Elizabeth II ng Mga Nagkakaisang Kaharian
| Elizabeth II | |
|---|---|
| Reyna ng Nagkakaisang Kaharian ng Gran Britanya at Hilagang Irlandya | |
[[File: |frameless|alt=]] |
|
| Paghahari | Pebrero 6, 1952 – kasalukuyan |
| Koronasyon | Hunyo 2, 1953 |
| Buong pangalan | Elizabeth Alexandra Mary |
| Sinundan | George VI |
| Kahalili | Prinsipe Charles, Prinsipe ng Wales |
| Konsorte kay | Prinsipe Philip, Duke ng Edinburgh |
| Supling | Prinsipe Charles, Prinsipe ng Wales Prinsesa Anne, Prinsesang Royal Prinsipe Andrew, Duke ng York Prinsipe Edward, Konde ng Wessex |
| Ama | George VI |
| Ina | Elizabeth Bowes-Lyon |
| Mga paniniwalang relihiyoso | Church of England, Church of Scotland |
Ang Kanyang Kamahalan Reyna Elizabeth II ng Nagkakaisang Kaharian (Ingles: Her Majesty Queen Elizabeth II of United Kingdom), ipinanganak noong Abril 21, 1926, ay ang Reyna ng labing-anim na mga malalayang mga bansa na tinatawag na Commonwealth Realm. Ang mga bansang ito ay Nagkakaisang Kaharian, Kanada, Australya, New Zealand, Hamayka, Barbados, Bahamas, Grenada, Papua New Guinea, ang Mga Pulo ng Solomon, Tuvalu, Santa Lucia, San Vicente at ang Kagranadinahan, Antigua and Barbuda, Belis, at San Cristobal at Nieves.
Si Elizabeth ay ipinanganak sa London at nag-aral sa bahay. Ang kanayang ama na si George VI ay umakyat sa trono noong 1936 dahil sa pagbibitiw sa tungkulin ng kanyang tiyuhin na si Edward VIII. Siay ay nagsimulang magdaos ng mga pampublikong tungkulin noong Ikalawang Digmaang Pandaigdig, kung saan siya ay nagsilbi sa Auxiliary Territorial Service. Nang namatay ang kanyang ama noong 1952, siya ay naging Pinuno ng Komonwelt at reyna ng pitong malalayang bansa na kasapi sa Komonwelt: Nagkakaisang Kaharian, Kanada, Australya, New Zealand, Timog Afrika, Pakistan at Ceylon. Siya ay kinoronahan noong 1953 at ito ang unang koronasyon na napalabas sa telebisyon. Sa pagitan ng 1956 at 1992, ang bilang ng kanyang mga kaharian ay kumonti dahil ito ay naging mga republika na kinabibilangan ng Timog Afrika, Pakistan at Ceylon (naging Sri Lanka).
Taong 1947 nang magpakasal siya kay Prinsipe Philip, Duke ng Edinburgh, kung saan nagkaroon sila ng apat na anak: Charles, Anne, Andrew at Edward. Noong 1992, kung saan tinaguriang annus horribilis ni Reyna Elizabeth II, naghiwalay sa kani-kanilang mga asawa sina Charles at Andrew, nagdiborsyo si Anne, at nasunog ang ilang bahagi ng Windsor Castle. Nagtuloy sa diborsyo ang relasyon nina Prinsipe Charles at Diana noong 1996. Nang sumunod na taon, namatay sa aksidente sa kotse si Diana sa Paris, at binatikos ng media ang pamilya royal sa hindi nito paglitaw sa publiko sa mga araw bago ang libing ni Diana. Gayunpaman, naging tanyag si Elizabeth dahil sa kanyang paglitaw sa publiko at nanatiling mataas ang katanyagan niya sa paglipas ng panahon.
Ang haba ng kanyang pamumuno na 60 taon ang ikalawa sa lahat ng hari/reyna sa bansa; mas mahaba ang haba ng pamumuno ni Reyna Victoria. Ang Pilak at Gintong Anibersaryo ng kanyang pamumuno ay ipinagdiwang noong 1977 at 2002; ang kanyang Diamanteng Anibersaryo ay ginugunita ngayong 2012.
Kabataan [baguhin]
Si Elizabeth ay ang panganay na anak ni Prinsipe Albert, Duke ng York (naging Haring George VI), at ng kanyang maybahay na si Lady Elizabeth Bowes-Lyon. Ang kanyang ama ay ang pangalawang anak nina Haring George V at Reyna Mary, at ang kanyang ina ay ang bunsong anak ng isang Eskosyang aristokrat Claude Bowes-Lyon, ika-labing-apat na Erl ng Strathmore at Kinghorne. Siya ay ipinanganak sa pamamagitan ng Cesarean noong ika-21 ng Abril 1926 sa oras na 2:40 ng umaga (GMT) sa bahay ng kanyang lolo sa 17 Bruton Street, Mayfair. Ang Anglikanong Arsobispo ng York, Cosmo Lang, ang nagbinyag sa kanya sa isang pribadong kapilya ng Palasyo ng Buckingham noong ika-29 ng Mayo. Siya ay pinangalanang Elizabeth na mula sa kanyang ina, Alexandra mula sa ina ni George V, na namatay anim na buwan ang nakaraan, at Mary mula sa kanyang lola. Tinawag siyang "Lilibet" ng malapit na myembro ng kanyang pamilya. Itinitangi siya ni George V, at nang siya ay nagkaroon ng malubhang sakit noong 1929 ang mga regular na pagbisita sa kanyang lolo ay pinapurihan ng mga sikat na palimbagan at nang lumaon ng mga biographer dahil sa pagtulong sa pagpapagaling ng hari.
Ang natatanging kapatid ni Elizabeth na si Prinsesa Margaret ay ipinanganak noong 1930. Ang dalawang prinsesa ay tinuruan sa bahay sa ilalim ng pamamahala ng kanilang ina at ni Marion Crawford, na tinawag na "Crawfie". Ang kanilang mga aralin ay naka-sentro sa kasaysayan, wika, panitikan at musika. Nadismaya ang pamilya royal noong 1950 nang magpalathala si Crawford ng talambuhay nila Elizabeth at Margaret na pinamagatang The Little Princesses.
Mga Royal na Pamagat at Istilo [baguhin]
- 21 Abril 1926 – 11 Disyembre 1936: Ang Kanyang Kataasan Prinsesa Elizabeth ng York
- 11 Disyembre 1936 – 20 Nobyembre 1947: Ang Kanyang Kataasan Ang Prinsesa Elizabeth
- 20 Nobyembre 1947 – 6 Pebrero 1952: Ang Kanyang Kataasan Ang Prinsesa Elizabeth, Dukesa ng Edinburgh
- 6 Pebrero 1952 – kasalukuyan: Ang Kanyang Kamahalan Ang Reyna
Ang lathalaing ito na tungkol sa Britanya ay isang usbong. Makatutulong ka sa Wikipedia sa pagpapalawig nito.
