Rupiah ng Indonesia

Ang rupiah (Rp) ay ang opisyal na pananalapi ng Indonesia na nilalabas at kinokontrol ng Bangko ng Indonesia. IDR ang kodigong ISO 4217 para sa rupiah. Sa di-pormal na pananalita, ginagamit ng mga taga-Indonesia ang salitang "perak" ('pilak' sa wikang Indones) sa pagtukoy sa rupiah. Nahahati ang rupiah sa 100 sen, bagaman hindi na ginagamit ang sen at namamayani na ang mga barya at papel de bangko dahil sa pagpintog ng salapi.

Nagkaroon ang pulo ng Riau at Irian Barat (kalahati ng New Guinea na sakop ng Indonesia) ng sarili nilang uri ng rupiah noong nakaraan, ngunit naging bahagi na ito sa pambansang rupiah noong 1964 sa Riau at 1971 sa Irian Barat.

Salaping umiiral

Ang kasalukuyang rupiah ay binubuo ng mga barya mula sa 50 rupiah hanggang sa 1,000 rupiah, at papel de bangko na mula 1,000 Rupiah hanggang sa 100,000 Rupiah.

Barya

Mga barya ng rupiah ng Indonesia
Larawan		Halaga	Serye	Diyametro	Kapal	Bigat	Materyal	Harap	Likod	Pagkakaroon
Harap	Likod
		Rp 50	1999	20 mm	2 mm	1.36 g	Aluminyo	Garuda Pancasila	Ibong kepodang at ang halaga ng barya	Napakababa
		Rp 100	1999	23 mm	2 mm	1.79 g			Ibong palm cockatoo at ang halaga ng barya	Mataas
		Rp 200	2003	25 mm	2.3 mm	2.38 g			Ibong Bali Starling at halaga ng barya
		Rp 500	1991	24 mm	1.8 mm	5.29 g	Tansong aluminyo		Bulaklak na hasmin at halaga ng barya	Mababa
			1997		1.83 mm	5.34 g				Mataas
			2003	27 mm	2.5 mm	3.1 g	Aluminyo			Mataas
		Rp 1,000	1993	26 mm	2 mm	8.6 g	Bi-metal, nikel at tansong aluminyo		Anahaw at ang halaga ng barya	Napakababa
			2010	24.15 mm	1.6 mm	4.5 g	Aserong nikelado	Garuda Pancasila at ang halaga ng barya	Angklung at Gedung Sate	Mataas