Xanthippe

Si Xanthippe (binibigkas na /zænˈθɪpi/; Griyego: Ξανθίππη, ika-5 daantaon - ika-4 na daantaon BCE) ay isang sinaunang Atenyana, na asawa ni Socrates at ina ng tatlong mga anak nilang lalaki: sina Lamprocles, Sophroniscus, at Menexenus. Mayroong mas maraming mga kuwentong patungkol sa kaniya kaniya kaysa sa mga katotohanan. Mas malamang na mas nakababata siya kaysa sa kay Socrates, marahil na mga 40 mga taon ang kabataan niya kay Socrates.

Pangalan

Ang "Xanthippe" ay may kahulugang "kabayong dilaw", mula sa Griyegong ξανθός "xanthos" (madilaw) at ἵππος "hippos" (kabayo). Ang kaniya ay isa sa maraming mga sinaunang pansariling mga pangalang Griyego na mayroong isang temang pangkabayo (maihahambing sa Philippos: "kaibigan ng mga kabayo"; Hippocrates: "nagpapaamo ng kabayo", atbp.). Ang "hippos" sa isang sinaunang pangalang Griyego ay madalas na nagmumungkahi ng may pinagmanahang aristokratiko. Ang isang karagdagang dahilan para sa pag-iisip na ang mag-anak ni Xanthippe ay mahalaga o tanyag sa lipunan ay ang pagkakaroon ng pangalang Lamprocles ng kaniyang panganay na anak na lalaki, sa halip na "Sophroniscus" (buhat sa ama ni Socrates): ang sinaunang kinagawiang Griyego ay ang pagpapangalan ng unang anak mula sa mas ipinagbubunyi sa dalawang mga lolo. Ang ama ni Xanthippe ay pinaniniwalaang may pangalang Lamprocles. Dahil sa mas matatag sa aristokrasyang Atenyano kaysa sa ama ni Socrates, ang pangalan niya ay ang magiging mas gugustuhing piliin upang maging pangalan ng panganay na anak na lalaki.

Mga kawing panlabas

May kaugnay na midya ang Xanthippe sa Wikimedia Commons