Rosa Rosal
Rosa Rosal | |
|---|---|
 Larawan ni Rosa Rosal sa isang commemorative stamp noong 2022 ng Philippine Postal Corporation | |
| Kapanganakan | Florence Lansang Danon |
| Trabaho | Aktres |
| Aktibong taon | 1945 |
| Asawa | Walter Gayda |
| Anak | Toni Rose Gayda |
| Parangal | Public Service Award - Ramon Magsaysay Award Foundation 1999; FAMAS Best Actress 1955 Sonny Boy |
Si Florence Lansang Danon na mas kilala sa pangalang Rosa Rosal ay isang Pilipinang aktres at mapagkawang-gawa na ginawaran ng Public Service Award ng Ramon Magsaysay Award Foundation noong 1999 at kinilala bilang FAMAS Best Actress noong 1955.[1]
Personal na buhay
[baguhin | baguhin ang wikitext]Ipinanganak si Florence Lansang Danon o Rosa Rosal noong 1931 sa Pilipinas.[1] Ang kanyang ina ay si Gloria Lansang.[2] Simple at masaya ang naging pagkabata ni Rosa Rosal sa Maynila.[1]
Naging ugali na ni Rosa Rosal na magboluntaryo sa mga hospital noong kanyang kabataan.[1]
Noong panahon ng digmaan ay naging katulong medikal o medical assistant si Rosa Rosal at isang announcer o tagabasa ng balita sa radyo.[1][2][3]
Nasa haiskul pa lang si Rosa Rosal noong siya ay tinanggap ni Dr. Sixto Francisco bilang sekretarya at nang lumaon ay naging tagapagpapatakbo ng X-ray machine sa Ospital ng San Lazaro.[2][3]
Napasok sa larangan ng pelikula si Rosal Rosal noong siya ay nadiskubre ng isang prodyuser ng pelikula sa edad na labing-anim na taong gulang.[1][4]
Ikinasal si Rosa Rosal kay Walter Gayda na isang Amerikanong piloto noong siya ay dalawampu't walong taong gulang. Nagkaroon sila ng isang anak na si Toni Rose Gayda.[2][3]
Adbokasiya
[baguhin | baguhin ang wikitext]Nagsimulang magboluntaryo si Rosa Rosal sa Red Cross noong 1948 at noong 1950 ay nagparehistro siya bilang opisyal na boluntaryo sa Blood Program ng Philippine National Red Cross.[1][3]
Noong 1975 ay pinangunahan niya ang Kapwa Ko, Mahal Ko, ang unang palabas sa telebisyon na serbisyo publiko.[3] Noong 1976 ay pinangunahan naman niya ang Damayan.[3] Tinatayang limang daang pasyente ang natutulungan ng Damayan sa isang buwan.[3]
Nakapagpaaral si Rosa Rosal gamit ang kanyang personal na pondo ng labing limang estudyante na noong nakatapos ay nagkaroon ng magagandang trabaho.[3] Ginamit niya sa kanyang pondong pang-iskolarsip ang natanggap niyang $50,000 noong iginawad sa kanya ang Ramon Magsaysay Award for Public Service.[3]
Bilang artista
[baguhin | baguhin ang wikitext]Nagsimula ang karera ni Rosa Rosal bilang artista sa pelikulang Kamagong: Bayani ng Mahirap noong 1947.[1][5] Nakilala siya sa kanyang mga pagganap sa mga pelikulang Sonny Boy noong 1955, Blessings of the Land noong 1959, at Ang lahat ng ito pati na ang langit noong 1989.[6][7][4][8] Gumanap din siya sa mga pelikulang Anak Dalita, Badjao at Biyaya ng Lupa.[9]
Parangal na natanggap
[baguhin | baguhin ang wikitext]Iginawad kay Rosa Rosal ang Ramon Magsaysay Award for Public Service noong 1999 dahil sa kanyang serbisyo sa Krus na Pula ng Pilipinas (Inggles: Philippine National Red Cross).[1] Binigyan siya ng Natatanging Gawad Urian noong 1987 ng Manunuri ng Pelikulang Pilipino para sa kanyang mga tagumpay sa larangan ng pelikulang Pilipino.[9] Natanggap niya ang Citizens’ Award noong 1969 para sa kanyang paglabas sa seryeng pangtelebisyon na Balintataw.[9] Kinilala siya bilang Best Actress sa FAMAS sa kanyang pagganap sa pelikulang Sonny Boy noong 1955.[1][9]
Mga sanggunian
[baguhin | baguhin ang wikitext]- ↑ 1.00 1.01 1.02 1.03 1.04 1.05 1.06 1.07 1.08 1.09 "Rosal, Rosa". Ramon Magsaysay Award Foundation Philippines (sa wikang Ingles). Nakuha noong 2025-03-07.
{{cite web}}: CS1 maint: url-status (link) - ↑ 2.0 2.1 2.2 2.3 Zapanta-Andrada, Joanne. "Rosa Rosal: A meaningful life". Philstar.com. Nakuha noong 2025-03-07.
{{cite web}}: CS1 maint: url-status (link) - ↑ 3.0 3.1 3.2 3.3 3.4 3.5 3.6 3.7 3.8 Sequera, Vanni de. "Rosa Rosal's lifetime of charity". Philstar.com. Nakuha noong 2025-03-07.
{{cite web}}: CS1 maint: url-status (link) - ↑ 4.0 4.1 "Rosa Rosal - Biography". IMDb (sa wikang Ingles). Nakuha noong 2025-03-07.
{{cite web}}: CS1 maint: url-status (link) - ↑ Nolasco, Luis F., Kamagong: Bayani ng Mahirap (Action, Drama), Leopoldo Salcedo, Lilia Dizon, Rosa Rosal, Nolasco Bros., nakuha noong 2025-03-07
{{citation}}: CS1 maint: url-status (link) - ↑ Guzman, Susana C. de (1955-08-28), Sonny Boy (Drama), Rogelio de la Rosa, Rosa Rosal, Cecilia Lopez, LVN Pictures, nakuha noong 2025-03-07
{{citation}}: CS1 maint: url-status (link) - ↑ Silos, Manuel, Biyaya ng lupa (Drama), Rosa Rosal, Tony Santos, Leroy Salvador, LVN Pictures, nakuha noong 2025-03-07
{{citation}}: CS1 maint: url-status (link) - ↑ Borlaza, Emmanuel H. (1989-01-11), Ang lahat ng ito pati na ang langit (Drama), Susan Roces, Dina Bonnevie, Dante Rivero, Viva Films, nakuha noong 2025-03-07
{{citation}}: CS1 maint: url-status (link) - ↑ 9.0 9.1 9.2 9.3 Lleva, Fr Edd B. "Miss Rosa Rosal: Magsaysay awardee". Philstar.com. Nakuha noong 2025-03-07.
{{cite web}}: CS1 maint: url-status (link)
Mga panlabas na link
[baguhin | baguhin ang wikitext]- Si Rosa Rosal sa YouTube Channel ng Philippine Red Cross
- Si Rosa Rosal ayon kay Toni Rose Gayda sa panayam ni Julius Babao