Pangunahing Linyang Patimog ng PNR
| Linyang Patimog Southrail | |
|---|---|
 | |
| Buod | |
| Ibang pangalan | Linyang Maynila-Legazpi Linyang Maynila-Bicol |
| Uri | Riles panrehiyon Riles pangkalungsuran Riles pangkomyuter Riles pangkargamento (tumigil) |
| Kalagayan | Nasa operasyon |
| Lokasyon | Timog Luzon |
| Hangganan | Tutuban Legazpi |
| (Mga) Serbisyo | 3 |
| Kulay sa mapa | Kahel |
| Operasyon | |
| Binuksan noong | Marso 25, 1908 |
| May-ari | Pambansang Daambakal ng Pilipinas |
| (Mga) Nagpapatakbo | Pambansang Daambakal ng Pilipinas |
| Karakter | Nasa lupa (kasalukuyan) Nakaangat (ipapanukala) |
| (Mga) Silungan | Silungan ng Caloocan |
| Ginagamit na tren | Hyundai Rotem DMUs KiHa 350 series KiHa 52 series 203 Series 900 Series Locomotives 2500 Series Locomotives |
| Teknikal | |
| Luwang ng daambakal | 1,067 mm (3 ft 6 in) 1,435 mm (4 ft 8 1⁄2 in) (panukala) |
Ang Pangunahing Linyang Patimog ng Pambansang Daambakal ng Pilipinas (Ingles: Philippine National Railways South Main Line) ay ang pangalawang pangunahing linya ng Pambansang Daambakal ng Pilipinas na kumonekta sa Lunsod ng Maynila, Laguna at Legazpi, Albay sa Kabikulan.
Kasaysayan
[baguhin | baguhin ang wikitext]Binuksan ang seksyon ng Blumentritt-Santa Mesa noong Marso 25, 1908, bilang bahagi ng Extension ng Antipolo.
Ang mga huling riles na nakabukas sa pamamagitan ng mga tren sa Puwang ng Aloneros-Ragay ay inilagay noong Nobyembre 17, 1937. Noong 1938, ito ay ipinagsama sa linyang Dibisyon ng Legazpi upang makarating sa Maynila. Ang unang tren ng kargamento mula sa Maynila hanggang Legazpi ay tumakbo noong Enero 11, 1938, at isang takbong pasubok (trial run) para sa mga serbisyo ng pasahero ay ginanap noong Enero 25.
Ang unang serbisyo ng pasahero sa Legazpi na pinangunahan ng isang treng "Bicol Express" ay nagsimula noong Enero 31, 1938.
Nang dumating ang mga Hapones sa Pilipinas noong 1941, winasak ang mga riles alinsunod sa utos ng USAFFE na nagpatigil sa mga serbisyo, ngunit ipinanumbalik muli ng Hukbong Imperyal ng Hapon ang mga serbisyo noong Marso 22, 1943. Nahinto muli ang mga serbisyo dahil sa malaking pinsala dulot ng pagpapalaya ng Pilipinas; muling ibinalik ang mga serbisyo noong Disyembre 21, 1948.
Noong 1970, nagsimula ang serbisyong komyuter mula Manila North Harbor hanggang Biñan.
Ang mga serbisyong kargamento, ay tumigil noong 1971.
Ang kinaroroonan ng daambakal sa paanan ng Bulkang Mayon ay malimit na nagdudulot ng mga pagguho ng lupa at mga baha ng lahar na nagpapatigil ng mga serbisyo, isang beses noong 1976, bumalik ang mga serbisyo noong Pebrero 23, 1986, ngunit nahinto muli mula Pebrero 2, 1993 dahil sa pagputok ng Bulkang Mayon. Muling ibinalik ang mga serbisyo noong Hunyo 21, 1998, subalit nahinto muli nang winasak ng mga baha ang tulay sa Barangay Travesia, Guinobatan noong 2006.
Ang serbisyong pangkasalungkuran ay tumigil noong 2014. Kasalukuyan ang mga serbisyong komyuter ang nanalatili sa Linyang Patimog mula sa Tutuban hanggang Mamatid.
Mga proyekto sa Linyang Patimog
[baguhin | baguhin ang wikitext]Pagbabagong-tatag ng Metro South Commuter Line
[baguhin | baguhin ang wikitext]Sa programa ni Pangulong Rodrigo Duterte, ang Metro Commuter Line ay muling isasagawa bilang isang buong, dalawahang riles na de-kuryente, at palalawakin upang maglingkod sa Los Baños. Noong Setyembre 12, 2017, inaprubahan ng Pambansang Pangasiwaan sa Kabuhayan at Pagpapaunlad (NEDA) ang pagtatayo ng mas bagong linya, bilang bahagi ng mas matagal na Long-haul Railway na makakonekta sa Legazpi at Matnog, Sorsogon, at ang Lungsod ng Batangas.[1][2] Ang pagpopondo para sa proyekto, na nagkakahalaga ng ₱131 bilyon, ay ibinibigay ng Japan International Cooperation Agency, at inaasahang magsisilbi ng 300,000 pasahero sa isang araw sa unang taon ng operasyon nito.[1]
Muling pagtatayo ng Maynila-Bicol Railway (Southrail Project) at Calamba-Batangas City Railway
[baguhin | baguhin ang wikitext]Kasama ang muling pagtatayo ng Metro South Commuter Line, ang riles ng tren sa Bicol (sa Legazpi at Matnog) ay muling isasagawa, at isang bagong linya mula sa Calamba hanggang Batangas City ay itatayo. Inaprubahan ng National Economic and Development Authority ang mga proyekto noong Setyembre 12, 2017, ngunit walang malinaw na takdang panahon ng pagtatayo. Ang konstruksiyon ng mga linya ng Maynila-Bicol at Calamba-Batangas City ay pinopondohan ng gobyerno ng China, at ang mga linya ay nagtatampok ng mga bagong standard-gauge na linya, na sa una ay magsisilbing mga single-track na linya at sa kalaunan, ay magiging mga double-track na linya .[3]
Tignan din
[baguhin | baguhin ang wikitext]- Pangunahing Linyang Pahilaga ng PNR
- Linyang Komyuter ng PNR
- Linyang Antipolo
- Linyang Dibisyon ng Legazpi
Sanggunian
[baguhin | baguhin ang wikitext]- ↑ 1.0 1.1 Dela Paz, Chrissie (Setyembre 13, 2017). "NEDA Board approves Manila subway, longest railway". Rappler. Nakuha noong Setyembre 15, 2017.
{{cite news}}: CS1 maint: date auto-translated (link) - ↑ Leyco, Chino S. (September 13, 2017). "NEDA Board approves big infra projects". Manila Bulletin. Inarkibo mula sa orihinal noong Septiyembre 14, 2017. Nakuha noong September 15, 2017.
{{cite news}}: Check date values in:|archive-date=(tulong) - ↑ Dela Paz, Chrisee (Setyembre 13, 2017). "NEDA Board approves Metro Manila Subway". Rappler. Nakuha noong Setyembre 14, 2017.
{{cite news}}: CS1 maint: date auto-translated (link)