Midya sa Berlin

Punong-tanggapan ng Axel Springer SE

Ang Berlin ay isang pangunahing sentro ng media sa Alemanya at Europa.

Broadcast

Ito ay tahanan ng maraming pandaigdigan at rehiyonal na mga himpilan ng telebisyon at radyo. Ang pampublikong broadcaster na RBB ay may punong tanggapan nito sa Berlin sa tabi ng mga komersyal na broadcaster na MTV Europe, VIVA, at N24. Ang Aleman na pampublikong pandaigdigang broadcaster na Deutsche Welle ay mayroong yunit ng produksiyong pantelebisyon nito sa Berlin, at karamihan sa mga pambansang Aleman na broadcaster ay may estudio sa lungsod kasama ang RTL.

Pelikula

Pagpasok sa mga Estudyo ng Babelsberg

Ang industriya ng pelikulang Europeo at Aleman ay naroroon, naglalaman ito ng higit sa 1000 kompanya ng paggawa ng pelikula at telebisyon, 270 mga sinehan. Mga 300 pambansa at pandaigdigang koproduksiyon ang kinukunan sa rehiyon bawat taon. Ang makasaysayang Estudyo Babelsberg at ang kompanya ng produksiyon na UFA ay matatagpuan sa kalapit na Potsdam. Ang Rise FX ay may punong tanggapan nito sa Berlin.

Ang lungsod ay tahanan ng Akademyang Pampelikulang Europeo at ng Akademyang Pampelikulang Aleman, at nagsasagawa ng taunang Pistang Pampelikula ng Berlin. Itinatag noong 1951, ang pagdiriwang ay isinasagawa taon-taon tuwing Pebrero mula noong 1978. Na may higit sa 430,000 kalahok ito ang pinakamalaking pampublikong dinadaluhan na pistang pampelikula sa mundo.

Tingnan din

• Media ng Alemanya

Karagdagang pagbabasa

• Dougherty, Carter (June 1999). "Four Dailies Duke It Out in Berlin". American Journalism Review. College Park, Maryland: University of Maryland Foundation.

Mga panlabas na link

Media related to Media of Berlin at Wikimedia Commons