Ashiya, Hyōgo

Ashiya 芦屋市
Lungsod
Pakanan mula sa itaas: Ilog Ashiya, Pangmunisipyong Museo ng Sining ng Ashiya, Yodoko Guest House, Museo ng Makabagong Tsinong Sining ng Emba, Gusaling Panlungsod ng Ashiya, Sentrong Pangmamayan ng Ashiya, Bellport Ashiya, Bulwagang Pang-ala-ala ni Jyunichiro Tanizaki
Watawat Sagisag
Kinaroroonan ng Ashiya sa Prepektura ng Hyōgo
Ashiya Kinaroroonan sa Hapon
Mga koordinado: 34°43′40″N 135°18′12″E
Bansa	Hapon
Rehiyon	Kansai
Prepektura	Hyōgo
Pamahalaan
• Alkalde	Ryōsuke Takashima (mula Mayo 1, 2023)
Lawak
• Kabuuan	18.47 km2 (7.13 milya kuwadrado)
Populasyon  (Hunyo 1, 2024)
• Kabuuan	92,976
• Kapal	5,000/km2 (13,000/milya kuwadrado)
Sona ng oras	UTC+09:00 (JST)
Kinaroroonan ng gusaling panlungsod	7-6 Seidōchō, Ashiya-shi, Hyōgo-ken 659-8501
Websayt	Opisyal na website

Ang Ashiya (芦屋市, Ashiya-shi) ay isang lungsod sa Prepektura ng Hyōgo, Hapon. Magmula noong 1 Hunyo 2024 (2024 -06-01), may tinatayang populasyon na 92,976 katao ang Ashiya sa 43,229 kabahayan, at mayroon itong kapal ng populasyon na 5,000 katao sa bawat kilometro kuwadrado. Ang kabuoang lawak ng lungsod ay 53.44 square kilometre (20.63 mi kuw). Kilala ang lungsod sa pagiging pang-maykayang pantirahan na lugar.

Kasaysayan

Ang lugar ng Ashiya ay bahagi ng sinaunang lalawigan ng Settsu, at karamihan sa lugar ay teritoryo ng tenryō sa ilalim ng direktang kontrol ng Shogunatong Tokugawa noong Panahong Edo. Itinatag ang Ashiya noong 1871 bilang isang bayan sa Prepektura ng Hyōgo at itinalagang bahagi ng nayon ng Seido (精道村) noong 1 Abril 1889. Sa unang bahagi ng dekada 1900s, itinalaga ang bayan bilang isang lugar para sa pagpaplano ng lungsod at naging isa sa mga sentro ng kilusang Hanshinkan Modernism sa mga tuntunin ng arkitektura at sining. Humantong ito sa pagtatayo ng mga malalaking bahay na pang-isang pamilya na may mga laruan ng tenis, languyan, mga tsaahan, at iba pa, sa kahabaan ng mga burol kung saan matatanaw ang Look ng Osaka.

Heograpiya

Matatagpuan ang Ashiya sa pagitan ng mga lungsod ng Kobe at Nishinomiya, at pangalawa ito sa pinakamaliit na mga munisipalidad sa Prepektura ng Hyōgo. Bahagyang dumadahilig ang kalupaan mula Bundok Rokkō sa hilaga papuntang Look ng Osaka sa timog.

Mga karatig-munisipalidad

Prepektura ng Hyōgo

• Higashinada-ku, Kobe
• Nishinomiya

Demograpiya

Ayon sa datos ng senso sa Hapon, tumataas ang populasyon ng Ashiya simula noong dekada-1920.

Historical population

Taon	Pop.	±%
1920	11,151	—
1930	28,404	+154.7%
1940	39,137	+37.8%
1950	42,951	+9.7%
1960	57,050	+32.8%
1970	70,938	+24.3%
1980	81,745	+15.2%
1990	87,524	+7.1%
2000	83,834	−4.2%
2010	93,238	+11.2%

Ekonomiya

Pangunahing pantirahan na lungsod at bayang pangkomyuter ang Ashiya para sa mga kalakhang pook ng Osaka at Kobe.

Edukasyon

Mayroong walong pampublikong mababang paaralan ang Ashiya na pinatatakbo ng pamahalaan ng lungsod, gayon din ang tatlong pampublikong paaralang panggitna. Mayroon ding dalawang pampublikong mataas na paaralan ang lungsod, na pinatatakbo naman ng Pamprepekturang Lupon ng Edukasyon ng Hyōgo. Mayroon ding dalawang pampribadong paaralang panggitna at tatlong pampribadong mataas na paaralan. Bukod sa nabanggit na mga paaralan, nagpapatakbo din ang prepektura ng isang pampublikong paaralang panggitna at isang natatanging paaralan para sa may kapansanan.

Mga kinakapatid na lungsod

• Montebello, California, Estados Unidos

Nilagdaan ang isang kasunduang pangkapatiran sa pagitan ng Ashiya at Montebello, California noong Mayo 24, 1961. Simula noong 1964, may pinipiling mga mag-aaral na sugo para papuntahin sa Montebello taon-taon.

Mga panlabas na link

• Opisyal na website (sa Hapon)
• Ashiya-People.com Websayt ng pampook na midya (sa Hapon)