TV5 (himpilan ng telebisyon)

Associated Broadcasting Company
(TV5)

Uri	network na pangtelebisyon at pangradyo
Bansa	Philippines
Lugar na maaaring maabutan	pambansa
May-ari	ABC Development Corporation
(Mga) pangunahing tauhan	Chino Roces, tagapagtatag Tonyboy Cojuangco, CEO
Petsa ng unang pagpapalabas	Hunyo 19, 1960
(Mga) dating pangalan	Associated Broadcasting Corporation
Opisyal na websayt	TV5.com.ph

Ang Associated Broadcasting Company, karaniwang pinaiikli bilang ABC, ay isang network pangtelebisyon sa Pilipinas, na may punong tanggapan sa Kalakhang Maynila. Ito ang ikatlong pinakamatandang network pangtelebisyon sa bansa, at kasalukuyang pagmamay-ari ng negosyanteng si Antonio "Tony Boy" Cojuangco.

Ang kanilang mga pangunahing himpilan ay ang DWET-TV 5 (TV5) sa telebisyon at ang Dream FM na parehong nakabase sa Kalakhang Maynila. Ang kanilang bagong pangalan ng estasyon ay TV5.

Kasaysayan

Si Joaquin "Chino" Roces, dating may-ari ng pahayagang Manila Times ay binigyan ng prangkisang pangradio at TV galing sa Kongreso sa ilalim ng Republic Act 2945 noong Hunyo 19, 1960. Kanyang tinatag ang Associated Broadcasting Corporation, ang ikaapat na naitatag na television network sa Pilipinas. Ang ABC ay nagmamay-ari ng mga himpilan ng radyo at telebisyon mula 1960 hanggang ideklara ni dating Pangulong Ferdinand Marcos ang Martial Law. Dahil rito ang ABC at ang Manila Times ay parehong ipinasara.

Nang naibalik ang demokrasya dahil sa Rebolusyon sa EDSA noong 1986, naging matagumpay si Chino Roces nang kinausap niya si dating Pangulong Corazon Aquino para muling mabuksan ang network.

Kumuha sila ng mga bagong stockholders para buhayin muli ang network. Binigyan ng pagsang-ayon ng Securities and Exchange Commission ang kanilang aplikasyon para pataasin ang kanilang kapital at ang ilang pagsusog sa kanilang articles of incorporation at by-laws. Pagkatapos nito ay nabigyan sila ng permisong tumakbo ng National Telecommunications Commission.

Sinimulang gawin ang kanilang magiging punong tanggapan at studio complex sa Novaliches, Lungsod Quezon noong 1990. At sa huling bahagi ng 1991, nagkaroon sila ng test broadcasts. Ang kanilang pormal na pagsasahimpapawid ay nagsimula noong Pebrero 21, 1992 sa ilalim ng pangalang Associated Broadcasting Company.

Nakakuha ng bagong prangkisa ang ABC noong Disyembre 9, 1994 sa ilalim ng Republic Act 7831 na nilagdaan ni dating Pangulong Fidel Ramos. Sa parehong taon, sila ay sumahimpapawid sa buong bansa gamit ang satellite. Dahil sa mabilis na paglago ng kumpanya, nagkaroon ng reputasyon ang ABC bilang "The Fastest Growing Network".

Noong Oktubre 2003, nabili ang ABC ng isang grupong pinangungunahan ng negosyanteng si Antonio "Tonyboy" Cojuangco, dating Chairman ng Philippine Long Distance Telephone Company (PLDT) at may-ari ng Dream Satellite Broadcasting at Bank of Commerce. Pinasinayaan nila ang maraming pagbabago sa kumpanya tulad ng isang mas matatag na dibisyon para sa news and public affairs, pagsasamoderno ng kanilang kagamitang pangbroadcast at ang pagkuha ng karapatang isahimpapawid ang mga laro ng Philippine Basketball Association.

Mga islogan ng ABC

Titulo	Islogan	Taon Ginamit
ABC 5	The Network	1960-1972
ABC 5	The Fastest Growing Network	1988-1998
ABC 5	Come Home To ABC	1989-1995, 2001-2004
ABC 5	The Big Leap	1994-1995
ABC 5	The Big League	1995-1998
ABC 5	Reaching Out To You	1995-1998
ABC 5	The Best of Both Worlds	1998-2001
ABC 5	Iba Tayo!	2004-2007
ABC 5	Idol Maging Iba!	2006
ABC 5	Kasama Mo!	2007
ABC 5	Pumped and Loaded	2007-2008
ABC 5	Celebrate Life!	2008-August 8, 2008
TV5	Shake Mo, TV Mo!	August 9, 2008-Present
TV5	Katakot-Takot na Takot	Halloween 2008
TV5	Todo Shake Mo, Pasko Mo!	Christmas 2008
TV5	Shake Mo With A Bang!	New Year 2009

Mga palabas

Karagdagang impormasyon: Tala ng mga palabas ng Associated Broadcasting Company

Ang sumusunod ay ang kasalukuyang panghapong iskedyul (12:00NN-6:00PM) ng kanilang punong himpilan.

Day	6:00 pm	6:30 pm	7:00 pm	7:30 pm	8:00 pm	8:30 pm	9:00 pm	9:30 pm	10:00 pm	11:00 pm	11:30 pm
Sunday	Wow Mali		Everybody Hapi		Shall We Dance?: The Celebrity Dance Challenge		5 Max Movies			Temptation Island 2
Monday	Masked Rider Blade	D-N-Angel	Black Blood Brothers	Fushigi Yuugi	Ha-Ha-Hayop	OMG!!!				TEN: The Evening News	I Am Ninoy
Tuesday					Baikingu	Kiddie Kwela					Mysmatch with Iya Villania and Archie Alemaina
Wednesday					Shock Attack	Ogags					Toyz
Thursday					Arekup Video Zonkers	Pulis Pulis					Travel on a Shoestring
Friday					Lokomoko High	Flo
Saturday	Lipgloss		Talentadong Pinoy		Midnight DJ					Super Slam Bang

Legend
Reality and game shows	Anime	Comedy	Newscast	Movie Block	Talk and infotainment	Drama, Soap Operas/ Telenovelas/ Suspense

Mga kaugnay na artikulo

• Telebisyon
• Tala ng mga estasyong pantelebisyon sa Pilipinas
• Tala ng mga himpilan ng Associated Broadcasting Company

Kawing panlabas

• Opisyal na websayt