Minecraft

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Minecraft
Gumawa Mojang
Naglimbag Mojang, Microsoft Studios, Sony Computer Entertainment
Nagdisenyo Markus "Notch" Persson noong 2009-2011, Jens "Jeb" Bergensten noong 2011-kasalukuyan

Ang Minecraft ay isang laro tungkol sa pagsisira at paglalagay ng mga block. Ginawa ito noong 2009 ng isang Suwekong programmer na nagngangalang Markus Persson at nang kinalaunan, nilimbag ito ng isa ring Suwekong kumpanya, ang Mojang. Matatandaan na noong nakaraan lamang ay na-ban ang larong ito sa bansang Turkey dahil sa pagkabayolente ng laro.

Paglalaro[baguhin | baguhin ang batayan]

Ang iyong pangunahing karakter ay si Steve (sa Pocket Edition, XBox, at sa PC, at si Alex (lumabas ang karakter na ito pagkatapos ang update na 1.8 sa PC). Ang larong ito ay isang sandbox video game kung saan malaya kang makakapagbuo ka ng mga istraktura o bahay para maprotektahan ang karakter mo sa mga kalabang nocturnal. Ang layunin mo talaga sa larong ito ay ang mapatalsik ang Ender-Dragon (unang mob boss sa Minecraft). Makikita mo ang Ender-Dragon sa "The End" na kung saan kapag nakapasok ka na rito ay hindi ka na puwedeng bumalik sa Overworld. Ang Portal sa "The End" ay binubuo ng 12 End Portal Frames at Eye of Ender. Pagkatapos mong matalo ang Ender-Dragon, may matatanggap kang Dragon Egg. Lalabas rin ang End Poem at ang mga Credits. Pagkatapos nito ay babalik ka na sa Overworld. Mayron pang isang portal na tinatawag na "The Nether". Binubuo ito ng 6x4 na obsidian, at Flint and Steel. Sa laro ding ito ay puwede kang makapaglaro kasama ang iyong mga kaibigan sa pamamagitan ng LAN.

May mga kurokurong paliwanag tungkol sa mga karakter sa Minecraft. Isa na rito ang karakter na si Herobrine. Siya raw ay may kakayahang gumawa ng iba't-ibang istraktura. Mayroon ding mga kuha sa video na makikita sa YouTube na nakita raw ng isang player na nagngangalang "Joshua Parkington". Siya raw ay lumilitaw sa mga lumang bersiyon ng laro. Ang pagkakakilanlan ng mga player kay Herobrine ay tulad din ni Steve. May mga puting mata at kapatid ni Notch. Nagpaliwanag na si Notch na wala raw siyang kapatid. Kung mayroon man, ay meron siyang half-brother pero hindi naman naglalaro ng Minecraft ang kanyang kapatid.

May mga app na nagpapatch rito upang maiedit o mabago ang iyong paglalaro. Sa Pocket Edition, may aplikasyong tinatawag na BlockLauncher Pro. Pinapalitan nito ang iyong skin, texture pack ng laro at paglalagay ng mga mods. Sa kompyuter naman ay mayro'n ding aplikasyong tinatawag na Forge. Ang mga sikat na Minecraft Player ay sina DanTDM, SkyDoesMinecraft, at marami pang iba.

Mga Mobs (Pangkalahatan)[baguhin | baguhin ang batayan]

Mga Mobs na Makikita sa "Overworld"[baguhin | baguhin ang batayan]

Critters[baguhin | baguhin ang batayan]

  • Baboy
  • Baka
  • Kabayo
  • Lobo (tinuturing minsan na aso)
  • Manok
  • Mga Isda (Salmon, Pufferfish, atbp.)
  • Mooshroom (mob na mukhang baka pero napapalibutan ng mga kabuti)
  • Oselot
  • Paniki
  • Pusit
  • Tupa

Mga Mobs[baguhin | baguhin ang batayan]

  • Creeper
  • Gagamba
  • Gagambang Kuweba
  • Kalansay
  • Silverfish
  • Slime
  • Spider Jockey (Kalansay na nakasakay sa Gagamba)
  • Witch
  • Zombie

Mga Mobs na Makikita sa "The Nether"[baguhin | baguhin ang batayan]

  • Blaze
  • Ghast
  • Magma Cube
  • Wither
  • Wither Boss
  • Zombie Pigman

Mga Mobs na Makikita sa "The End"[baguhin | baguhin ang batayan]

  • Enderman (makikita rin sa Overworld)
  • Ender-Dragon

Pagbibili[baguhin | baguhin ang batayan]

Maaari mong bilhin ang Minecraft para sa PC/Mac. Ang Minecraft: Pocket Edition ay available sa iOS at Android, at ang Minecraft: Xbox 360 Edition ay available sa XBLA Marketplace. Sa ngayon, 8,387,534+ tao na ang nakabili ng bersiyong para sa PC/Mac ng laro.

Panlabas na Kawing[baguhin | baguhin ang batayan]