Vacuole

Mula sa Wikipediang Tagalog, ang malayang ensiklopedya
Jump to navigation Jump to search
Vacuole sa selula ng isang halaman.

Ang vacuole ay isang tinatakdaan ng membranong organelo na makikita sa mga selula ng lahat ng mga halaman, fungi, ilang mga protista, hayop at bacteria. Ang mga vacuole ay napapalibutan ng mga kompartmento(paghahati) na napupuno ng tubig na naglalaman ng mga inorganiko at organikong mga molekula kabilang ang mga ensaym sa solusyon, bagaman sa ilang mga kaso, ang mga ito ay naglalaman ng mga solido na nilamon. Ang mga vacuole ay nabubuo sa pamamagitan ng pagsasanib(fusion) ng maraming mga membranong besikulo at sa epekto ay mga malalaking anyo lamang ng mga ito. Ang organelong ito ay walang payak na hugis o sukat. Ang istraktura nito ay iba iba ayon sa pangangailangan ng selula.

Ang tungkulin at kahalagaan ng mga vacuole ay iba-iba ayon sa uri ng selulang kinakikitaan nito. Ito ay may mas malaking kahalagahan sa mga selula ng mga halaman, fungi at ilang mga protista kesa sa mga hayop at bacteria. Sa pangkalahatan, ang mga tungkulin ng vacuole ay kinabibilangan ng:

  • Paghihiwalay ng mga materyal na maaaring mapanganib o banta sa isang selula
  • Naglalaman ng mga tinatapong produkto(waste products)
  • Naglalaman ng tubig sa mga selula ng halaman
  • Nagpapanatili ng panloob na hydrostatikong presyur o turgor sa loob ng selula
  • Nagpapanatili ng asidikong panloob na pH
  • Naglalaman ng maliliit na mga molekula
  • Naglalabas ng mga hindi kinakailangang substansiya sa selula
  • Pumapayag sa mga halaman upang sumuporta sa mga istrakturang gaya ng mga dahon at bulaklak sanhi ng presyur ng sentral na vacuole
  • Sa mga buto ng halaman, ang nakaimbak na mga protina na kailangan para sa herminasyon ay itinatago sa mga 'katawang protina' na mga binagong vacuole