Butter (kanta)

Mula sa Wikipedia, ang malayang ensiklopedya
Jump to navigation Jump to search
"Butter"
Single ni BTS
B-side"Permission to Dance"
Nilabas21 Mayo 2021 (2021-05-21)
Istudiyo
  • Dogg Bounce, Seoul, Timog Korea
  • Larry and George, New York, Estados Unidos
Tipo
Haba2:45
Tatak
Manunulat ng awit
Prodyuser
  • Grimaldi
  • Kirk
  • Perry
BTS singles chronology
"Film Out"
(2021)
"Butter"
(2021)
"Permission to Dance"
(2021)
Music video
"Butter" sa YouTube

Ang "Butter" (lit. Mantikilya) ay isang kanta na ni-record ng Timog Koreanong boy band na BTS. Ito ay inilabas bilang digital single noong 21 Mayo 2021, sa pamamagitan ng Big Hit Music at Sony Music Entertainment, bilang pangalawang single ng banda sa wikang Ingles. Isang kantang disco-pop, dance-pop, at EDM, ang kanta ay isinulat nina Jenna Andrews, RM, Alex Bilowitz, Sebastian Garcia, Robert Grimaldi, Stephen Kirk, at Ron Perry, na ang produksiyon ay pinangangasiwaan ng huling tatlo. Sa paglabas, nakatanggap ang "Butter" ng mga positibong review mula sa mga kritiko ng musika, na may papuri sa pagiging catchy nito. Ito ay isang komersiyal na tagumpay, na nanguna sa mga talaan sa Timog Korea, Hapon, Malaysia, Mehiko, Singapore, at Estados Unidos, pati na rin ng talaang Global 200 ng Billboard. Naabot din ng kanta ang pangunahing 10 sa mahigit 30 ibang bansa sa buong mundo. Isang remix na nagtatampok sa Amerikanong rapper na si Megan Thee Stallion ay inilabas din.

Pagre-record[baguhin | baguhin ang batayan]

Sa pagsasalita tungkol sa kung paano inilikha ang "Butter", sinipi ni Variety si RM sa isang pakikipanayam sa Apple Music na nagsasabing "[ang banda] ay hindi kailanman umaasa na maglalabas ng isa pang single, ngunit ang virus ay patagal nang patagal, kaya naisip namin na kailangan namin ng isa pang kantang pantag-init. Naisip namin na kailangan namin ng isa pang kantang pantag-init, at ang 'Butter' ay akmang-akma para roon. At ngayon nandito na tayo".[1] Inilarawan ni J-Hope ang proseso ng pagre-record bilang "makinis" at ang kanta bilang "higit na nakatuon sa pagpapakita ng kagandahan ng bawat miyembro kumpara sa 'Dynamite'".[2]

Komersiyal na pagpapalabas[baguhin | baguhin ang batayan]

Nang may 11.042 milyong stream sa unang araw sa pandaigdigang talaan ng Spotify, nagtakda ang "Butter" ng bagong record para sa pinakamalaking debut ng kanta sa kasaysayan ng plataporma—higit pa sa "I Don't Care" nina Ed Sheeran at Justin Bieber, na humawak ng record mula noong Mayo 2019 na may 10.977 milyong stream sa unang araw[3]—at nakakuha ng Guinness World Record para sa nakamit.[4] Nagmarka rin ito ng bagong personal na rurok para sa BTS, na lumampas sa kanilang dating mataas na 7.778 milyong stream para sa debut ng "Dynamite" noong Agosto 2020. Sa mahigit 20.9 milyong hindi na-filter na global stream, nagtakda ang "Butter" ng isa pang record para sa pinakamalaking solong-araw na stream ng anumang kanta kailanman sa Spotify.[5]

Mga kredito at tauhan[baguhin | baguhin ang batayan]

Mga kredito na hinango mula sa Melon at Tidal.[6][7]

  • BTS – primaryang boses
  • Rob Grimaldi – produksiyon, pagsusulat ng kanta, pag-aayos ng boses/produksiyon
  • Stephen Kirk – produksiyon, pagsusulat ng kanta, pag-aayos ng boses/produksiyon
  • Ron Perry – produksiyon, pagsusulat ng kanta
  • Jenna Andrews – pagsusulat ng kanta, boses sa likuran, pag-aayos ng boses/produksiyon
  • RM – pagsusulat ng kanta, gang vocals
  • Alex Bilowitz – pagsusulat ng kanta
  • Sebastian Garcia – pagsusulat ng kanta
  • Suga – gang vocals
  • J-Hope – gang vocals
  • Pdogg – pag-aayos ng boses, inhinyeriya ng recording
  • Juan "Saucy" Peña – inhinyeriya ng recording
  • Keith Parry – inhinyeriya ng recording
  • Serban Ghenea – mix engineering
  • John Hanes – assistant mix engineering
  • Chris Gehringer – mastering

Mga sanggunian[baguhin | baguhin ang batayan]

  1. Halperin, Shirley; Aswad, Jem (May 21, 2021). "New BTS Song 'Butter' Credits Columbia Records Chief Ron Perry as Co-Writer and Co-Producer". Variety. Tinago mula sa orihinal mula May 21, 2021. Kinuha noong May 21, 2021.
  2. Lee, Min-ji (May 17, 2021). "BTS set to return with new single 'Butter,' hype runs high". Yonhap. Tinago mula sa orihinal mula May 21, 2021. Kinuha noong May 24, 2021.
  3. Rolli, Bryan (May 22, 2021). "BTS's 'Butter' Scores Biggest Song Debut In Spotify History". Forbes. Tinago mula sa orihinal mula May 23, 2021. Kinuha noong May 22, 2021.
  4. Suggitt, Connie (May 25, 2021). "BTS single "Butter" breaks five world records across YouTube and Spotify". Guinness World Records. Tinago mula sa orihinal mula May 25, 2021. Kinuha noong May 25, 2021.
  5. Iasimone, Ashley (May 23, 2021). "BTS' 'Butter' Breaks Spotify Single-Day Streaming Record". Billboard. Tinago mula sa orihinal mula May 24, 2021. Kinuha noong May 24, 2021.
  6. "Butter". Melon. May 21, 2021. Tinago mula orihinal hanggang May 21, 2021. Kinuha noong May 21, 2021.
  7. "Butter BTS Credits". Tidal. Tinago mula orihinal hanggang May 21, 2021. Kinuha noong May 21, 2021.