Quezon's Game

Mula sa Wikipedia, ang malayang ensiklopedya
Quezon's Game
DirektorMatthew Rosen
Itinatampok sina
MusikaDean Rosen
TagapamahagiStar Cinema
Inilabas noong
  • 16 Disyembre 2018 (2018-12-16) (Canada)
  • 29 Mayo 2019 (2019-05-29) (Pilipinas)
Haba
125 minuto
BansaPilipinas
Wika
  • Filipino
  • Ingles
Badyet₱25 milyon ($500 libo)

Ang Quezon's Game ay isang makasaysayang pelikula ng Pilipinas noong 2018 na dinerekta ni Matthew Rosen. Nakasentro ang pelikula kay Manuel L. Quezon, dating Pangulo ng Pilipinas, at ang kanyang plano na tumanggap sa Pilipinas ng mga Hudyong tumakas mula sa Alemanyang Nazi noong panahon ng Ika-2 Digmaang Pandaigdig.

Saligan[baguhin | baguhin ang wikitext]

Noong 1938, kumilos ang Pangulo ng Pilipinas na si Manuel L. Quezon, ang hinaharap na Pangulo ng US na si Dwight Eisenhower kasama ang iba pang mga kilalang tauhan upang iligtas ang mga Hudyong tumakas mula sa Alemanyang Nazi. Samantalang hinarap ni Quezon ang pagbalik ng kanyang tuberkulosis.[1]

Mga tauhan[baguhin | baguhin ang wikitext]

Produksyon[baguhin | baguhin ang wikitext]

Ang Quezon's Game ay isang pinagsamang produksyon ng Star Cinema iWant,[2] at Kinetek.[3] Idinerekta ang pelikula ni Matthew Rosen, isang Britanikong-Hudyo,[4] at US$500,000 ang laang-guguling pamproduksyon ng pelikula. Tumatakbo ang kinulayang pelikula nang 125 minuto at isinapelikula sa Ingles, Espanyol, at Tagalog. Natapos ang produksyon sa 15 Oktubre 2018.[1] Naglaan si Rosen ng tatlong buwan sa pagkalap lamang para sa pelikula.[4]

Responsable sina Lorena at Matthew Rosen para sa orihinal na ideya ng kuwento ng pelikula habang sinulat ni Janice Y. Perez at Dean Rosen ang senaryo. Isinagawa ang pelikula upang magpahiwatig ng isang di-masyadong kilalang salaysay ni Pangulong Manuel L. Quezon na nagligtas sa mga Hudyong refugee mula sa Holocaust at pansamantalang nagbigay sa kanila ng silungan sa Pilipinas. Ikinahirap ng mga manunulat noong panahon ng pananaliksik ng Quezon's Game ang kakulangan ng mga Pilipinong makasaysayang manuskrito na nagtatalakay sa makasaysayang salaysay. Sumangguni sila sa mga tesis at disertasyon na ginawa ng mga Amerikano pati na rin mula sa sulat sa mga inapo ni Alex at Herbert Frieder na nagkaroon ng malaking papel sa plano ni Quezon.[5]

Nalaman ni Rosen, isang imigrante na lumipat sa Pilipinas noong dekada 1980, sa plano ni Pangulong Quezon pagkatapos niyang malaman na alam ng kanyang aswang Pilipina ang mga liriko ng "Hava Nagila" at nakaaawit ang mga lokal na bata ng kantahing-bayan na iyon kahit wala man lang nakaaalam sa kanila sa kanyang Hudyong pinagmulan. Nagsimulang magtanong si Rosen sa sinagoga at ang kanyang museo sa Maynila noong 2009 na humantong sa kanya na malaman ang plano ni Pangulong Quezon para sa mga Hudyong tumatakas mula sa Alemanyang Nazi.[6]

Paglabas[baguhin | baguhin ang wikitext]

Inilabas ang Quezon's Game sa mga iba't ibang pandaigdigang pagdiriwang ng mga pelikula bago ang madulang paglabas nito. Inilabas ito sa Ottawa, Canada bilang bahagi ng gala ng 2018 Cinema World Festival bilang isa sa mga nanalong pelikula ng 2018 Autumn Selection.[2] Naging entrada rin ito sa IndieFEST Film sa California, at sa WorldFest-Houston International Film Festival sa Texas.[7]

