Pinakbet

Pinakbet

Pinakbet na may talong, kalabasa, okra, sitaw, at bagnet
Kurso	Ulam
Lugar	Pilipinas
Kaugnay na lutuin	Lutuing Pilipino
Ihain nang	Mainit
Pangunahing Sangkap	Bagoong o alamang, gulay, isda, karne
Mga katulad	Dinengdeng
Mga midyang may kaugynayan sa Media: Pinakbet sa Wikimedia Commons

Mga gulay pampinakbet: ipinapakita ang ampalaya, kalabasa, okra, talong, sitaw, at sili

Ang tunay na pinakbet ng Bulacan (La Familia ng Baliuag)

Ang pinakbet o pakbet (Ingles: meat-vegetable stew) ay isang pagkaing Pilipino mula sa rehiyon ng Ilocos ng Pilipinas. Kabilang sa mga sangkap nito ang kamatis, sibuyas, bawang, talong, okra, ampalaya, kamote o kalabasa na may laman ng baboy o baka at gulay. Karaniwang ginigisa at pinakukuluan ang mga sangkap nito at sinasahugan ng bagoong bilang pampalasa. Ang salita ay pinaikling anyo ng salitang Ilokano na pinakebbet na may kahulugang "umikli" o "nalanta." Sa orihinal na Ilokanong baryante, ginagamit ang bagoong ng nangasim na monamon o iba pang isda, bilang sawsaw, habang sa katimugan, ginagamit ang bagoong alamang.

Karamihan sa mga gulay na ginagamit dito ay madaling hanapin at itinatanim sa mga bakuran at hardin ng mga Ilokanong sambahayan. Tulad ng imumungkahi ng pangalan nito, kadalasang niluluto ito hanggang maging halos tuyo; sa baryanteng Tagalog, pinapatingkad ng bagoong. Minsan, idinaragdag ang lechon, chicharon, o iba pang karne (kadalasan, karneng baboy).

Tingnan din

• Dinengdeng — isang salita ng ginagamit ng mga Ilokano para tumukoy sa anumang putaheng gulay. Kahit iba ito sa pinakbet, ginagamit din ang salitang ito para sa pinakbet. Magkakaiba itong dalawa sa pamamaraan ng pagluto at kahit sa mga sangkap.

Mga sanggunian

Ang lathalaing ito ay isang usbong. Makatutulong ka sa Wikipedia sa pagpapalawig nito.