Cinderella (banda)
Cinderella | |
|---|---|
| Pinagmulan | Pilipinas |
| Genre | |
| Taong aktibo | Dekada 1970-kasalukuyan |
| Miyembro | Cecile Colayco Violy Estrellado Sunny Ilacad Bob Guzman Celso Llarina Gig Ilacad |
| Dating miyembro | Yolly Samson Snaffu Rigor |
Ang Cinderella ay isang bandang Pilipino na sumikat noong dekada 1970. Nag-rekord para sa Sunshine Records, at sa kasama ng mga kontemporaryo tulad ng Hotdog, binuo ang isang uri ng musika na tinatawag na Manila sound (o tunog Maynila). Ang pinakakilalang awitin ng Cinderella ay ang single na "T.L. Ako Sa'yo" (kung saan "True Love" ang ibig sabihin ng T.L.). Kabila pa sa mga sikat na awitin nila ang "Bato sa Buhangin", "Sa Aking Pag-iisa" at "Superstar ng Buhay Ko".
Kasaysayan
[baguhin | baguhin ang wikitext]Unang binubuo ang Cinderella nina Snaffu Rigor (bokalista at tambol), Sunny Ilacad (organo), Bob Guzman (gitara at pantulong na bokalista), Celso Llarina (gitarang ritmo at pantulong na bokalista), Gig Ilacad (gitarang baho), Cecile Colayco (punong bokalista), at Violy Estrellado (pantulong na bokalista). Pagkatapos ilabas ang una nilang eponimong album, umalis sina Colayco at Estrellado sa grupo. Dahil wala silang pangunahing bokalista, nag-awdisyon ang mag-aaral ng Unibersidad ng Santo Tomas na si Yolly Samson sa Sunshine Records at matagumpay siyang kinuha upang permanenteng kapalit ni Colayco; na naging mukha ng bandang Cinderella.[1] Nag-ambag ang mga komedyanteng sina Vic Sotto at Joey de Leon, mga kaanib ng Sunshine at mga kaibigan ng grupo, ng mga awitin, isa na dito ang pinakakilalang awitin na "Ang Boyfriend Kong Baduy". Sa kanilang kasikatan, ikinomisyon si Rigor na makipagtulungan sa kompositor ng pelikula na si Ernani Cruz at isulat ang titik ng awiting tema ng pelikula nina Fernando Poe Jr. at Vilma Santos na Bato sa Buhangin (1976), upang i-rekord na awitin ng pangkat.[2] Muling sumikat ang awitin nang muling inawit ito ni Glaiza de Castro para sa pelikulang makasaysayang dramang Goyo: Ang Batang Heneral (2018).[3]
Noong Nobyembre 21, 1987, namatay si Yolly Samson sa komplikasyon ng kanser sa utak, sa gulang na 41.[4] Noong Agosto 4, 2016, namatay naman si Snaffu Rigor sa kanser sa baga.[5]
Istilo
[baguhin | baguhin ang wikitext]Sinulat ng banda ang kanilang awitin sa Taglish (ang pagpalit-kodigo sa pagitan ng Tagalog at Ingles) at mga salitang kalye na popular sa mga urbanong lugar noong dekada 1970. Halimbawa, ginamit ng Cinderella sa awiting "T.L. Ako Sa'yo" ang salitang "dehins", na binuo mula sa binaligtad na pantig ng "hindi" na dinagdag ang titik "s" sa dulo. Isa itong salitang balbal na parang Ingles ang tunog. Ingles din ang pamagat na "T.L." na daglat para sa "True Love" ("Tunay na Pag-ibig" sa Tagalog).
Ang pamagat ng awiting "Ang Boyfriend Kong Baduy" ay nasa Taglish din, at gayon din ang titik nito:
- ...but when we go out dating na, kulay ng polo niya'y pula... ("subalit kapag nagtitipanan na, kulay ng polo niya'y pula...")
- ...but when the guests go dancing na, lagi pa syang nauuna... ("subalit kapag nagsasayaw na ang mga bisita, lagi pa siyang nauuna...")
- ...'di ko ma-take ang gusto. Siya ay in-na-in, ngunit out pa rin... ("Hindi ko masikmura ang gusto. Siya ay nasa uso, ngunit laos pa rin...")
Sa awiting "Ang Boypren Ko", ang salitang "boypren" ay paghahango ng salitang Ingles na "boyfriend"; tulad ng paghahango ng ibang salitang Ingles, halimbawa, ang salitang Ingles na "boxing" na naging "boksing".
Ang awiting "Sana'y Maging Steady Mo" ay isa uling halimbawa ng Taglish. Sa konteksto ito, ang salitang Ingles na "steady" ay ginamit bilang pangngalan na tumutukoy sa kasintahan.
Diskograpiya
[baguhin | baguhin ang wikitext]Mga album
[baguhin | baguhin ang wikitext]- Cinderella (1975)
- Ang Boyfriend Kong Baduy (1975)
- Cinderella 2 (1976)
Mga awitin
[baguhin | baguhin ang wikitext]Kilala ang banda sa mga malambit na mga balad romantiko. Ilan lamang ang mga kilalang kantan ang sumusunod:
- "First Kiss"
- "Love Letters"
- "Tayo'y Mag-Boogie"
- "First and Last Love"
- "Sana'y Maging Steady Mo"
- "T.L. Ako Sa'yo"
- "Sa Aking Pag-iisa"
- "Ikaw ang Idol Ko"
- "Ang Boyfriend Kong Baduy"
- "Ang Boypren Ko"
- "Tulak ng Bibig, Kabig ng Dibdib"
- "Paano Pa kita Malilimutan"
- "Ang Pag-ibig Mo"
- "Superstar Ng Buhay Ko"
- "Pag-ibig ko'y Ibang-iba"
- "May Crush Ako Sa'yo"
- "Ligaw Tingin"
- "Nakikining ang Buong Pilipinas"
- "Bato sa Buhangin"
- "Love of My Life"
Mga sanggunian
[baguhin | baguhin ang wikitext]- ↑ "Cinderella - Bio, Albums, Songs and Lyrics - OPM Filipino Music". Inarkibo mula sa orihinal noong 2013-12-16. Nakuha noong 2013-12-16.
{{cite web}}: CS1 maint: date auto-translated (link) - ↑ Gil, Baby A. (Agosto 12, 2016). "Goodbye to composer Snaffu Rigor". The Philippine Star (sa wikang Ingles). Nakuha noong Oktubre 17, 2019.
{{cite news}}: CS1 maint: date auto-translated (link) - ↑ San Diego, Bayani, Jr. (Oktubre 17, 2019). "Glaiza sings for 'Goyo'". Inquirer (sa wikang Ingles). Nakuha noong Setyembre 1, 2018.
{{cite news}}: CS1 maint: date auto-translated (link) CS1 maint: multiple names: mga may-akda (link) - ↑ Amoyo, Aster (2021-08-19). "FPJ buhay na buhay ang alaala - Journalnews". JournalnewsOnline.com.ph. Nakuha noong 2023-10-14.
{{cite web}}: CS1 maint: date auto-translated (link) - ↑ Bartolome, Jessica (Agosto 5, 2016). "OPM legend Snaffu Rigor dies at 69". GMA News Online. Inarkibo mula sa orihinal noong 10 Agosto 2023. Nakuha noong 10 Agosto 2023.
{{cite news}}: CS1 maint: date auto-translated (link)
