Terminal Sentral (LRT)

Central Terminal
Sistema ng Magaang Riles Panlulan ng Maynila
Estasyong Himpilang Sentral
Pangkalahatang Impormasyon
Lokasyon	Arroceros Street, Ermita, Maynila
Pagmamayari ni/ng	Kagawaran ng Transportasyon at Komunikasyon Light Rail Transit Authority
Linya	Unang Linya ng LRT
Plataporma	Gilid ng plataporma
Riles	2
Konstruksiyon
Uri ng estruktura	Biyadukto
Ibang impormasyon
Kodigo	CT
Kasaysayan
Nagbukas	Mayo 12, 1985
Serbisyo
Huling estasyon   Manila LRT   Susunod na estasyon Carriedo patungong Fernando Poe Jr. Line 1 United Nations patungong Baclaran

Ang Estasyon ng Himpilang Sentral ng LRT (Ingles: Central Terminal LRT station), na minsang tinawag na Estasyong Sentral ng LRT (Central LRT station) at Estasyong Arroceros ng LRT (Arroceros LRT station), ay isang estasyon sa Manila LRT (Unang Linya ng LRT). Katulad ng iba pang mga estasyon ng LRT-1, nakaangat sa lupa ang estasyong Himpilang Sentral. Matatagpuan ito sa distrito ng Ermita sa Maynila. Isang sikat na pangalan ng estasyon ay Arroceros, na mula sa pangalan ng Kalye Arroceros na kung saang matatagpuan ang estasyon. Ang kinalalagyan ng estasyon ay isang dating kinalalagyan ng isang planta ng pagpo-proseso ng yelo na kilala noong panahon ng pananakop ng mga Amerikano.

Ang Himpilang Sentral ay ang huling estasyon ng Unang Linya ng LRT sa timog ng Ilog Pasig at nagsisilbi bilang pansiyam na estasyon para sa mga treng patungo sa Roosevelt at ang panlabing-dalawang estasyon para sa mga treng patungo sa Baclaran.

Mapapansin na ang Himpilang Sentral ay isa sa apat na mga estasyon sa buong sistema ng Unang Linya ng LRT na nagpapahintulot sa mga mananakay na kumuha ng isang treng papunta sa salungat na direksiyon nang hindi na kailangang magbayad ng bagong pasahe dahil sa pagkakaayos ng himpilan; ang tatlong ibang mga estasyon ay Carriedo, Balintawak at Roosevelt.

Talaksan:LRT Line 1 Central Station (A. Villegas, Ermita, Manila; 2015-01-09).jpg

Labas ng Estasyon ng Himpilang Sentral

Mga kalapit na pook-palatandaan

Malapit ang Estasyong Sentral sa ilang mga kilalang pook-palatandaan ng Maynila, tulad ng Mga Hardin ng Mehan at ang Tanghalang Pangkalakhan ng Maynila. Malapit din ito sa Gusaling Panlungsod ng Maynila, Punong Tanggapan ng Koreo ng Maynila, Bulwagan ng Katarungan ng Maynila, Liwasang Bonifacio at ang Pambansang Museo ng Sining. Magiging masaya rin ang mga mamimili dahil sa kalapit na SM City Manila.

Dahil sa kinaroroonan nito sa Sinturon ng mga unibersidad ng Maynila, malapit ang estasyon sa mga institusyong pan-edukasyon tulad ng Colegio de San Juan de Letran, Pamantasang Normal ng Pilipinas, Pamantasan ng Lungsod ng Maynila na pag-aari ng lungsod, Unibersidad ng Mapúa at Pamantasang Liseo ng Pilipinas. Maliban sa Pamantasang Normal ng Pilipinas, lahat ng mga institusyong ito ay nasa loob ng mga pader ng Intramuros.

Mga kawing pangpanlalakbay

Dahil sa pangalan nito, ang Himpilang Sentral ay isang pangunahing sentro ng transportasyon para sa mga mananakay ng LRT-1. Malapit sa estasyon ang isang terminal ng bus na dumadaan sa rutang Abenida Taft. Makakakuha rin ang mga mananakay ng mga taksi, dyipni at sasakyang de-padyak papunta at mula sa estasyon. Malapit din ang Estasyong Lawton ng Pasig River Ferry Service.

Pagkakaayos ng estasyon

L3 Mga plataporma	Gilid ng plataporma, magbubukas ang mga pintuan sa kanan
	Plataporma A	← Unang Linya ng LRT patungong Roosevelt
	Plataporma B	→ Unang Linya ng LRT patungong Baclaran →
	Gilid ng plataporma, magbubukas ang mga pintuan sa kanan
L2	Lipumpon	Mga faregate, bilihan ng tiket, sentro ng estasyon
L1	Daanan	Mga tindahan, Aklatang Panlungsod ng Maynila, Pamantasan ng Lungsod ng Maynila, Kagawaran ng Katarungan, Kagawaran ng Edukasyon, Komisyon sa Halalan

Tingnan din

• Unang Linya ng Sistema ng Magaang Riles Panlulan ng Maynila