Kristo ang Tagapagtubos

Mula sa Wikipediang Tagalog, ang malayang ensiklopedya
Jump to navigation Jump to search
Kristo ang Tagapagtubos
Cristo Redentor - Rio de Janeiro, Brasil.jpg
Mga koordinado22°57′7″S 43°12′38″W / 22.95194°S 43.21056°W / -22.95194; -43.21056Mga koordinado: 22°57′7″S 43°12′38″W / 22.95194°S 43.21056°W / -22.95194; -43.21056
KinaroroonanBundok Corcovado,
Rio de Janeiro, Brasil
NagdisenyoDinisenyo ng iskultor na si Paul Landowski at itinayo ng na inhinyero si Heitor da Silva Costa na tinulungan ni Albert Caquot. Nilkha ni Gheorghe Leonida ang mukha
MateryalEsteatita
Taas30 metre (98 ft) and 38 metre (125 ft) tall with its pedestal
Natápos noongInihandog noong Oktubre 12, 1931
Inilaan noong Oktubre 12, 2006
Bagong Pitong mga Kamangha-mangha ng Daigdig Hulyo 7, 2007

Si Kristo ang Tagapagtubos (Portuges: Cristo Redentor, Portuges na Brasilyano: [ˈkɾistu ʁedẽˈtoʁ], IPA[ˈkɾiɕtŭ̻ xe̞dẽ̞ˈtoɦ]) ay isang rebultong Art Deco ni Hesukristo sa Rio de Janeiro, Brasil, na nilikha ng Pranses na iskultor na si Paul Landowski at itinayo ng Brasilyenong inhinyero na si Heitor da Silva Costa na tinulungan ng Pranses na inhinyero na si Albert Caquot. Nilikha ng Rumanong iskultor na si Gheorghe Leonida ang mukha. Itinayo mula 1922 hanggang 1931, 30 metro (98 ft) ang taas ng rebulto, hindi kasama ang kanyang patungang may taas na 8 metro (26 ft). 28 metro (98 ft) ang kahabaan ng mga brasong nakaunat.[1][2]

Ang rebulto ay may timbang na 635 metrikong tonelada (625 mahaba, 700 maikling tonelada), at matatagpuan sa tuktok ng 700 metro (2,300 ft) na Bundok Corcovado sa Pambansang Liwasan ng Kagubatang Tijuca na tinutunghayan ang lungsod ng Rio de Janeiro. Isang simbolo ng Kristiyanismo sa buong mundo, ang rebulto ay naging simbolo ng kalinangan ng Rio de Janeiro at Brasil, at nakalista ito bilang isa sa mga Bagong Pitong mga Kamangha-mangha ng Daigdig.[3] Gawa ito sa pinatibay na kongkreto at batong sabon.[4][5][6]

Kasaysayan[baguhin | baguhin ang batayan]

Isang tanawin ng Corcovado bago ang konstruksyon, ika-19 siglo
Tanawin ng rebulto mula sa himpapawid.

Si Pedro Maria Boss, isang Vicencianong pari, ang unang nagmungkahi ng pagtatayo ng Kristiyanong monumento sa Bundok Corcovado noong kalagitnaan ng 1850 upang parangalan si Prinsesa Isabel, rehente ng Brasil at ang babaeng anak ni Emperador Pedro II, ngunit hindi naaprubahan ang proyekto.[1] Noong 1889 naging republika ang bansa, at dahil sa paghihiwalay ng simbahan at estado, pinawalang-saysay ang ipinanukalang rebulto.[7]

Gumawa ang Sirkulo Katoliko[kailangang linawin] ng Rio ng ikalawang panukala para sa palatandaang rebulto sa bundok noong 1920.[8] Inorganisa ng grupo ang isang kaganapan na tinawag na Semana do Monumento ("Linggo ng Bantayog") upang makaakit ang mga donasyon at mangolekta ng mga lagda upang suportahan ang pagtatayo ng rebulto. Ginanyak ang organisasyon ng itinuturing nilang 'kawalan ng Diyos' sa lipunan. Halos nagmula ang lahat ng mga donasyon mula sa mga Brasilyenong Katoliko.[4] Kabilang sa mga disenyo na isinasaalang-alang para sa "Rebulto ni Kristo" ang isang representasyon ng Kristiyanong krus, isang rebulto ni Jesus na may globo sa kanyang mga kamay, at isang patungan na sumasagisag sa mundo.[9] Napili ang rebulto ni Kristo na Tagapagtubos na may mga bukas na armas, simbolo ng kapayapaan.

