Balagtas, Bulacan

REPUBLIKA NG PILIPINAS Lalawigan ng Bulakan Bayan ng Balagtas
Larawan
Mapa

Ang bayan ng Balagtas, na dating kilala sa pangalan nitong Bigaa, ay isa sa mga munisipyo na bumubuo sa lalawigan ng Bulakan. Ito ay isang primera klaseng bayan batay sa uri ng kabuhayan at kaunlaran.

Heograpiya

Ang Balagtas ay may lawak na 3,205 ektarya o 32.08 kilometro kwadrado. Ito ay matatagpuan 30 kilometro sa hilaga ng Maynila.

Lokasyon

Ang hangganan ng Balagtas sa hilaga ay ang bayan ng Plaridel, sa hilagang-silangan ang bayan ng Pandi, sa kanluran ang bayan ng Guiguinto,sa timog-kanluran ang bayan ng Bulacan at sa timog ang bayan ng Bocaue.

Demograpiya

Ayon sa senso noong 2000, ang Balagtas ay may populasyon na 56,945 sa 11,834 kabahayan.

Kabuhayan

Nangingibabaw sa bayan ng Balagtas ang sekor agrikultura, tulad ng pagtatanim ng palay at mga gulay at pag-aalaga ng baboy at mga manok. Bukod sa agrikultura, malaki ring pinagkukunan ng kabuhayan ang malakas na cottage industry nito tulad ng paghahabi, paggawa ng mga damit,gamit pandekorasyon at panregalo, laruan, at muwebles.

Mga Barangay

Ang bayan ay binubuo ng 9 na barangay:

• Borol 2nd
• Borol 1st
• Dalig
• Longos
• Panginay
• Pulong Gubat
• San Juan
• Santol
• Wawa