Wikipediang Indones
 | |
Screenshot  Pangunahing pahina ng Wikipediang Indones | |
Uri ng sayt | proyektong pang-ensiklopedya sa Internet |
|---|---|
| Mga wikang mayroon | Indones |
| Punong tanggapan | Miami, Florida, Estados Unidos Jakarta, Indonesya |
| May-ari | Pundasyong Wikimedia |
| URL | id.wikipedia.org |
| Pang-komersiyo? | Hindi |
| Pagrehistro | Hindi sapilitan |
| Mga gumagamit | 1.7 milyon (magmula noong 8 Hunyo 2026) |
| Nilunsad | 30 Mayo 2003 |
Lisensiya ng nilalaman | Creative Commons Attribution/ Share-Alike 4.0 (nakalisensiya din sa GFDL ang karamihan sa mga teksto nito) Naiiba ang paglilisensiya sa midya |
Ang Wikipediang Indones (Indones: Wikipedia bahasa Indonesia, dinaglat na WBI) ay ang edisyon ng Wikipedia sa wikang Indones. Nasa ikadalawampu't anim na ranggo ito batay sa lalim ng nilalaman sa mga edisyon ng Wikipedia. Isinulat ang unang artikulo nito noong ika-30 ng Mayo 2003,[1][2] ngunit nilikha ang pangunahing pahina nito noong ika-29 ng Nobyembre 2003, anim na buwan ang nakalipas.[3] Isa ang edisyong Indones sa mga Wikipediang hindi ipinahihintulutan ang mga pagbabagong gawa ng mga tagagamit na hindi nakarehistro. Ipinagbawal nila ang mga pagbabago mula sa mga gumagamit ng IP noong 2009.
Mayroong 778,287 mga artikulo sa Wikipediang Indones. Noong Abril 2016, may 462 mga tagagamit na nakapag-edit na hindi bababa sa limang pagbabago sa nasabing buwan.
Kaligirang pangkasaysayan
[baguhin | baguhin ang wikitext]Bagama't katulad ng wikang Malay ang wikang Indones, nananatiling magkabukod ang Wikipediang Indones sa Wikipediang Malay,[4] na sinimulan noong Oktubre 2002.[5] Ito ay dahil magkahiwalay na sinimulan ng dalawang magkaibang mga pangkat ng mga tagagamit ang dalawang mga edisyon sa pagitan ng anim na buwan. Noong 2009, nagsulat si Andrew Lih na "Dahil nakahanay ang dalawang mga pangkat na ito sa mga hangganang pambansa, malabong mangyayari ang pagsasanib ng dalawa sa lalong madaling panahon."[4]
Isang normatibong anyo ng wikang Malay ang Indones, na isang wikang Austronesyo na ginagamit nang lingguwa prangka sa kapuluan ng Indonesya sa maraming mga dantaon. Naging opisyal na wika ito noong 1945 nang inihayag nila ang kanilang kasarinlan, at kinuha nilang inspirasyon ang kaganapang Sumpah Pemuda (Panata ng Kabataan) noong 1928. Bagama't magkatulad ito sa opisyal na anyong Malay ng wika, naiiba naman ito sa ilang paraan. Isa na rito ang pagkakaiba sa pagbigkas at bokabularyo, pangunahing salik ang taglay na mga salitang Olandes sa bokabularyong Indones. Sinasalita ito bilang katutubong wika ng humigit-kumulang 7% lamang ng populasyon ng Indonesya, subalit sa kabuoan ay mahigit 200 milyong katao ang gumagamit nito.[6] Ginagamit ang wikang Malay ng mga katutubo na nakatira sa Tangway ng Malaya, katimugang Thailand, ilang bahagi ng Pilipinas, at Singapura. Itinuturing ding isa sa mga diyalekto ng wikang Indones ang Malay ng mga Indones na nakatira sa gitnang-silangang Sumatra, Kapuluang Riau, at ilang bahagi ng mga baybayin ng Borneo.[7]
Mga pangyayaring makahulugan
[baguhin | baguhin ang wikitext]- 1,000 mga artikulo: ika-16 ng Marso 2004
- 10,000 mga artikulo: ika-31 ng Mayo 2005
- 50,000 mga artikulo: ika-1 ng Pebrero 2007
- 100,000 mga artikulo: ika-21 ng Pebrero 2009
- 180,000 mga artikulo: ika-26 ng Disyembre 2011
- 200,000 mga artikulo: ika-27 ng Marso 2012
- 300,000 mga artikulo: Oktubre 2013
- 400,000 mga artikulo: ika-27 ng Abril 2017
- 500,000 mga artikulo: ika-15 ng Agosto 2019[8]
- 600,000 mga artikulo: ika-18 ng Oktubre 2021
- 700,000 mga artikulo: ika-2 ng Agosto 2024
Estadistika
[baguhin | baguhin ang wikitext]| Bilang ng mga tagagamit na may akawnt | Bilang ng mga artikulo | Bilang ng mga talaksang midya | Bilang ng mga tagapangasiwa |
|---|---|---|---|
| 1701336 | 778287 | 66688 | 47 |
Mga sanggunian
[baguhin | baguhin ang wikitext]- Lih, Andrew. The Wikipedia Revolution: How a Bunch of Nobodies Created the World's Greatest Encyclopedia. Hyperion, New York City. 2009. Unang Edisyon. ISBN 978-1-4013-0371-6 (alkaline paper).
Mga talababa
[baguhin | baguhin ang wikitext]- ↑ (sa Indones) Electron History Page in Bahasa Indonesia
- ↑ (sa Indones) Tokoh Indonesia: Revo AGS: Indonesian Wikipedia Contributor Naka-arkibo October 10, 2007, sa Wayback Machine.
- ↑ (sa Indones) Wikipedia Bahasa Indonesia Main Page history
- 1 2 Lih, p. 136.
- ↑ "Malay Wikipedia History".
- ↑ "Axis translations: Indonesian language". Inarkibo mula sa orihinal noong Marso 3, 2016. Nakuha noong Marso 9, 2009.
- ↑ Ethnologue report for Netherlands
- ↑ "Apakah tidak ada yang mau mengucapkan:"Selamat untuk Wikipedia bahasa Indonesia karena telah mencapai artikel ke-500.000!" kepada wikimin beserta seluruh kontributor Wikipedia? Hmph. pic.twitter.com/2wgeuRM5AR" (sa wikang Indones). Wikipedia bahasa Indonesia. Agosto 15, 2019. Nakuha noong Oktubre 15, 2019.