Agatha Christie

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Dama Agatha Christie, DBE
Sagisag-panulat Mary Westmacott
Trabaho Nobelista
Nasyonalidad Ingles
Henero Murder mystery, Thriller, Crime fiction, Romances
Kilusang pampanitikan Golden Age of Detective Fiction
(Mga) asawa Archibald Christie (1914–1928)
Max Mallowan (1930–1976)



Lagda Talaksan:Agatha Christie Signature.svg

.com

Si Dama Agatha Mary Clarissa Miller, Ginang Mallowan[1], DBE (15 Setyembre 1890 – 12 Enero 1976), sa Ingles: Dame Agatha Mary Clarissa Miller, Lady Mallowan, DBE, na mas kilala bilang Agatha Christie, ay isang Ingles na manunulat ng mga nobelang pang-krimen, maikling kuwento, at mga dula. Nagsulat din siya ng mga nobelang romantiko sa ilalim ng pangalang Mary Westmacott. Isinilang siya sa Torquay, Devon, Inglatera. Noong 1971, ginawaran siya ng pamagat na komandanteng dama ng Orden ng Imperyong Britaniko.[1]

Kilalang-kilala si Christie dahil sa kaniyang mga kuwentong pang-detektib[1], mga tagapagmanman at tagapagimbistiga, na umabot sa mga walumpo ang bilang. At maging dahil sa kaniyang matagumpay na mga dulang pang-tanghalang West End. Dahil sa kaniyang mga gawa, partikular na dahil sa mga akdang kinabibidahan ng Belhiyakong detektib na si Hercule Poirot[1] o kaya ng Inglesang si Binibining Jane Marple[1], nabigyan siya ng taguring "Reyna ng Krimen", at naging rason ng kaniyang pagiging isa sa mga pinakamahalaga at inobatibong mga manunulat sa pagpapaunlad ng henero.

Tinawag si Christie ng Aklat ng mga Talang Pandaigdig ng Guinness, bukod sa iba pa, bilang ang pinakamabiling manunulat ng mga aklat sa lahat ng panahon at ang pinakamabenta ring manunulat ng kahit anong tipo, kasama sa hanay ng mga katulad ni William Shakespeare. Tanging ang Bibliya lamang ang nalalamang nakalampas kay Christie sa mga pinagsama-samang mga bilang ng benta na umabot sa mga apat na bilyong kopya ng mga nobela.[2] Sinasabi ng UNESCO na si Christie ang pinakanasaling indibidwal na may-akda sa mundo na tanging ang mga pinagtipun-tipong mga gawa lamang ng Produksiyong Walt Disney ang nakalampas sa kaniya.[3]

Naisalin ang mga aklat ni Christie sa may (pinakamababang bilang) 56 na mga wika, bukod sa Ingles, at kinabibilangan ng Albanyano, Amharik, Arabe, Armenyano, Baske, Bengal, Bokmål (diyalekto ng Norwehiyano), Bulgaro, Burmes, Katalan, Tsino, Czech, Kroasyano, Danes, Dutch, Esperanto, Estonyano, Farsi (Persa (Persian)), Fines, Pranses, Galisyano, Georhiyano, Aleman, Griyego (makabago), Ebreo, Hungaryano, Islandiko, Indones, Italyano, Hapones, Kalaallisut (Kanlurang Greenland), Kazakh, Koreano, Latbyano, Litwanyano, Masendonyano, Malayalam, Moldabyano, Polako, Portuges, Romanyano, Ruso, Serbyano, Serbo-Kroasyano, Sinhales, Slovak, Slobeno, Kastila, Swedes, Thai, Turko, Ukranyano at Urdu.

Mga sanggunian[baguhin]