Ina
Ang ina ay ang babaeng magulang ng anumang uri ng anak o supling. Karamihan sa mga hayop, kabilang ang mga tao, ang ipinanganak mula sa isang ina at sa isang ama dahil sa kanilang pag-ibig at pagtatalik. Ang ina ang nagdadalangtao at nagluluwal ng sanggol. Tinatawag na ina sa batas o biyenang babae ang ina ng asawa ng isang tao.
Sa ilang mga kultura, nangangahulugang "pinuno" ang ina. Paminsan-minsang tinataguriang mga Ama ang mga tagapagtatag ng o manlilikha ng isang larangan o imbensiyon. Ginagamit din ang madre[1] (mula sa wikang Kastila na may ibig sabihing "ina") bilang pamagat o katawagan para sa mga madreng Katoliko. Nagiging tawag na paggalang sa may edad na babae ang "ina".[1]
Katumbas ang ina ng ima, nanay, mama, inang, at inay.[1]
Tinatawag na ina sa turing ang isang ina-inahan o hindi tunay na ina, kinikilalang ina bagaman pangalawa o naging tinuturing na "ina" dahil sa muling pag-aasawa ng tunay na ama.
Sa isang pananaliksik ni Pamela Schulze ng pamantasan ng Akron, na naglalayong malaman ang mga layon at paniniwala ng mga Pilipinong ina sa pagpapalaki ng kanilang mga anak, ay natagpuan na hinihikayat ng mga ina ang pagbubuklod subalit binibigyan parin nila ng kalayaan ang kanilang mga anak.[2]
Tingnan din
[baguhin | baguhin ang wikitext]Mga sanggunian
[baguhin | baguhin ang wikitext]- ↑ 1.0 1.1 1.2 Gaboy, Luciano L. Mother - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
- ↑ Schulze, Pamela (2004). "Filipino Mothers' Beliefs about Parenting: A Question of Independence". ResearchGate. Nakuha noong 2025-03-29.
Ang lathalaing ito na tungkol sa Tao ay isang usbong. Makatutulong ka sa Wikipedia sa pagpapalawig nito.