Yohan Hwang
- Isa itong pangalang Koreano; ang apelyido ay Hwang.
Yohan Hwang 황요한 | |
---|---|
Kabatiran | |
Pangalan noong ipinanganak | 황요한 (Hwang Yo-han) |
Kapanganakan | [1] Goyang, Gyeonggi-do, Timog Korea | 27 Nobyembre 1995
Genre | K-pop, OPM, Ballad |
Taong aktibo | 2016–kasalukuyan |
Label | Star Music |
Pangalang Koreano | |
Hangul | 황요한 |
---|---|
Hanja | 黃耀漢 |
Binagong Romanisasyon | Hwang Yohan |
McCune–Reischauer | Hwang Yohan |
Si Yohan Hwang (ipinanganak 27 Nobyembre 1995) ay isang mang-aawit na Timog Koreano sa Pilipinas. Nagsimula ang kaniyang kasikatan pagkatapos niyang sumali at manalo sa unang kapanahunan ng I Love OPM.
Talambuhay[baguhin | baguhin ang wikitext]
Kasibulan at Edukasyon[baguhin | baguhin ang wikitext]
Ipinanganak si Hwang sa Seoul, Timog Korea noong 27 Nobyembre 1995. Mayroon siyang kuya at isang nakababatang kapatid na babae.[2] Noong 2014, lumipat ang kaniyang pamilya sa Pilipinas,[3] at saka niya ipinagpatuloy ang kaniyang pag-aaral sa De La Salle University.[4]
Karerang Panghimig[baguhin | baguhin ang wikitext]
2016: I Love OPM[baguhin | baguhin ang wikitext]
Isang araw sa isang kaganapan sa La Salle, inawit ni Hwang ang "Ako'y Sa'yo" ng Side A matapos na payuhan siya ng kaniyang kaibigan na magtanghal ng isang awiting Pilipino. Ang aklamasyong kaniyang natanggap ang siyang nagbigay sa kaniya ng kumpyansa at iyon ang nagbigay-tanda sa pagmamahal niya sa sa pag-awit.[4] Di-kalaunan, sumali siya sa programang pantelebisyon ng ABS-CBN na I Love OPM kung saan kalahok ang mga di-Pilipino at 100% dayuhan sa kompetensyang awitan, na tanging itatanghal ang mga awiting Pilipino lalo na sa uring Original Pilipino Music (OPM).[5] Noong awdisyon ng unang kapanahunan ng nasabing programa, na isina-himpapawid noong 6 Pebrero 2016, itinanghal ni Hwang ang "Ako'y Sa'yo at Ika'y Akin" ng bandang IAXE, na pinasikat ni Daniel Padilla. Binigyan siya ng tatlong aprobadong marka mula sa mga Himigration officers (mga tagahatol) na sila Toni Gonzaga, Lani Misalucha, at Martin Nievera, na binaggit na mayroong siyang tinig ng parang isang tunay na Pilipino, at maganda ang kaniyang naging rendisyon.[6]
Umabante si Hwang sa semi-finals matapos na tuloy-tuloy siyang nakatanggap ng matataas na puntos at mga puri mula sa mga tagahatol at mánonood. Kasama ni Harris Dio Smith, si Hwang ang naging kauna-unahang finalist na naka-abante sa finals pagkatapos na makakuha siya ng isa sa dalawang pinakamataas na boto mula sa mga mánonood sa estudyo. Sinamahan silang dalawa nila J Morning at Ryan Gallagher pagkatapos makakuha ng pagpayag mula sa mga tagahatol. Parehong taga Timog Korea na finalist na sina Hwang at J Morning.[7]
Noong grand finals na ginanap sa Resorts World Manila noong 13 Abril 2016, itinanghal ni Hwang ang "Huwag Ka Nang Umiyak" ni Gary Valenciano Liturgikon Vocal Ensemble. Iyon ang naging unang pagkakataon sa kabuuan ng programa na ipinamalas niya ang kaniyang ranggong pantinig (vocal range) sa halip na kaniyang kadalasang malambing at kagiliw-giliw na ballad na pangtanghal. Ipinaliwanag ni Hwang na napagpasyahan niyang itanghal ang isang magiting na balada dahil nais niyang ipakita at ipatunay sa mga kritiko na dibdiban siya sa kaniyang pag-awit.[4] Nanalo din naman siya laban sa tatlong ibang finalist matapos makatanggap ng 32.82% ng mga sama-samang boto mula sa mga tagahatol at madla.[8] Itinanghal siyang panalo sa katapusan ng kompetensya, na napanalunan ang halagang 2 milyong piso, isang taong kontrata para sa pagsasa-plaka sa Star Music, at isang vacation package sa Cebu.[9]
