Mayang pula
| Mayang Pula | |
|---|---|
| |
| Isang mayang pula ng subspesye na Lonchura atricapilla jagori mula sa Cebu, Pilipinas | |
| Katayuan ng pagpapanatili | |
| Klasipikasyong pang-agham | |
| Kaharian: | |
| Kalapian: | |
| Hati: | |
| Orden: | |
| Pamilya: | |
| Sari: | |
| Espesye: | L. atricapilla
|
| Pangalang binomial | |
| Lonchura atricapilla (Vieillot, 1807)
| |
Ang Mayang pula, (Lonchura atricapilla[2] o Chestnut Munia o di kaya'y Black-headed Munia sa Ingles) ay isang munting ibong pipit. Ito'y matatagpuan sa Bangladesh, Brunei, Cambodia, China, India, Indonesia, Laos, Malaysia, Burma, Nepal, Philippines, Singapore, Taiwan, Thailand, Vietnam at Hawaii. Tinatawag itong "mayang pula" dahil sa pulang patse sa bandang ibaba ng likod nito, na kita lamang kapag ito'y lumilipad.
Sa librong "A Guide to the Birds of the Philippines" ni Robert S. Kennedy, partikular na tinukoy ang Mayang pula bilang ang espesye ng maya na kinilalang pambansang ibon ng Pilipinas, hindi ang Mayang simbahan o Eurasian Tree Sparrow, na isang espesyeng inangkat mula sa Europa.[3] (Sa kasalukuyan, ang pambansang ibon ng Pilipinas ay ang Haribon).
Ang Lonchura atricapilla ay dating tinukoy bilang subspesye ng Lonchura malacca atricapilla o "Tricoloured Munia".
Subspesye
[baguhin | baguhin ang wikitext]Ang mayang pula ay may ilang mga subspesye:
- Lonchura atricapilla atricapilla
- Lonchura atricapilla rubroniger
- Lonchura atricapilla sinensis
- Lonchura atricapilla formosana
- Lonchura atricapilla deignani
- Lonchura atricapilla brunneiceps
- Lonchura atricapilla jagori
- Lonchura atricapilla selimbauensis
- Lonchura atricapilla obscura
- Lonchura atricapilla batakana
Tirahan
[baguhin | baguhin ang wikitext]
Ang mayang pula ay isang maliit at palakaibingang ibon na karaniwang kumakain ng butil at iba pang binhi. Madalas itong matatagpuan sa damuhan at kaparangan. Ang pugad nito ay isang malaking pabilog na estrukturang yari sa damo na nakalagay sa palumpong o di kaya'y mataas na damo, kung saan may 4-7 itlog.
Itsura
[baguhin | baguhin ang wikitext]Ang mayang pula ay may habang mga 11–12 cm. Ang indibidwal na nasa wastong edad ay may maikling tuka na magkahalong bughaw at kulay abo, itim na ulo, kayumangging katawan, at pulang patse sa bandang ibaba ng likod, na kita lamang kapag ito'y lumilipad. Minsa'y kulay itim ang tiyan nito.
Magkahawig ang babae at lalake, ngunit ang mga indibidwal na wala pa sa tamang edead ay kulay kayumanggi sa bandang itaas, puti o malaputing bandang ibaba, at hindi itim ang ulo tulad ng indibidwal na nasa tamang edad.
Tignan din
[baguhin | baguhin ang wikitext]- Maya
- Mayang Simbahan (Passer montanus o Eurasian Tree Sparrow)[4]
- Mayang Bato (Lonchura leucogastra o White-bellied Munia)[4]
- Mayang Costa (Padda oryzivora)[5][4]
- Mayang Paking (Lonchura punctulata)[6]
- Pipit
Mga sanggunian
[baguhin | baguhin ang wikitext]- Birds of India by Grimmett, Inskipp and Inskipp, ISBN 0-691-04910-6
- Munias and Mannikins by Robin Restall, ISBN 1-873403-51-8
- ↑ BirdLife International (2012). "Lonchura atricapilla". Pulang Talaan ng Nanganganib na mga Espesye ng IUCN. Bersiyong 2013.2. Internasyunal na Unyon para sa Konserbasyon ng Kalikasan. Nakuha noong 26 Nobyembre 2013.
{{cite web}}: CS1 maint: date auto-translated (link) - ↑ http://ebonph.wordpress.com/2013/07/03/10-most-common-urban-birds/
- ↑ Kennedy, Robert; atbp. A Guide to the Birds of the Philippines. ISBN 0-19-854668-8.
{{cite book}}: Explicit use of et al. in:|author2=(tulong) - ↑ 4.0 4.1 4.2 http://www.fao.org/docrep/x5048e/x5048e0g.htm
- ↑ http://www.irri.org/index.php?option=com_k2&view=item&id=11686:plight-of-the-rice-birds&lang=en
- ↑ http://philbiodiversitypartnerships.com/index.php/reports/progress-reports/financial-progress-reports/article/1137-scaly-breasted-munia-mayang-paking[patay na link]
External links
[baguhin | baguhin ang wikitext]- BirdLife Species Factsheet Naka-arkibo 2007-09-26 sa Wayback Machine.