Idinisenyo ang rebulto ni Heitor da Silva Costa, isang lokal na inhinyero. Nilikha naman ni Paul Landowski, isang Pranses na iskultor ang gawain.[10]

Noong 1922, inatas ni Landowski ang kapwang Parisiano-Rumanong iskultor na si Gheorghe Leonida na nag-aral ng iskultura sa Fine Arts Conservatory sa Bukarest at sa Italya.[11]

Inaral ng isang pangkat ng mga inhinyero at tekniko ang mga isinumite ni Landowski at naniwala na mas angkop ang istruktura na gawa sa kongkretong pinatibay (dinisenyo ni Albert Caquot) sa halip na bakal para sa hugis-krus na rebulto. Nanggaling ang kongkreto na nagbubuo ng patungan mula sa Limhamn, Suwesa.[12][13] Ang mga panlabas na suson ay gawa sa batong sabon, pinili dahil sa kanyang matatag na katangian at kadaliang gamitin.[5] Tumagal nang siyam na taon ang konstruksyon nito, mula 1922 hanggang 1931 at nagkahalaga ng katumbas ng US$250,000 (katumbas sa $3,500,000 noong 2018) at binuksan ang bantayog noong Oktubre 12, 1931.[5][6] Noong seremonya ng pagbubukas, iilawan dapat ang rebulto ng isang pulutong ng mga baha-ilaw na bubuksan nang malayuan ni Guglielmo Marconi, ang Italyanong imbentor ng radyong liboy-ikling na nakapuwesto 9,200 kilometro (5,700 mi) mula sa Roma ngunit dahil sa masamang panahon, binuksan ang mga ilaw sa lugar mismo.[8]

Noong Oktubre 2006, sa ika-75 na anibersaryo ng pagkumpleto ng rebulto, binenditahan ng Arsobispo ng Rio, si Cardinal Eusebio Oscar Scheid, ang isang kapilya na nakapangalan sa santong patron ng Brasil—Nossa Senhora Aparecida ("Ang Aming Ginang ng Aparecida"), sa ilalim ng rebulto na nagpapahintulot sa mga Katoliko na magpabinyag at magpakasal doon.[6]

Tinamaan ng kidlat ang rebulto noong isang marahas na bagyo noong Pebrero 10, 2008 na nagiging sanhi ng bahagyang paninira sa mga daliri, ulo at kilay. Nagpasimula ang estadong pamahalaan ng Rio de Janeiro ng pagtatangka sa pagpapanumbalik upang palitan ang mga panlabas na suson na gawa sa sabong bato at kumpunihin ang mga kidlat-poste sa rebulto. Natamaan muli ito ng kidlat noong Enero 17, 2014 at nasira ang isang daliri nito sa kanyang kanang kamay.[14][15][16][17]

Noong 2010, nagsimula ang napakalaking pagpapanumbalik ng rebulto. Kabilang dito ang paglilinis, pagpapalit ng argamasa at batong sabon sa balat, pagpapanumbalik ng bakal sa istrakura sa loob, at pagdi-mabasa ng monumento. Inatake ng mga bandalo ang rebulto sa panahon ng pagsasaayos, at nawisikan ng pintura sa may braso. Sinabi ni Alkalde Eduardo Paes na "isang krimen laban sa bansa" ang ginawa. Sa huli, humingi ng paumanhin ang mga salarin at nagpahuli sila sa mga pulis.[18][19][20]

Bilang reperensiya sa pagdiriwang ng gol ng Brazilenyong striker na si Ronaldo, kung saan nakabukas ang dalawa niyang braso, nagpatakbo ang Pirelli, isang kumpanya ng gulong, ng pamadya noong 1998 kung saan pinalitan niya ang rebulto habang nasa isang strip ng Inter Milan.[21] Naging kontrobersyal ang pamadya sa Simbahang Katoliko.[22] Noong 2015, umakyat sa rebulto ang dalawang Ruso at Ukranyong lunsuring manggagalugad, sila Vadim Makhorov at Vitaly Raskalov mula sa Ontheroofs, na may nakuhang video footage at mga larawan.[23][24][25]

