Guyot ng Recto
| Guyot ng Recto | |
|---|---|
| Lalim ng taluktok | 9 hanggang 45 metro (30 hanggang 148 ft) |
| Lawak ng taluktok | 8,866 kilometro kuwadrado (3,423 sq mi) |
| Lokasyon | |
| Lokasyon | Kanlurang Dagat ng Pilipinas |
| Mga koordinado | 11°20′N 116°50′E / 11.333°N 116.833°E |
| Bansa | Pilipinas, inaangkin ng Republikang Bayan ng Tsina |
| Heolohiya | |
| Uri | Guyot |
Ang Guyot ng Recto (tinatawag ding Guyot ng Reed) ay isang malaking guyot o tablemount sa Kanlurang Dagat ng Pilipinas hilagang-silangan ng Dangerous Ground o Mapanganib na Lupain at hilagang-silangan ng Kapuluang Kalayaan. Sumasaklaw ito sa lawak na 8,866 kilometro kuwadrado (3,423 milyang kuwadrado),[1] subalit may mga lalim na sa pagitan ng siyam at 45 metro.[2] Kinabibilangan ng Guyot ng Nares at Guyot ng Marie Louise Bank ang nakalubog na lugar subalit mayaman sa hidrokarburo.
Bagaman nagpasya ang Permanenteng Hukuman ng Arbitrasyon noong 2016 na nasa loob ng eksklusibong sonang ekonomiko ng Pilipinas ang Guyot ng Recto, patuloy na pinagtatalunan ang mga karapatang ekonomiko sa lugar – pangunahin ng Republikang Bayan ng Tsina – at sinuspinde ang pagsasamantala sa mga reserba ng hidrokarburo ng Pilipinas noong 2015.[3]
Ang Guyot ng Recto ay nasa hilagang-silangang bahagi ng inaangking teritoryo ng Kalayaan, Pilipinas, na kinabibilangan din ng karamihan sa hilaga at silangang bahagi ng Kapuluang Spratly (na tinatawag ng Pilipinas na Kapuluang Kalayaan). Matatagpuan ang lugar sa labas ng kanlurang baybaying-dagat ng Palawan, hilaga ng Bahurang Iroquois, Bahurang Pennsylvania, at mga Bahurang Katimugan at silangan ng hilagang bahagi ng Kapuluang Spratly. Ang pinakamalapit na mga bahagi ng Kapuluang Spratly na inookupa ay ang Pulo ng Patag (Flat Island), Pulo ng Lawak (Nanshan Island) at Kulumpol ng Ayungin (Second Thomas Shoal) na inookupa ng Pilipinas, at ang Mischief Reef o Bahurang Panganiban na inookupa ng Republikang Bayan ng Tsina.[4]
Kasaysayan
[baguhin | baguhin ang wikitext]Kasunod ng pag-ookupa ng Tsina sa Bahurang Mischief noong kalagitnaan ng dekada 1990, sinadyang pinasadsad noong 1999 ang LST 57 - Sierra Madre, isang lumang barkong pandagat ng Pilipinas ng panahon ng Ikalawang Digmaang Pandaigdig, upang mapanatili ang kutang pandagat ng Pilipinas sa lugar. Nang 15 taon na ang nakalilipas binabantayan pa rin ito ng higit sa isang dosenang mga Marinong Pilipino.
Noong Hunyo 2019, tinamaan at pinalubog ng isang bangkang pangisdang Tsino ang isang bangkang pangisdang Pilipino na naka-angkla sa Guyot ng Recto. Ayon sa Sandatahang Lakas ng Pilipinas, pinaniniwalaan nilang isang sinadyang pag-atake ito batay sa kalikasan ng insidente: ang bangkang Pilipinong Gimver 1 na may katawang kahoy ay naka-angkla nang matamaan, at ang sasakyang pandagat na Tsino na may katawang bakal na tumama dito ay hindi huminto o nag-alok ng tulong pagkatapos ng insidente.[5] Kinailangang saklolohan ang 22 tripulante ng lumulubog na bangka ng isang kalapit na sasakyang pandagat na Biyetnames na tumugon sa kanilang mga tawag ng tulong.[6]
Mga sanggunian
[baguhin | baguhin ang wikitext]- ↑ List of Atolls showing location, area, depth, and rainfall (PDF), geosociety.org, 2001 (sa Ingles)
- ↑ NGA Bathymetric Chart 91005 (sa Ingles) grapikong inilalarawan nang walang pag-aalinlangan kung paanong umaabot ang mga lalim ng Recto Bank mula mas mababa sa 100m hanggang mas higit sa 1,000m sa mga layong hindi hihigit sa 20km.
- ↑ "RPT-Philippines suspends Reed Bank drilling in S.China Sea - Philex unit" (sa wikang Ingles). Reuters. Marso 2, 2015.
- ↑ Pasaylo, June (23 Mayo 2011). "Palace: Reed Bank not subject to negotiation". The Philippine Star (sa wikang Ingles). Nakuha noong 15 Abril 2014.
- ↑ Stashwick, Steven. "Chinese Vessel Rams, Sinks Philippine Fishing Boat in Reed Bank". thediplomat.com (sa wikang Ingles). The Diplomat. Nakuha noong 15 Hunyo 2019.
- ↑ DeAeth, Duncan. "Philippines says Chinese vessel attacked Filipino fishermen in South China Sea". taiwannews.com (sa wikang Ingles). Taiwan News. Nakuha noong 14 Hunyo 2019.