Pangangatwiran mula sa salat na disenyo

Ang Argumento mula sa palpak na disenyo ay isang argumento laban sa pag-iral ng diyos at kontra-argumento sa "argumento mula sa disenyo" o "argumentong teleolohikal" na ginagamit ng mga "teista"(naniniwala sa diyos) upang patunayang may diyos. Ayon sa mga teista, ang mga bagay sa mundo ay kinakikitaan ng disenyo at hindi pagiging aksidente kaya't may nagdisenyo rito, at ang nagdisenyo ay diyos. Eto ay tinutulan ng mga ateista at mga kritiko. Ang argumento mula sa disenyo o intelligent design ang pangunahing pinaglalaban ng kilusang disenyong intellihente(intelligent design movement) ng mga Ebanghelikal na Kristiyano sa Estados Unidos upang ituro sa mga publikong paaralan. Bukod dito, ito rin ang ginagamit ng mga ebanghelikal upang tutulan ang pagtuturo ng ebolusyon sa paaralan sa Estados Unidos. Ang ebolusyon(evolution) ay isang larangan na may malakas na mga ebidensiya na nagpapaliwanag ng pinagmulan ng mga hayop at tao at tinatanggap ng malawak ng mga akademiko at scientific community sa buong mundo. Ayon din sa mga siyentipiko(scientist), ang intelligent design ay hindi agham.

Mga halimbawa ng palpak na disenyo

Sa sistemang reproduktibo ng tao:

• Sa isang babaeng tao, ang napunlay(fertilized) na itlog na babae ay maaaring mailagay sa fallopian tube, cervix o obaryo(ovary) imbis na sa uterus na nagreresulta sa pagbubuntis na ektopiko(ectopic pregnancy). Ang pag-iral ng cavity(butas) sa pagitan ng obaryo at fallopian tube ay nagpapakita ng isang maling disenyo sa sistemang reproduktibo ng isang babaeng tao. Bago ang moderno pag-oopera(surgery), ang pagbubuntis na ektopiko ay nagdudulot ng kamatayan sa isang ina at ang sanggol nito. Kahit sa modernong kasalukuyang panahon, sa lahat ng halos na mga kaso, ang pagbubuntis na ektopiko ay kailangang ipalaglag(abort) upang maligtas ang buhay ng ina.
• Sa babaeng tao, ang birth canal ay dumadaan sa pelvis. Ang bungo(skull) ng pinagbubuntis na sanggol ng isang babae ay nadedeporma o nadidispigura(nasisira ang anyo) sa nakagugulat na lawak. Gayunpaman, kung ang ulo ng sanggol ay mas malaki sa bukanan ng pelvis, ang sanggol ay hindi maipanganganak ng natural. Bago ang paglikha ng modernong pag-opera na caesarian section, ang mga gayong komplikasyon ay nagdudulot ng kamatayan ng ina, sanggol o parehong ito. Ang ibang mga komplikasyon sa panganganak gaya ng breech birth ay pinapalala rin ng posisyong ito ng birth canal.
• Sa lalakeng tao, ang testes ay sa simula nabubuo sa loob ng abdomen(tiyan). Kalaunan sa gestation, ito ay lumilipat sa pamamagitan ng abdominal wall patungo sa scrotum. Ito ay nagdudulot ng dalawang mahinang mga punto sa abdominal wall kung saan ang mga hernia(luslos) ay kalaunang nabubuo. Bago ang modernong pag-oopera, ang mga komplikasyon ng hernia(luslos) ay kinabibilangan ng pagharang sa bituka, gangrene(pagkabulok ng tisyu) etc. na nagreresulta sa kamatayan.

Iba pang mga halimbawa ng mga palpak na disenyo:

• Ang hindi nagagamit na mga nerve at mga muscle gaya ng plantaris muscle sa paa na hindi makikita sa ilang populasyon ng tao at karaniwang inaani bilang spare part kung kailangan sa isang operasyon. Ang isa pang halimbawa ang mga muscle na nagpapagalaw sa tenga na kayang kontrolin ng ilang tao ngunit walang silbi sa anumang kaso .
• Ang karaniwang malpormasyon ng spinal column sa tao na nagreresulta sa sakit na scoliosis, sciatica, at hindi tamang paghanay(misalignment) ng vertebrae sa kapanganakan.
• Halos lahat ng mga hayop at halaman ay makakalikha(synthesize) ng kanilang sariling bitamina C(vitamin c) ngunit ang mga tao ay walang kakayahang makalikha sa sarili nito ng vitamin c dahil sa depektibong(hindi gumagana) Pseudogene ΨGULO. Ang kawalan ng bitamina C ay nagreresulta sa sakit na scurvy at kalaunan ay kamatayan. Ang gene na ito ay hindi gumagana sa ibang mga primate at guinea pig ngunit gumagana sa karamihan ng mga hayop.
• Sa Aprikanong balang(locust), ang mga nerve cell ay nagmumula sa abdomen ngunit kumakabit sa pakpak na nagreresulta sa hindi kinakailangang paggamit ng mga materyal.
• Masalimuot(intricate) na mga kasangkapang reproduktibo sa orchid na maliwanag na nilikha mula sa mga bahaging karaniwang may iba't ibang tungkulin sa ibang mga bulaklak.
• Ang paggamit ng panda sa kanilang malaking radial sesamoid bone sa paraang tulad sa kung paano ginagamit ng ibang mga hayop ang mga hinlalaki nito.
• Ang pag-iral ng mga walang silbing pakpak sa hindi lumilipad na mga ibon gaya ng ostrich.
• Ang ruta sa paulit-ulit na nerve ng laryngea na sa paraang naglalakbay mula sa utak patungo sa larynx sa pamamagitan ng pag-ikot sa aortic arch. Ang parehong konpigurasyon ay makikita rin sa maraming mga hayop. Sa kaso ng giraffee, eto ay nagreresulta sa halos 20 talampakang(feet) na ekstrang nerve.
• Ang pagiging laganap ng mga sakit sa kapanganakan(congenital diseases) at mga genetic disorder gaya ng Huntington's Disease.
• Ang siksikang mga ngipin] at hindi magaling na drenahe(drainage) ng sinus dahil ang mga mukha ng tao ay labis na mas patag(flatter) kesa sa ibang mga primate ngunit ang mga tao ay may parehong hanay ng ngipin sa ibang mga primate. Ito ay nagreresulta sa ilang mga problema na ang pinakakilala ay ang wisdom teeth. Ang wisdom teeth ay karaniwan at kailangan bunutin upang maibsan ang matinding sakit na dulot nito.
• Ang pag-iral ng pharynx na isang daanan na ginagamit sa parehong pagkain at paghinga ng tao na nagreresulta sa pagkakabulon(choking) sa isang tao.
• Ang straktura ng mata ng tao gayundin ng lahat ng mammal. Ang retina ay nasa loob-labas o ang panloob nito ay nakalabas. Ang mga nerve at blood vessel ay nakahimlay sa ibabaw ng retina imbis na sa likod nito na tulad ng sa maraming mga species na invertebrate. Ang pagkakayos na ito ay nagpupwersa ng ilang mga komplikadong pagbabagay(adaptation) at nagbibigay sa mga mammal ng blind spot. Ang anim na muscle ay nagpapagalaw sa mata kahit na tatlong muscle lamang ang sasapat.
• Ang pagkawala ng tetrachromatic vision ng mga [[mammal] kumpara sa ibang mga tetrapod.
• Ang enzyme na rubisco ay inilalarawang notoryus na hindi mahusay na enzyme dahil ito ay pinipigalan ng oxygen at may mabagal na pagbaliktad(turnover) at hindi nabababad(saturated) sa kasalukuyang mga lebel ng carbon dioxide sa atmosphere. Ang enzyme na ito ay napipigilan dahil hindi nito alam kung ano ang pagkakaiba ng carbon dioxide at molekular na oxygen na ang oxygen ay gumagana bilang nakikipaligsahang tagapigil ng oxygen. Gayunpaman, ang rubisco ay nanatiling pangunahing enzyme sa pagpipirmi ng carbon at ang mga halaman ay nadadaig ang hindi mahusay na gawain nito sa pamamagitan ng pagkakaroon ng labis na halaga nito sa loob ng mga selula nito na gumagawa rito bilang pinakasaganang protina sa mundo.
• Ang enzyme na nitrogenase ay aktwal na pinipili ang pagdikit sa acetylne kesa di-nitrogen bagaman ito ang pangunahing enzyme na ginagamit sa pagpipirme ng nitrogen sa maraming mga bacteria at archaea.
• Ang repleks(reflex) ng paghinga ay pinapasigla ng hindi direkta sa kawalan ng oxygen ngunit hindi direkta sa presensiya ng carbon dioxide. Bilang resulta, sa matataas na altitudo, ang kawalan ng oxygen ay maaaring mangyari sa mga indibidwal na hindi sanay sa ganitong lugar na hindi dinadagdagan ng may kamalayan ang kanilang antas ng paghinga. Ang walang oxygen na asphyxiation sa isang purong nitrogen na atmosphere ay iminungkahi bilang makataong paraan ng pagpaslang sa tao na gumagamit sa hindi intensiyonal na kamaliang ito.
• Ang pagkakaroon ng matibay ngunit mabibigat na mga buto na angkop sa hindi paglipad na nakikita sa mga hayop gaya ng mga paniki. Sa kabaligtaran, ang pagkakaroon ng hindi matatag, magaan, may butas na mga butong angkop sa paglipad na nakikita sa mga ibon gaya ng penguin at ostrich na hindi makalipad.
• Ang pag-iral ng mga vestigial(mga wala ng silbing bahagi o iba na ang tungkulin ngunit bahagi ng sinaunang bahagi) na bahagi ng katawan gaya ng femur at pelvis sa mga balyena(whale) na ayon sa ebolusyon, ang mga ninuno ng mga balyena ay namuhay sa lupa at hindi dagat. Bukod dito ang ikatlong molar o wisdom teeth sa mga tao ay walang silbi at nagdudulot ng matinding sakit samantalang ang ibang mga primate na may ibang hugis ng panga(jaw) ay ginagamit ang ikatlong molar.
• Ang Turritopsis nutricula at Hydra genus ay may biolohikal na imortalidad(hindi namamatay).
• Maraming mga species ay may malakas na instinct(simbuyo) na umasal bilang tugon sa isang stimulus. Ang natural na seleksyon ay maaaring mag-iwan sa mga hayop na umasal sa nakapipinsalang mga paraan kung makasagupa ito ng supernormal na stimulus gaya ng gamo-gamo na lumilipad sa apoy.