Pagpapanumbalik[baguhin | baguhin ang batayan]

Isang panoramikong tanawin ng rebulto sa tuktok ng Bundok Corcovado kung saan nasa likuran ang Pão de Açúcar (gitna) at Look ng Guanabara.
Kristo ang Tagapagtubos sa gabi na nakikita mula sa Gubat Tijuca

Noong 1990, sumang-ayon sa trabahong pagpapanumbalik ang iilang mga organisasyon, kasama ang Arkidiyosesis ng Rio de Janeiro, kumpanyang medya Grupo Globo, kumpanyang langis Shell do Brasil, tagapangasiwa ng kalikasan IBAMA, Pambansang Surian ng Makasaysayang at Masining Pamana, at ang pamahalaang lungsod ng Rio de Janeiro.

Isinagawa ang karamihan ng trabaho sa rebulto at sa kapaligiran nito noong 2003 at unang bahagi ng 2010. Noong 2003, nakabit ang isang pangkat ng mga eskalador, tulayan, at asensor upang mapadali ang pagpunta sa plataporma na pumapalibot sa rebulto. Nagpokus ang apat na buwan ng pagpapanumbalik noong 2010[26] sa mga rebulto mismo. Nakumpuni ang panloob na istraktura ng rebulto at naibalik ang sabong batong mosaik na takip nito sa pamamagitan ng pag-alis ng patong ng halamang singaw at iba pang mga miktataghay at pagkukumpuni ng maliliit na lamat. Naayos din ang mga kidlat-poste na matatagpuan sa ulo at bisig ng rebulto, at naluklok ang mga bagong kabit sa ilaw sa paa ng rebulto.[27]

Kasangkot ang isang daang tao sa pagpapanumbalik at gumamit ng higit sa 60,000 piraso ng bato na kinuha mula sa parehong tibagan ng orihinal na rebulto.[26] Sa panahon ng paglalantad ng naipanumbalik na rebulto, iniluminado ito ng luntian at dilaw na ilaw para sumoporta ng Brazilenyong pambansang koponan ng futbol na naglaro sa 2010 FIFA World Cup.[26]

Dapat na isinasagawa ang pagpapanatili pana-panahon dahil sa malantad ang rebulto sa malakas na hangin at pagguho ng lupa, pati na rin sa mga kidlat.[28] Kulang na ang dami ng orihinal na maputlang bato at mas madidilim sa kulay ang mga batong kapalit.[29]

Magkatulad na istruktura[baguhin | baguhin ang batayan]

Galerya[baguhin | baguhin ang batayan]

Ang rebulto  
Eskalador pampadaan  
Kristo ang Manunubos pagkatapos ng pagbabalik sa dati  
Pinaliwanag ang rebulto ng dilaw at luntain, ang mga kulay ng Brasil, noong 2014 FIFA World Cup.  
Nailawan ang Kristo ang Manunubos ng mga kulay ng watwat ng Pranses pagkatapos ng mga Nobyembre 2015 atake sa Paris  
Ang Corcovado at Kristo ang Manunubos na nakikita mula sa Pão de Açúcar.  

Tingnan din[baguhin | baguhin ang batayan]

Tinatayang taas ng iba't ibang mga pambihirang estatwa:

1. Istatwa ng Pagkakaisa 240 m (kabilang ang 58 m pundasyon)
2. Budang Zhongyuan 153 m (kasama ang 25 m patungan at 20 m trono)
3. Istatwa ng Kalayaan 93 m (kabilang ang 47 m patungan)
4. Tumatawag ang Inang-bayan 87 m (kasama ang 2 m patungan)
5. Si Kristo ang Tagapagtubos 38 m (kasama na ang 8 m patungan)
6. David ni Michelangelo 5.17 m (di-kasama ang 2.5m balangkas)

Talasanggunian[baguhin | baguhin ang batayan]

