Lucifer

Si Luciper o Satanas, iginuhit ni Gustave Doré para sa Paradise Lost (Nawalang Paraiso) ni John Milton.

Ang pagkahulog ni Satanas o Lusiper, isa pang guhit ni Gustave Doré para sa Paradise Lost ni John Milton.

Si Lucifer sa pananampalatayang Kristiyano dahil sa pagkaunawa ni Jeronimo sa kanyang pagsasalin ng bibliyang Hebreo na binatay niya sa Septuagint ng salitang Griyegong heōsphoros na isinalin mula sa Hebreong hêlēl ng (Isaias 14:12) ay karaniwang ginagamit na isang pangngalan kay Satanas.

Konteksto ng Isaias 14:12

Isaias 14: 4 Na iyong gagamitin ang talinghagang ito laban sa hari sa Babilonia, at iyong sasabihin, Kung paano ang mamimighati ay naglikat! ang bayang ginto ay naglikat!

Isaias 14: 5 Binali ng Panginoon ang tungkod ng masama, ang cetro ng mga pinuno;

Isaias 14: 6 Siya na sumakit ng mga tao sa poot ng walang likat na bugbog, na nagpuno sa mga bansa sa galit, na may pag-uusig na hindi pinigil ng sinoman.

Isaias 14: 7 Ang buong lupa ay nasa katiwasayan, at tahimik: sila'y biglang nagsisiawit.

Isaias 14: 8 Oo, ang mga puno ng cipres ay nagagalak dahil sa iyo, at ang mga cedro sa Libano, na nangagsasabi, Mula nang ikaw ay malugmok wala nang mamumutol na umaahon laban sa amin.

Isaias 14: 9 Ang Sheol mula sa ibaba ay nakikilos sa iyo upang salubungin ka sa iyong pagdating; nangapupukaw ang mga patay dahil sa iyo, sa makatuwid baga'y ang lahat na pinakapangulo sa lupa; nagsitindig mula sa kanilang mga luklukan ang lahat ng hari ng mga bansa.

Isaias 14: 10 Silang lahat ay magsisisagot at mangagsasabi sa iyo, Pati ba ikaw ay naging mahinang gaya namin? ikaw ba'y naging gaya namin?

Isaias 14: 11 Ang iyong kahambugan ay nababa sa Sheol pati ng tunog ng iyong mga biola: ang uod ay nangangalat sa ilalim mo, at tinatakpan ka ng mga uod.

Isaias 14: 12 Ano't nahulog ka mula sa langit, isang nagliliwanag, anak ng umaga! paanong ikaw ay lumagpak sa lupa, ikaw na siyang nagpahina sa mga bansa!

Isaias 14: 13 At sinabi mo sa iyong sarili, Ako'y sasampa sa langit, aking itataas ang aking luklukan sa itaas ng mga bituin ng Dios; at ako'y uupo sa bundok ng kapisanan, sa mga kaduluduluhang bahagi ng hilagaan:

Isaias 14: 14 Ako'y sasampa sa itaas ng mga kaitaasan ng mga alapaap; ako'y magiging gaya ng Kataastaasan.

Isaias 14: 15 Gayon ma'y mabababa ka sa Sheol, sa mga kaduluduluhang bahagi ng hukay.

Pinagmulan ng Salita

Ang salitang Lucifer ay saling Latin ni Jeronimo ng salitang Hebreo na hêlēl na isinalin sa Septuagint ng Aklat ni Isaias 14:12 na heōsphoros na lumang baybay ng phosphoros. Ang pangalang Lucifer ay batay sa paniniwala ni Jeronimo si Lucifer ay katumbas ni Satanas. Ang salitang heylel ay umiral lamang ng isang beses sa Lumang Tipan sa Isaias 14:12 patungkol sa Hari ng Babilonya.

Ang hêlēl ay karaniwang pinapakahulugang "isang nagliliwanag" mula sa pandiwang yalal (magliwanag o purihin) o halal (humiyaw).

Bagaman ang pangalang Lucifer ay ginamit sa KJV (King James Bible), ang salin ng Hebreong הֵילֵל (hêlēl) bilang "Lucifer" ay inabandona na ng maraming mga modernong saling Ingles ng Bibliya at isinalin bilang "morning star o tala ng umaga" (New International Version, New Century Version, New American Standard Bible, Good News Translation, Holman Christian Standard Bible, Contemporary English Version, Common English Bible, Complete Jewish Bible), "daystar" (New Jerusalem Bible, The Message), "Day Star" (New Revised Standard Version, English Standard Version), "shining one" (New Life Version, New World Translation, JPS Tanakh), o "shining star" (New Living Translation).

Sa Latin Vulgata

Isaias 14:12, quomodo cecidisti de caelo lucifer qui mane oriebaris corruisti in terram qui vulnerabas gentes.

Isinalin sa Ingles ng KJV (King James Version) ng Isaias 14:12: How art thou fallen from heaven, O Lucifer, son of the morning! how art thou cut down to the ground, which didst weaken the nations!

Sa Bagong Tipan

Tungkol sa Kristo:

2 Pedro 1:19 At kami ay mayroong lalong panatag na salita ng hula; na mabuti ang inyong ginagawa kung ito'y inyong sinusundan, na gaya ng sa isang ilawang lumiliwanag sa isang dakong madilim, hanggang sa pagbubukang liwayway, at ang tala sa umaga (Lusiper) ay sumilang sa inyong mga puso.

• Tingnan: San Lusiper, obispo ng Sardinia.

Sa tradisyon

Si Satanas, o Lusiper, ang kalaban ng Diyos na may nais na wasakin ang lahat ng mga nilikha ng Diyos. Tinatawag din si Satanas bilang ang "isang masama", ang "prinsipe ng mundong ito" (ng lupa o daigdig na kinaroroonan ng tao), at bilang "ang diyos ng kapanahunang ito". Siya ang nagdala ng kasamaan sa mundo at nilarawan bilang isang "sinungaling, mapangwasak, at mapanlusob" ng mga tao ng Diyos.

Satan sa Bagong Tipan

Sa Lukas 10:18, bilang pagtukoy sa Isaiah 14:12, isang itong pahiwatig na sumasagisag kay Satanas, na bumagsak sa anyo ng isang lintik (o kidlat) mula sa kalangitan. Kaugnay kay Hesus, dumating si Hesus sa mundo upang muling baguhin ang mga ginuho ni Satanas. Sinubok ni Satanas na pigilan si Hesus ngunit, dahil sa si Hesus ang Anak ng Diyos, naging mas makapangyarihan si Hesus kaysa kay Satanas. Bilang pangaral sa Kristiyanismo, matatanggihan at maiiwasan ng mga tagasunod ni Hesus si Satanas sa pamamagitan ng paghiling sa kapangyarihan ni Hesus at ng Diyos. Darating ang araw na lubos na magtatagumpay ang Diyos sa ibabaw ni Satanas.

Sa astronomiya

Ito rin ang pangalan ng planetang Venus kapag lumilitaw bilang "bituin ng umaga."

Panlabas na kawing

• Lucifer sa Ensiklopedyang Katoliko
• Lucifer sa DevilMayCry.wikia.com