Panahong Heisei

Heisei

平成

8 Enero 1989 – 30 Abril 2019
Si Emperador Akihito ng panahong Heisei (1990)
Lokasyon	Hapon
Mga pangunahing pangyayari	Pagbula ng presyo ng pag-aaring Hapones Iskandalo sa pagsasapi Malaking lindol ng Hanshin Pag-atake sa subway ng Tokyo ng sarin Protokol ng Kyoto Malaking lindol at tsunami sa Silangang Hapon Sakunang nukleyar sa Fukushima Daiichi
Nakaraang sinundan	Shōwa
Sinundan ng	Reiwa
Monarko	Akihito

Kasaysayan ng Hapon
Mga panahon Paleolitiko pre–14,000 BCE Jōmon 14,000–300 BCE Yayoi 300 BCE–250 CE Kofun 250–538 Asuka 538–710 Nara 710–794 Heian 794–1185 Kamakura 1185–1333 Kenmu restoration 1333–1336 Muromachi (Ashikaga) 1336–1573 Nanboku-chō 1336–1392 Sengoku 1467–1573 Azuchi–Momoyama 1568–1603 Kalakalang Nanban Edo (Tokugawa) 1603–1868 Bakumatsu Meiji 1868–1912 [Pagpapanumbalik ng Meiji Taishō 1912–1926 Unang Digmaang Pandaigdig Shōwa 1926–1989 Krisis Pinansiyal Militarismo Digmaang Pasipiko Occupation Post-occupation Heisei 1989–present Nawalang Dekada
Mga paksa Imperyo ng Hapon 1868–1945 Hapon pagkatapos ng digmaan 1945–present Mga lindol Currency Ekonomiya Edukasyon Historiography Militar Hukbong pandagat
Talahulunganan Kronolohiya

Ang Panahong Heisei (平成, Hapon: [heːseː]  ( makinig)) ay ang panahon sa kasaysayan ng Hapon na kaayon sa pamumuno ni Emperador Emerito Akihito mula 8 Enero 1989 hanggang sa kanyang pagbibitiw noong 30 Abril 2019. Nagsimula ang panahon noong 8 Enero 1989, ang araw pagkatapos mamatay ni Emperador Hirohito, nang ang kanyang anak, si Akihito, ay namana ang trono bilang ika-125 Emperador ng Hapon. Alinsunod sa kaugaliang Hapon, postumong pinalitan ang pangalan ni Hirohito sa "Emperador Shōwa" noong 31 Enero 1989.

Kaya, katumbas ang 1989 sa Shōwa 64 hanggang sa 7 Enero at ang Heisei 1 (平成元年, Heisei gannen, gannen nangangahulugang "unang taon") ay nagsimula noong 8 Enero. Natapos ang panahong Heisei noong 30 Abril 2019 (Heisei 31), sa pagbibitiw ni Akihito mula sa Tronong Krisantemo. Sinundan nito ang panahong Reiwa habang ang noo'y kinoronang prinsipe Naruhito ay minana ang trono noong 1 Mayo ng hatinggabi, lokal na oras.

Kasaysayan at kahulugan

Dumalo si Keizō Obuchi sa komperensiya para sa mga mamahayag upang ipabatid ang bagong pangalan ng panahon na "Heisei". (7 Enero 1989)

Noong 7 Enero 1989, sa ganap na 07:55 AM JST, ipinabatid ng Maringal na Mayordomo ng Ahensiya ng Sambahayang Imperyal ng Hapon na si Shōichi Fujimori, na namatay na si Emperador Hirohito sa ganap na 6:33 AM JST, at hinayag sa unang pagkakataon ang detalye sa kanyang kanser. Dagli pagkatapos ng pagkamatay ng Emperador, ipinabatid ni Keizō Obuchi, na noo'y Hepe ng Kalihim ng Gabinete at Punong Ministro ng Hapon sa kalaunan, ang katapusan ng panahong Shōwa, at ipinahayag ang bagong pangalan ng panahon na "Heisei" para sa bagong Emperador, at ipinaliwanag ang kahulugan nito.