I Love OPM Season 1 - Mga Pagtanghal at Resulta | |||||
---|---|---|---|---|---|
Linggo | Awit | Orihinal na Artist | Petsa | Resulta | |
Gate 1: The Audition | "Ako'y Sa'Yo at Ika'y Akin"[10] | I-Axe | 27 Pebrero 2016 | Three Approved marks (Toni Gonzaga, Martin Nievera, Lani Misalucha) | |
Gate 2: The Bump-Off | "Nasa 'Yo Na Ang Lahat"[11] | Daniel Padilla | 12 Marso 2016 | Judges' choice (92.3%) | |
Gate 3: The Kababayan Bump-off | "Gusto Kita"[12] | Gino Padilla | 2 Abril 2016 | Kababayan's Choice | |
Gate 4: The Take Off | "I Believe"[13] | Jimmy Bondoc | 17 Abril 2016 | Kababayan's Choice (kasama ni Harris Dio Smith) | |
Gate 5: The Grand Destination (live performance) | "Huwag Ka Nang Umiyak"[14] (kasama ang Liturgikon Vocal Ensemble) |
Ebe Dancel | 23 Abril 2016 | Nanalo (32.82%) |
Talang-Palabas (Pilmograpiya)[baguhin | baguhin ang wikitext]
Telebisyon[baguhin | baguhin ang wikitext]
Taon | Pamagat ng Programa | Ginampanan | Himpilang Panghimpapawid |
---|---|---|---|
2016 | I Love OPM | Katimpalak | ABS-CBN |
Umagang Kay Ganda | Panauhin | ||
Tonight with Boy Abunda | Panauhin | ||
Gandang Gabi Vice | Panauhin | ||
Magandang Buhay | Panauhin | ||
It's Showtime | Panauhin |
Sanggunian[baguhin | baguhin ang wikitext]
- ↑ "EXCLUSIVE: Fun facts you should know about Korean heartthrob Yohan Hwang". ABS-CBN Push. Nakuha noong 18 May 2016.
- ↑ "I Love OPM Finale: Yohan Hwang Journey". YouTube. ABS-CBN Entertainment. Nakuha noong 18 May 2016.
- ↑ "TWBA: Why did Yohan Hwang follow his parents to the Philippines?". YouTube. ABS-CBN Entertainment. Nakuha noong 18 May 2016.
- ↑ 4.0 4.1 4.2 Choa, Kane Errol. "Grand Touristar Yohan Hwang loves OPM". philstar. The Philippine Star. Nakuha noong 18 May 2016.
- ↑ Salterio, Leah. "The OPM-loving foreigners". philstar. The Philippine Star. Nakuha noong 18 May 2016.
- ↑ "Yohan Hwang – Ako'y Sa'Yo, Ika'y Sa Akin by I-Axe". ABS-CBN. Nakuha noong 18 May 2016.
- ↑ Tuazon, Nikko. "Meet the Top 4 of I Love OPM, which will end this Sunday". Pep.ph. Nakuha noong 18 May 2016.
- ↑ Lastrilla, Gary Ann. "Korean student Yohan Hwang wins "I Love OPM"". ABS-CBN Push. Nakuha noong 18 May 2016.
- ↑ Salterio, Leah. "Korean is I Love OPM winner". philstar. The Philippine Star. Nakuha noong 18 May 2016.
- ↑ "I Love OPM: Yohan Hwang – Ako'y Sa'Yo, Ika'y Sa Akin by I-Axe". YouTube. ABS-CBN Entertainment. Nakuha noong 18 May 2016.
- ↑ "The Bump Off: Yohan Hwang – Nasa Sayo Na Ang Lahat by Daniel Padilla". YouTube. ABS-CBN Entertainment. Nakuha noong 18 May 2016.
- ↑ "The Kababayan Bump Off: Yohan Hwang – "Gusto Kita" by Ronnie Liang". YouTube. ABS-CBN Entertainment. Nakuha noong 18 May 2016.
- ↑ "The Take Off: Yohan Hwang – "I Believe" by Jimmy Bondoc". YouTube. ABS-CBN Entertainment. Nakuha noong 18 May 2016.
- ↑ "I Love OPM Finale: Yohan Hwang – "Huwag Ka Nang Umiyak" by Gary Valenciano". YouTube. ABS-CBN Entertainment. Nakuha noong 18 May 2016.