Estasyon ng Carriedo

Carriedo
Sistema ng Light Rail Transit ng Maynila
Estasyong Carriedo noong Hunyo 2020, sa gitna ng pandemya ng COVID-19
Pangkalahatang Impormasyon
Lokasyon	Abenida Rizal, pgt. Kalye Carriedo Santa Cruz at Quiapo, Maynila
Pagmamayari ni/ng	Kagawaran ng Transportasyon (DOTr) Pangasiwaan ng Light Rail Transit (LRTA)
Linya	Unang Linya ng LRT
Plataporma	Gilid ng plataporma
Riles	2
Konstruksiyon
Uri ng estruktura	Biyadukto
Ibang impormasyon
Kodigo	CA
Kasaysayan
Nagbukas	Mayo 12, 1985
Serbisyo
Huling estasyon   Manila LRT   Susunod na estasyon Doroteo Jose patungong Fernando Poe Jr. Line 1 Central Terminal patungong Dr. Santos

Ang Estasyong Carriedo ng LRT (Ingles: Carriedo LRT station) ay isang estasyon sa Manila LRT (Unang Linya ng LRT). Katulad ng iba pang mga estasyon ng LRT-1, nakaangat sa lupa ang estasyong Carriedo. Matatagpuan ito sa distrito ng Santa Cruz sa Maynila. Ipinangalan ang estasyon sa Kalye Carriedo na malapit sa estasyon. Ito ang tanging estasyon sa buong sistema ng LRT na may habong na bubong (canopy roof).

Ang estasyong Carriedo ay ang unang estasyon sa hilaga ng Ilog Pasig. Ito rin ang pansampung estasyon para sa mga treng LRT-1 na patungo sa Roosevelt at ang panlabing-isang estasyon para sa mga treng patungo sa Baclaran.

Malapit ang estasyon sa ilang mga tanyag na pook-palatandaan ng Maynila, tulad ng Simbahan ng Quiapo, Kalye Escolta, Plaza Lacson, at Kalye Ongpin. Malapit din ito sa Liwasang Gubat ng Arroceros, Liwasang Bonifacio, at Sentral na Tanggapan ng Koreo ng Maynila, gayundin ang Pamantasang FEATI.

Sa ilalim ng train port ng estasyon ay isang basiyong espasyo na ginamit bilang isang lokasyon para sa isang detour sa The Amazing Race Asia 2.

Mga kawing pangpanlalakbay

Dahil sa kinaroroonan ng estasyong Carriedo na malapit sa mga distrito ng Santa Cruz, Binondo at Quiapo, ang estasyon ay pinagsisilbihan ng maraming mga uri ng pampublikong transportasyon. Humihinto sa estasyon at paligid nito ang mga bus na nagsisilbi sa rutang Abenida Taft at mga malalapit na ruta, mga dyipni, taksi, sasakyang de-padyak at kalesa. Lubusang ginagamit ang mga kalesa at sasakyang de-padyak sa Binondo, dahil sa mga makikipot na kalye ng distrito.

Pagkakaayos ng estasyon

L3 Mga plataporma	Platapormang pagilid, magbubukas ang mga pinto sa kanan
	Plataporma A	← Unang Linya ng LRT patungong Roosevelt
	Plataporma B	→ Unang Linya ng LRT patungong Baclaran →
	Platapormang pagilid, magbubukas ang mga pinto sa kanan
L2	Lipumpon	Mga faregate, bilihan ng tiket, sentro ng estasyon, mga tindahan, Isetann Carriedo
L1	Daanan	Pamantasang FEATI