Ayon kay Obuchi, kinuha ang pangalang "Heisei" mula sa dalawang aklat ng kasaysayan at pilosopiya na Tsino, at ang mga ito ay ang Mga Tala ng Maringal na Mananalaysay (史記) at ang Aklat ng mga Dokumento (書経). Sa Mga Tala ng Maringal na Mananalaysay, isang pangungusap ang lumitaw sa isang seksyon na ipinagbubunyi ang marunong na pamumuno ng malaalamat na Tsinong Emperador Shun, na nakasaad ang "内平外成" (Kanbun: 内平かに外成る, Uchi tairaka ni soto naru). Sa Aklat ng mga Dokumento, lumilitaw ang pangungusap na "地平天成" (Kanbun: 地平かに天成る, Chi tairaka ni ten naru, "kapayapaan sa langit at lupa"). Sa pagsasama ng parehong kahulugan, nilayon na ang kahulugan ng Heisei ay "kapayapaan kahit saan". Agad nagkabisa ang panahong Heisei sa araw ng pagkatapos humalili si Emperador Akihito sa trono noong 7 Enero 1989.

Noong Agosto 2016, nagbigay si Emperador Akihito ng isang pahayag sa telebisyon para sa bansa, kung saan ipinahayag niya ang alalahanin sa edad na isang araw ay makakahadlang sa kanya na gampanin ang mga opisyal na tungkulin. Pagpahiwatig ito ng kanyang hiling na magretiro. Nagpasa ang Diyetang Hapon ng isang batas noong Hunyo 2017 na payagan ipasa ang trono sa anak ni Akihito, si Naruhito. Pagkatapos ng pagpupulong ng mga kasapi ng Konseho ng Kamarang Imperyal, ipinabatid ni Punong Ministro Shinzō Abe na 30 Abril 2019 ang petsang itinakda para sa pagbibitiw ni Akihito. Nagsimula sa sumunod na araw ang panahon ng pamumuno ni Naruhito .

Ekonomiya

Isang tiket ng riles na balido noong panahon ng Heisei 18 (2006 sa kaledaryong Greogoryano)

Gumuho ang ekonomiyang bula na nagpatuloy mula sa mga dulo ng ng panahong Shōwa.

Pinakamataas na 10 ayon sa kapitalisasyon ng merkado

Ranggo	Unang taon ng Heisei (1989)	Huling taon ng Heisei (2019)
1	NTT $163.8 billion	Microsoft $940.8 billion
2	Industrial Bank of Japan $71.5 billion	Apple Inc. $895.6 billion
3	The Sumitomo Bank $69.5 billion	Amazon.com $874.7 billion
4	Fuji Bank $67.0 billion	Alphabet Inc. $818.1 billion
5	Dai-Ichi Kangyo Bank $66.0 billion	Berkshire Hathaway $493.7 billion
6	IBM $64.6 billion	Facebook $475.7 billion
7	Mitsubishi Bank $59.2 billion	Alibaba Group $472.9 billion
8	Exxon $54.9 billion	Tencent $440.9 billion
9	Tokyo Electric Power Company $54.4 billion	Johnson & Johnson $372.2 billion
10	Royal Dutch Shell $54.3 billion	ExxonMobil $342.1 billion

Tala ng pagpalit

Para palitan ang kahit anumang taon sa kalendaryong Gregoryano sa pagitan ng 1989 at 2019 sa taon sa kalendaryong Hapon sa panahong Heisei, kailangang ibawas ang 1988 mula sa taon na nasa taon ng Heisei.

Heisei	1	2	3	4	5	6	7	8
	I	II	III	IV	V	VI	VII	VIII
AD	1989	1990	1991	1992	1993	1994	1995	1996
	MCMLXXXIX	MCMXC	MCMXCI	MCMXCII	MCMXCIII	MCMXCIV	MCMXCV	MCMXCVI
Heisei	9	10	11	12	13	14	15	16
	IX	X	XI	XII	XIII	XIV	XV	XVI
AD	1997	1998	1999	2000	2001	2002	2003	2004
	MCMXCVII	MCMXCVIII	MCMXCIX	MM	MMI	MMII	MMIII	MMIV
Heisei	17	18	19	20	21	22	23	24
	XVII	XVIII	XIX	XX	XXI	XXII	XXIII	XXIV
AD	2005	2006	2007	2008	2009	2010	2011	2012
	MMV	MMVI	MMVII	MMVIII	MMIX	MMX	MMXI	MMXII
Heisei	25	26	27	28	29	30	31
	XXV	XXVI	XXVII	XXVIII	XXIX	XXX	XXXI
AD	2013	2014	2015	2016	2017	2018	2019
	MMXIII	MMXIV	MMXV	MMXVI	MMXVII	MMXVIII	MMXIX