Przesłuchanie

Przesluchanie
Direktor	Ryszard Bugajski
Prinodyus	Tadeusz Drewno Andrzej Wajda
Sumulat	Ryszard Bugajski Janusz Dymek
Itinatampok sina	Krystyna Janda Adam Ferency Janusz Gajos
Sinematograpiya	Jacek Petrycki
In-edit ni	Katarzyna Maciejko-Kowalczyk
Produksiyon	Zespól Filmowy "X"
Inilabas noong	13 Disyembre 1989 (1989-12-13)
Haba	118 minuto
Bansa	Polonya
Wika	Polako

Ang Przesłuchanie (Ingles: Interrogation, Filipino: Interogasyon) ay pelikula noong taong 1982 na idinirek ni Ryszard Bugajski mula sa dulang pampelikula na sinulat niya at Janusz Dymek. Nakasentro ang kuwento ng pelikula sa isang ordinaryong apolitikal na babae na nangangalang Tonia, na ginampanan ni Krystyna Janda, na tumatangging makipagtulungan sa mapang-abusong sistema at sa mga opisyal nito, na nagsisikap na pilitin siyang sisihin ang isang dating magkasintahang hindi sinasadya, ngayon ay isang akusado na bilanggong pulitikal.

Ang pelikulang ito ay pinagbawalan na ipalabas sa publiko ng pamahalaang komunista ng Polonya dahil sa mga eksena nito na bumabatikos sa rehimen noong panahong iyon. Sa kabila ng kontrobersyal na paunang pagtanggap nito at kasunod na pagbabawal, kinalat ni Ryszard Bugajski ang mga ilegal na kopya ng mga VHS tape ng pelikula sa publiko na umani ito ng kasikatan.

Noong 1989, pagkatapos ng pitong taon ng pagbabawal at ang pagbagsak ng imperiyalismo ng Unyong Sobyet sa Silangang Europa, ito ay pinalabas ito muli sa publiko sa unang pagkakataon. Pinalabas ito sa mga sinehan sa Polonya noong 13 Disyembre 1989 at naging kalahok sa 1990 Cannes Film Festival na kung saan nanalo si Krystyna Janda bilang Pinakamahusay na Aktres pero nominado sa gantimpalang Palme d'Or.