Bilang bahagi ng pagtaguyod ng pelikula, ginanap ang isang VIP screening noong 7 Mayo 2019 sa Power Plant Mall sa Makati kung saan ipinakita rin ng ABS-CBN ang mga bidyeong panayam ng mga Nakaligtas sa Holocaust na si Margot Pins Kestenbaum at Max Weissler na kapwang ipinakubli sa Pilipinas na naninirahan na ngayon sa Israel.[7] Ang madulang paglabas ng pelikula sa Pilipinas ay noong 29 Mayo 2019.[4]

Resepsyon[baguhin | baguhin ang wikitext]

Nanalo ang pelikula ng hindi bababa sa 20 mga parangal bilang isang entrdada sa iba't ibang mga pandaigdigang pagdiriwang ng pelikula.[7] Noong Enero 2019, nanalo ang Quezon's Game ng 12 parangalan sa Cinema World Fest Awards sa Ottawa, Canada.[2][8][8]

Taon Lupong Nagparangal Kategorya Tagatanggap at kandidato Resulta Sang
2018 Cinema World Fest Awards[2] Award of Merit for Drama Feature Quezon's Game Nanalo [9]
Award of Recognition for Directing Matthew Rosen Nanalo
Award of Excellence for Actor Raymund Bagatsing Nanalo
Award of Excellence for Actress Rachel Alejandro Nanalo
Award of Excellence for Supporting Actor Billy Gallion Nanalo
Award of Excellence for Lighting Matthew Rosen
Leo Santos
Nanalo
Award of Excellence for Original Score Dean Rosen Nanalo
Award of Excellence for Produced Screenplay Janice Perez
Dean Rosen
Nanalo
Award of Excellence for Set Design Rowella Talusig
Set Construction Group
Nanalo
Award of Excellence for Sound Design Anglea Pereyra Nanalo
Award of Excellence for Costume Design Rowella Talusig at pangkat ng kasuotan ng Quezon's Game Nanalo
Award of Merit for Color Treatment Antonette Gozum Nanalo
2019 WorldFest-Houston International Film Festival[8] Best Foreign Movie Quezon's Game Nanalo [10]
Gold Remi Awards for Best Art Design Quezon's Game Nanalo
Gold Remi Awards for Best Producers Carlo Katigbak
Olivia Lamasan
Linggit Tan-Marasigan
Lorena Rosen
Nanalo
Gold Remi Awards for Best Director Matthew Rosen Nanalo

Tingnan din[baguhin | baguhin ang wikitext]

Talasanggunian[baguhin | baguhin ang wikitext]

  1. 1.0 1.1 "Quezon's Game". Nakuha noong 27 May 2019.
  2. 2.0 2.1 2.2 2.3 "'Quezon's Game' earns 12 international film fest awards". Tinago mula sa orihinal noong 26 Pebrero 2019. Nakuha noong 27 May 2019.
  3. "Quezon as humanitarian". Nakuha noong 27 May 2019.
  4. 4.0 4.1 4.2 "Quezon's Game: Movie Review". Nakuha noong 27 May 2019.
  5. Padayhag, Michelle Joy (19 May 2019). "'Quezon's Game' promises to be a touching, educational historical film". Cebu Daily News. Nakuha noong 27 May 2019.
  6. Tenorio, Rich (20 February 2020). "Little known Philippines' WWII rescue of Jews was capped by US interference". Times of Israel. Nakuha noong 20 February 2020.
  7. 7.0 7.1 7.2 "ABS-CBN's "Quezon's Game" to Premiere in Cinemas". Film Development Council of the Philippines. Nakuha noong 27 May 2019.[patay na link]
  8. 8.0 8.1 8.2 "'Quezon's Game' named Best Foreign Movie in Texas fest". Nakuha noong 27 May 2019.
  9. "'Quezon's Game' earns 12 international film fest awards". Daily Tribune. 27 May 2019. Tinago mula sa orihinal noong 26 Pebrero 2019. Nakuha noong 16 January 2019.
  10. "'Quezon's Game' named Best Foreign Movie in Texas fest". Manila Standard. 27 May 2019. Nakuha noong 23 April 2019.