Nyan Cat

Mula sa Wikipediang Tagalog, ang malayang ensiklopedya
Jump to navigation Jump to search
Nyan Cat
Petsa ng
pagpapalabas
2 Abril 2011

Ang Nyan Cat (dating tinawag na Pop Tart Cat) ay isang Internet meme na nagsimula bilang isang animadong larawang GIF ng pusang may katawan ng seresang Pop-Tart na lumilipad sa kalawakan at nag-iiwan ng bahaghari sa kanyang pinanggalingan. Ito rin ay ginawang bidyo sa YouTube na mayroong remix ng kantang "Nyanyanyanyanyanyanya!"[1]

Pinagmulan[baguhin | baguhin ang batayan]

Animadong larawang GIF[baguhin | baguhin ang batayan]

Ang orihinal na animation ay ginawa ng dalawampu't-limang taong gulang na si Christopher Torres ng Dallas, Texas. Ginagamit niya ang pangalang "prguitarman" sa kanyang website na LOL-Comics. Ito ay i-pinost noong ika-2 ng Abril, 2011.[2] Sabi ni Torres sa isang interview: "I was doing a donation drive for the Red Cross and in-between drawings in my Livestream video chat, two different people mentioned I should draw a 'Pop Tart' and a 'cat'." Bilang pagtugon, gumawa siya ng pinaghalong imahe ng Pop-tart at pusa, na ginawang animadong GIF nang ilang araw ang nakalipas. Sabi niya: "Originally, its name was Pop Tart Cat, and I will continue to call it so, but the Internet has reached a decision to name it Nyan Cat, and I’m happy with that choice, too."[3]

Bidyo sa YouTube[baguhin | baguhin ang batayan]

Ipinaghalo ni "saraj00n", isang tagagamit sa YouTube, ang animasyon ng pusa kasama ang isang bersiyon ng kantang "Nyanyanyanyanyanyanya!" na in-upload ni Nico Nico Douga "もももも" ("Momo Momo"), at in-upload niya ito sa YouTube noong ika-5 ng Abril, 2011, at binigyan niya ito ng pamagat na "Nyan Cat".[1][3]

Ang Kanta[baguhin | baguhin ang batayan]

Ang orihinal na kantang "Nyanyanyanyanyanyanya!", na ginawa gamit ang Vocaloid Hatsune Miku (初音ミク?), ay in-upload ni "daniwell"[4] sa Nico Nico Douga noong ika-25 ng Hulyo, 2010.[5] Ang mga salita ng kanta ay tumutukoy sa salitang Hapon para sa mga ingay na ginagawa ng mga pusa, "nyā" (にゃあ).[6]

In-upload ni Momo Momo ang kanyang bersyon ng kantang "Nyanyanyanyanyanyanya!" sa Nico Nico Douga noong ika-31 ng Enero, 2011.[7] Ang bersyon ni Momo Momo ay gumagamit ng singing synthesizer software na UTAU na mayroong boses na "Momone Momo" (桃音モモ), at inuulit nito ang salitang "nyan" sa kabuuan ng kanta.[8] Ang "Momone Momo" ay galing sa salitang kanji na "momo" , na nangangahulugang "peach", at "ne" , na nangangahulugang "sound".[9] Ang pinagmulan ng boses na ginamit upang likhain ang Momone Momo ay si Fujimoto Momoko (藤本萌々子?), isang babaeng Hapones na naninirahan sa Tokyo.[10]

Popularidad[baguhin | baguhin ang batayan]

Ang Nyan Cat music video ay umabot sa ika-siyam na pwesto sa nangungunang sampung viral video ng Abril 2011 ng Business Insider, na mayroong 7.2 milyong pangkalahatang manonood.[11] Ang orihinal na Youtube video ay nakakuha ng mahigit 47 milyong manonood noong ika-15 ng Nobyembre, 2011. Dahil sa kanyang kasikatan, maraming bagong remix at cover versions ang mga ginawa, na ang iba ay umaaabot ng ilang oras sa haba. mayroon ding mga ringtone, wallpaper, at application na nilikha para sa mga operating system kasama na ang Windows 7,[12] Nokia,[13] iPhone, iPad,[14] Android,[15] HP webOS,[16] at Windows Phone 7.[17]

