persson (kilala rin bilang Notch) at nang kinalaunan, nilimbag ito ng isa ring Suwekong kompanya, ang Mojang.

Paglalaro

Ang pangunahing karakter sa laro ay si Steve (sa Bedrock at sa Java) at si Alex (lumabas ang karakter na ito pagkatapos ang update na 1.8 sa Java). Ang larong ito ay isang sandbox video game kung saan malaya ang manlalaro na makakapagbuo ng mga istraktura o bahay para maprotektahan ang karakter ng manlalaro sa kalabang mga halimaw. Ang layunin talaga sa larong ito ay ang mapatay ang Ender Dragon (unang boss sa Minecraft). Makikita ang Ender Dragon sa "The End" na kung saan kapag nakapasok rito ay hindi puwedeng bumalik sa Overworld hanggat mapatay ang dragon. Ang Portal sa "The End" ay binubuo ng 12 na End Portal frames at Eye of Ender. Pagkatapos matalo ang Ender Dragon, makukuha ang Dragon Egg. Lalabas rin ang End Poem at ang mga kredito. Pagkatapos nito ay babalik ang manlalaro sa Overworld. Mayroon pang isang portal na tinatawag na "The Nether". Binubuo ito ng 6x4 (o higit pa) na obsidian, at Flint and Steel. Sa laro ding ito ay puwede makapaglaro kasama ang mga kaibigan sa pamamagitan ng LAN.

May mga kurokurong paliwanag tungkol sa mga karakter sa Minecraft. Isa na rito ang karakter na si Herobrine. Siya raw ay may kakayahang gumawa ng iba't-ibang istraktura at pumatay ng iba't-ibang player. Mayroon ding mga kuha sa video na makikita sa YouTube na nakita raw ng isang player na nagngangalang "Joshua Parkington". Siya raw ay lumilitaw sa mga lumang bersiyon ng laro. Ang pagkakakilanlan ng mga player kay Herobrine ay tulad din ni Steve. May mga puting mata at kapatid ni Notch. Nagpaliwanag na si Notch na wala raw siyang kapatid. Kung mayroon man, ay meron siyang half-brother pero hindi naman naglalaro ng Minecraft ang kanyang kapatid.

May mga app na nagpapatch rito upang maiedit o mabago (mod) ang paglalaro. Sa kompyuter ay mayroon aplikasyong tinatawag na Forge.

Mga Mobs (Nilalang) sa Laro

Pasibo (Passive)

Paniki
Pusa
Manok
Bakalaw
Baka
Asno
Soro
Kabayo
Baka Na May Kabute
Mola
Oselot
Loro
Baboy
Pufferfish
Kuneho
Salmon
Tupa
Kabayong Kalansay
Niyebeng Golem
Bakal na Golem
Pusit
Tagapaglakad o Strider
Isdang tropikal
Pagong
Taganayon
Naglalakbayang Mananalakal

Mga kalabang nokturnal

Creeper (isang berdeng kalaban na lumalapit sa manlalaro at pagkatapos ay sasabog)
Gagamba
Gagambang Kuweba
Kalansay (na may pana)
Silverfish
Uhog (Slime, nagdodoble ito kapag namamatay)
Spider Jockey (Kalansay na nakasakay sa Gagamba)
Witch o Mangkukulam
Zombie (Mayroon ding mga Zombie Villager)
Chicken Jockey o Zombie na nakasakay sa manok
Tagabantay o Guardian (makikita sa ocean monuments)
Matandang Tagabantay o Elder Guardian (makikita rin sa ocean monument)
Mamamatay na kuneho o Killer Rabbit

Mga Mobs na Makikita sa "Nether" o ang Impiyerno

Liyab o Blaze
Maninindak o Ghast
Kumukulong Putik Na Kuwadrado o Magma Cube
Nanlalantang Kalansay o Wither Skeleton
Nanlalanta o Wither
Zombified Piglin (dating Zombie Pigman)

Mga Mobs na Makikita sa " The End" o Ang Katapusan

Tao Ng Wakas o Enderman (makikita rin sa Overworld)
Dragon Ng Wakas o Ender Dragon (nagii-spawn lamang sa End isang beses ngunit pwedeng buhayin muli)
Anay Ng Wakas o Endermite (makikita din sa Overworld)
Shulker (nakatira sa End City)

Pagbibili

Maaari bilhin ang Minecraft para sa PC/Mac. Ang Minecraft: Pocket Edition ay available sa iOS at Android, at ang Minecraft: Xbox 360 Edition ay available sa XBLA Marketplace. Sa ngayon, 8,387,534+ tao na ang nakabili ng bersiyong para sa PC/Mac ng laro. Ang Minecraft sa PC/Mac at sa Android/IOS o Bedrock Edition ay nasa 1.21 na.

Panlabas na Kawing