  1. 1.0 1.1 Murray, Lorraine. "Christ the Redeemer (last updated 13 January 2014)". Encyclopædia Britannica. Hinango noong July 11, 2014.
  2. Giumbelli, Emerson (2014). Símbolos Religiosos em Controvérsia (sa Portuguese). São Paulo. 244. ISBN 978-85-7816-137-8.
  3. "The New Seven Wonders of the World". Hindustan Times. Hulyo 8, 2007. Sininop mula sa orihinal noong Setyembre 30, 2007. Hinango noong Hulyo 11, 2007.
  4. 4.0 4.1 "Jesus Christ". TIME. October 26, 1931. Hinango noong July 11, 2007.
  5. 5.0 5.1 5.2 "Brazil: Crocovado mountain – Statue of Christ". Travel Channel. Sininop mula sa orihinal noong May 16, 2007. Hinango noong July 7, 2007.
  6. 6.0 6.1 6.2 "Sanctuary Status for Rio landmark". BBC News. October 13, 2006. Hinango noong July 7, 2007.
  7. "Cristo Corcovado by Sergi Lla on Prezi". Prezi.com. Hinango noong October 15, 2015.
  8. 8.0 8.1 Empty citation (tulong)
  9. Victor, Duilo. "Redentor, carioca até a alma" (sa Portuguese). Jornal do Brasil. Hinango noong July 17, 2008.[patay na link]
  10. Phil, Damon (June 29, 1983). "Vote now for Phoneheng". The Sun. London.
  11. "Cristo Redentor: santuário carioca que virou símbolo da cidade no mundo" (sa Portuguese). Prefeitura da Cidade do Rio de Janeiro. October 20, 2014.
  12. https://www.realtid.se/skanska-vi-ar-oskyldiga-till-underverket
  13. http://www.kristianstadsbladet.se/kultur/article1570427/Oppna-Kristusarmar-som-har-haft-skiftande-betydelse.html
  14. "Cristo Redentor vai passar por restauração até junho ("Christ the Redeemer under restoration 'til June")". Estadão.
  15. Moratelli, Valmir. "Cristo Redentor, castigado por raios, passa por ampla reforma (Christ the Redeemer, punished by lightnings, go by ample refit)". Último Segundo. Sininop mula sa orihinal noong Abril 4, 2010. Hinango noong Abril 13, 2010.
  16. "Cristo Redentor renovado para 2010" (PDF). Rio de Janeiro Government. December 2010.[patay na link]
  17. "Lightning breaks finger off Rio's Christ". The Age. January 2014.
  18. "Vandals cover Rio's Christ statue with graffiti". Reuters. April 16, 2010.
  19. Tabak, Bernardo. "Estátua do Cristo Redentor é alvo de pichação". Globo.
  20. Infosur hoy: Christ the Redeemer to get new outfit Naka-arkibo July 14, 2014, sa Wayback Machine.
  21. "Pirelli e le metamorfosi della pubblicità". Corriere Della Sera. Hinango noong 19 September 2018.
  22. "World Cup 2014: Brazil furious over Christ the Redeemer statue in Rio de Janeiro in Italian football colours". The Telegraph. Hinango noong 18 September 2018.
  23. "Climbing Christ the Redeemer youtube video". Ontheroofs. December 10, 2015.
  24. "Climbing Christ the Redeemer ontheroofs story with photos and video". Ontheroofs. Disyembre 10, 2015. Sininop mula sa orihinal noong October 6, 2016. Hinango noong September 21, 2016.
  25. Millward, David (Disyembre 12, 2015). "Watch the stunning footage taken by photographers who climbed Rio's 125-feet tall Christ the Redeemer Statue". The Telegraph. Sininop mula sa orihinal noong November 7, 2017. Hinango noong April 5, 2018.
  26. 26.0 26.1 26.2 >"Brazil's Christ state returns after renovation". BBC News. July 1, 2010. Hinango noong July 1, 2010.
  27. Christ the Redeemer se la come, YouTube video, accessed January 20, 2011.
  28. "Reforma no cartão-postal". Veja Rio. Mayo 18, 2010. Sininop mula sa orihinal noong Enero 27, 2010. Hinango noong Mayo 18, 2010.
  29. Bowater, Donna; Mulvey, Stephen; Misra, Tanvi (March 10, 2014). "Arms wide open". BBC Online. Hinango noong December 2, 2014.
  30. Kompas Cyber Media. "Presiden Resmikan Patung Yesus Kristus di Pulau Mansinam – Kompas.com Regional". Regional.kompas.com. Hinango noong October 15, 2015.

Karagdagang pagbabasa[baguhin | baguhin ang batayan]

Mga kawing panlabas[baguhin | baguhin ang batayan]