Politika ng Berlin

Schloss Bellevue

Ang Bundestag sa Berlin.

Ang Berlin ay isang lungsod-estado at ang kabesera ng Republika Federal ng Alemanya.

Kabeserang lungsod

Ang Bundeskanzleramt

Ang Berlin ay ang kabesera ng Republika Federal ng Alemanya. Ang Pangulo ng Alemanya, na ang mga tungkulin ay pangunahing seremonyal sa ilalim ng konstitusyong Aleman, ay may opisyal na tirahan sa Schloss Bellevue. Ang Berlin ay ang luklukan ng ehekutibong Aleman, na matatagpuan sa Kansilyeriya, ang Bundeskanzleramt .

Lungsod-estado

Rotes Rathaus, luklukan ng Senado ng Berlin

Mula noong muling pag-iisang Aleman noong Oktubre 3, 1990, ang Berlin ay isa sa tatlong lungsod-estado (kasama ang Hamburgo at Bremen) sa 16 na estado ng Alemanya. Ang parlamento ng lungsod at estado ay ang Kapulungan ng mga Kinatawan, (Abgeordnetenhaus), na may 141 na luklukan. Ang ehekutibong kinatawan ng Berlin ay ang Senado ng Berlin (Senat von Berlin). Ang Senado ay binubuo ng Namamahalang Alkalde (Regierender Bürgermeister) at hanggang walong senador na may mga ministeryong posisyon (isa ang may hawak ng opisyal na titulong "Alkalde" (Bürgermeister) bilang kinatawan ng Namamahalang Alkalde). Hawak ng Partido Sosyo-demokratiko (SPD) at Ang Kaliwa (Die Linke) ang pamahalaang lungsod pagkatapos ng halalan ng estado noong 2001, na nanalo ng isa pang termino sa halalan ng estado noong 2006. Ang halalan ng estado noong 2011 ay lumikha ng isang koalisyon ng Partido Sosyo-demokratiko at ng Unyong Kristiyano-demokratiko.