Pagkawala ng mga sabungero sa Pilipinas

Pagkawala ng mga sabungero sa Pilipinas

Lawa ng Taal sa Batangas, kung saan itinapon umano ang mga nawawalang sabungero.
Petsa	Mula noong 10 Mayo 2021 (2021-05-10)
Lugar	Laguna Batangas Rizal Bulacan Quezon
Mga nawawala	31
(Mga) sinuspetsahan	14

Mula noong Mayo 2021, hindi bababa sa 31 mga sabungero ang naglaho nang walang bakas sa iba't ibang lugar sa Luzon, Pilipinas, matapos umanong magtungo sila sa arena ng sabong.

Mga pangyayari

Ang unang naiulat na paglaho ng isang sabungero ay naitala noong Mayo 10, 2021 sa Santa Cruz, Laguna. Noong Pebrero 24, 2022, may kabuuang 31 na manlalaro ng sabong ang naglaho.

Noong Agosto 30, 2021, isang CCTV footage na nagpapakita ng mga armadong lalaki ang sumalakay sa bahay ng 48-anyos na si Ricardo Lasco sa San Pablo, Laguna. Makalipas ang ilang minuto, ipinakitang inilabas ng mga may-armas na lalaki si Lasco sa bahay at ang kahon na sinasabing naglalaman ng mga alahas, relo, at pera, bago sila tumakas. Mula noon ay hindi na natagpuan ang Lasco. Ayon sa kanyang mga kamag-anak, si Lasco ay isang breeder ng manok at isang "master agent" ng sabong sa hatiran.

Noong Enero 5, 2022, dalawang mamayan na nagngangalang Jeffrey at Nomer Depano mula sa Hagonoy, Bulacan, ang hindi nakauwi matapos silang magtungo sa Lipa, Batangas. Ang magkapatid na Depano ay isinakay sa isang hiwalay na van, na kalaunan ay natagpuang inabandona makalipas ang dalawang araw malapit sa isang tulay. Natagpuan pa ng mga pulis ang mga damit sa loob ng van. Sinabi ng kanilang ina na walang batid si Jeffrey tungkol sa sabong. Noong Enero 6, sa Hagonoy din, ang iba pang tatlong mamayan ay naiulat na nawawala matapos nilang sabihin sa kani-kanilang mag-anak na sila ay tutungo sa Lipa upang dumalo diumano sa isang sabong sa hatiran. Noong Enero 7, nawala rin ang isang lalaki at ang kanyang buntis na kasintahan matapos silang pumunta sa pook ng sabong. Noong Enero 13, 2022, apat na manlalaro ng sabong ang nawawala sa Manila Arena. Sinundan ito ng anim pang manlalaro sa parehong lugar. Isang January 13 CCTV footage na nagpapakita ng convoy ng mga sasakyan na papaalis sa Manila Arena sa Santa Ana, Manila; isa na rito ang Toyota Tamaraw FX na sinakyan ng mga kapitbahay ng isang manlalaro ng sabong na nawawala sa Rizal. Ang FX ay ipinakitang huminto sa Osmeña Highway kung saan makikita ang isang lalaki na bumaba sa kotse at lumipat sa kasunod na kotse . Ang lalaki na iyon ang hindi kilala ng mga kamag-anak ng mga nawawalang sabungero sa Rizal.

Pagsisiyasat

Noong Pebrero 8, 2022, sinabi ng Philippine National Police na natukoy nila ang mga persons of interest na may kaugnayan sa mga nawawalang sabungero. Sinabi ng pulisya na ang mga nagsisiyasat ay naiulat na nakipag-usap sa mga tagapamahala ng arena ng sabong at mga security guard bago naganap ang pagkawala. Itinuon ng mga nagsisiyasat ang "game fixing" at isang tinatawag na "double-cross" sa mga laban bilang dahilan ng pagkawala. Noong Pebrero 12, 2022, si Senador Leila de Lima ay nagpahayag ng pagkabahala sa mga nawawalang manlalaro ng sabong, at nalungkot din sa "tila mabagal na takbo ng pagsisiyasat".

Tingnan din

• Pagkawala ni Jovelyn Galleno