Ang Lalawigang Awtonomo ng Bolzano o Timog Tirol (Aleman: Südtirol; Italyano: Alto Adige; Ladin: Südtirol) ay isang nagsasariling na lalawigan sa hilagang Italya, isa sa dalawa na bumubuo sa nagsasariling rehiyon ng Trentino-Alto Adigio.[2] Ang lalawigan ay ang pinakahilagang bahagi ng Italya, ang pangalawa sa pinakamalaki, na may lawak na 7,400 square kilometre (2,857 mi kuw) at may kabuuang populasyon na humigit-kumulang 534,000 na naninirahan noong 2021.[3] Ang kabesera at pinakamalaking lungsod nito ay Bolzano (Aleman: Bozen; Ladin: Balsan o Bulsan).
Ang lalawigan ay pinagkalooban ng malaking antas ng sariling pamamahala, na binubuo ng isang malaking hanay ng mga eksklusibong lehislatibo at ehekutibong kapangyarihan at isang rehimeng piskal na nagpapahintulot dito na mapanatili ang 90% ng kita, habang nananatiling isang netong nag-aambag sa pambansang badyet.[4] Noong 2016, ang Timog Tyrol ang pinakamayamang lalawigan sa Italya at kabilang sa pinakamayaman sa Unyong Europeo.
Matatagpuan ang Timog Tirol sa pinakahilagang punto sa Italya. Ang lalawigan ay hangganan ng Austria sa silangan at hilaga, partikular ng Austriakong federal na estado ng Tyrol at Salzburg, at ng Suwisang canton ng Graubünden sa kanluran. Ang mga lalawigang Italyano ng Belluno, Trentino, at Sondrio ay hangganan sa timog-silangan, timog, at timog-kanluran, ayon sa pagkakabanggit.
.svg)
Ang lathalaing ito na tungkol sa Trentino-South Tyrol ay isang usbong. Makatutulong ka sa Wikipedia sa pagpapalawig nito.