Aklat ni Ester

Mula sa Wikipedia, ang malayang ensiklopedya
Jump to navigation Jump to search
Lumang Tipan ng Bibliya

Ang Aklat ni Ester[1] o Aklat ni Esther ay isang aklat sa Lumang Tipan ng Bibliya. Isa rin ito sa mga aklat na isinalin ni San Jeronimo at kabilang sa Deuterokanoniko.[1] Ito ang batayan ng Purim, isang pagdiriwang ng mga Hudyo.

Pamagat[baguhin | baguhin ang batayan]

Si Ester habang patungo sa kinaroroonan ng hari ng Persiya upang ipagbigay-alam ang banta sa buhay ng huli.

Hinango ang pangalan ng aklat mula kay Ester, isang bayaning babae ng mga Israelita. Iniligtas ni Ester ang mga taga-Israel mula sa tiyak na kamatayan, isang masamang balak ni Aman (o Haman), isang punong ministro ng Persiya. Nilinlang ni Aman ang hari ng Persiyang si Jerjes I (kilala rin bilang Xerxes I o Ahasuerus sa Ingles, Asuero sa Ebreo, at Artajerjes sa Griyego) upang makalikha ng batas para patayin ang lahat ng mga Hudyo. Sinasabing malaki ang tulong na nagawa ni Ester para sa kaniyang mga kababayang sakop sa ilalim ng kaharian ng mga Persa (ang mga mamamayan ng Persiya). Isa sa mga dahilan ang pagkakapili kay Ester na maging reyna ni Jerjes I Napili siyang reyna ni Jerjes I noong mga 485 hanggang 465.[1]

Paglalarawan[baguhin | baguhin ang batayan]

Nilalahad ng aklat na nagkaroon ng pagbabanta sa buhay ng haring si Jerjes I. Napag-alaman ito ni Mardoqueo, isang amain ni Ester. Isinumbong ito ni Mardoqueo sa reynang si Ester kaya't napigilan ang panganib na nakaabang sa hari. Ipinaalam ni Ester kay Jerjes I ang pagbabanta at panganib. Nataas ng katungkulan ni Mardoqueo sa kaharian ni Jerjes I.[1]

Mga karagdagan[baguhin | baguhin ang batayan]

Ang mga Karagdagan sa Esther ay anim na kabanata (107 mga bersikulo) na nagkalat sa saling Septuagint ng Aklat ni Ester ngunit wala sa Tekstong Masoretiko na Bibliya ng Hudaismo. Ito ay nilagay ni Jeronimo ng kanyang salin na Latinong Vulgata. Ang mga ito ay kinabibilangan ng:

  • Isang pagbubukas na prologo na naglalarawan sa isang panaginip ni Mordecai.
  • Mga atas laban sa mga Hudyo
  • Mga panalangin ng tagapamagitan na inihandog ni Mordeca at Ester
  • Pagpapalawak ng eksena kung saan si Ester ay humarap sa hari at pagbabanggit ng pamamagitan o interbensiyon ng diyos
  • Kopya ng atas na pabor sa mga Hudyo
  • Isang talata kung saan ipinaliwanag ni Mordecai ang kanyang panaginip
  • Isang colophone sa huli na nagsasaad na "Sa ikaapat na paghahari ni Ptolomeo at Cleopatra, si Dositheus na nagsabing isa siyang saserdote at Levita at dinala ng kanyang anak na lalakeng si Ptolomeo ang naunang liham na nauukol sa Purim na kanilang sinabing tunay at isinalin ni Lysimachus anak ni Ptolomeo na isa sa mga mamamayan ng Herusalem.

Layunin[baguhin | baguhin ang batayan]

Naging layunin ng nilalamang kasaysayan ng Aklat ni Ester ang patotohanan ang pangangalaga at paglingong may pagkalinga ng Diyos sa Israel.[1]

Mga sanggunian[baguhin | baguhin ang batayan]

  1. 1.0 1.1 1.2 1.3 1.4 Abriol, Jose C. (2000). "Ester". Ang Banal na Biblia, Natatanging Edisyon, Jubileo A.D. Paulines Publishing House/Daughters of St. Paul (Lungsod ng Pasay) ISBN 9715901077.

Panlabas na kawing[baguhin | baguhin ang batayan]