Pinintasan ni Christopher Torres ang website na nyan.cat, dahil ito ay naglalaman ng pusang kamukha ni Nyan Cat at narito rin ang parehong-parehong background music. Ang site na ito, na gumagamit ng .cat sponsored top-level domain, ay inilarawan ni Torres na "plagiarized".[18][19]

Pansamantalang Pagtanggal ng DMCA[baguhin | baguhin ang batayan]

Noong ika-27 ng Hunyo, 2011, ang orihinal na YouTube video ay inalis dahil sa isang reklamong Digital Millennium Copyright Act galing sa isang taong sinasabing siya si prguitarman, ang gumawa ng GIF animation. Agad na tinanggihan ni Christopher Torres (prguitarman) ang pagiging pinagmulan ng reklamo, at nakipag-ugnay siya kina Saraj00n at daniwell, ang mga may-ari ng copyright para sa video at kanta, upang mag-file ng counter-complaint sa YouTube. Sa ika-28 ng Hunyo, 2011, ibinalik ang tinanggal na video sa YouTube. Sa panahon na hindi mapanood ang video, nakatanggap si Torres ng hate mail galing sa mga taong mali ang paniniwala na siya ang may kagagawan ng DMCA takedown notice.[1][20]

Talasanggunian[baguhin | baguhin ang batayan]

  1. 1.0 1.1 1.2 "Nyan Cat / Pop Tart Cat". Know Your Meme. Nakuha noong November 13, 2011.
  2. "Pop Tart / Nyan Cat! by prguitarman on LOL-comics, April 2, 2011". Nakuha noong November 13, 2011.
  3. 3.0 3.1 "POP Profile: The Guy Behind The Viral Phenomenon "Nyan Cat"". Pop goes the Week. April 19, 2011. Nakuha noong October 28, 2011.
  4. "daniwell" is variously credited on the web as daniwellP and Daniwell-P; the account that uploaded the song "Nyanyanyanyanyanyanya!" uses the name daniwell.
  5. ニコニコ動画(原宿).【初音ミク】Nyanyanyanyanyanyanya!【オリジナループ】. From nicovideo.jp July 25, 2010. Retrieved May 30, 2011.
  6. From Denshi Jisho. Dictionary definition of "nyā" (にゃあ). Retrieved June 2, 2011.
  7. ニコニコ国際交流".【UTAU】Nyanyanyanyanyanyanya!【桃音モモ】【ミクカバー】 ‐ ニコニコ動画(原宿). From nicovideo.jp, January 31, 2011. Retrieved May 30, 2011.
  8. Nyan Cat hit 10M views Vocaloidism, May 22, 2011. Retrieved November 13, 2011.
  9. Momo Momone - UTAU Wiki Retrieved November 13, 2011.
  10. Momone Momo Official Channel YouTube. Retrieved November 13, 2011.
  11. "Top viral videos of April: What's A "Nyan Cat"?". May 3, 2011. Nakuha noong November 13, 2011.
  12. Brandrick, Chris (2011-07-13). "Nyan Cat Invades Windows 7, Dances Along Progress Bars". PCWorld. Nakuha noong 2011-09-22.
  13. "Nyan Cat on the Nokia Cell Phone". Pdadevice.com. 2011-07-02. Nakuha noong 2011-09-22.
  14. Dredge, Stuart (May 14, 2011). "Apps rush: Nutkin, Nyan Cat and more". The Guardian. London. Nakuha noong November 13, 2011.
  15. "Galactic Nyan Cat for Android". Nakuha noong November 13, 2011.
  16. "Nyan Cat for HP webOS". Developer.palm.com. Nakuha noong 2011-07-04.
  17. "Nyan Cat strays into the Marketplace". wpcentral.com. Nakuha noong November 13, 2011.
  18. nyan.cat Retrieved November 13, 2011.
  19. "Huy Hong: so tremendously humbled, thank you. Lies and thievery". prguitarman.tumblr.com. Sininop mula sa ang orihinal noong July 16, 2012. Nakuha noong November 13, 2011.
  20. "I did NOT file a Youtube Copyright Complaint". prguitarman.com. June 27, 2011. Nakuha noong November 13, 2011.

Mga kawing panlabas[baguhin | baguhin ang batayan]