Bangko ng Kapuluang Pilipinas

Mula sa Wikipediang Tagalog, ang malayang ensiklopedya
Jump to navigation Jump to search
Bangko ng Kapuluang Pilipinas
Bank of the Philippine Islands
UriPubliko (PSE: BPI)
ItinatagMaynila, Pilipinas (1851)
Punong tanggapanLungsod ng Makati, Pilipinas
Mga mahahalagang taoJaime Augusto Zobel de Ayala II, Tagapangulo
Aurelio R. Montinola III, Pangulo
IndustriyaPananalapi at Seguro
ProduktoSerbisyong pananalapi
KitaPHP 6.668 bilyon (Green Arrow Up.svg17%) (2004) [1]
Mga Manggagawa10,425
Websaytwww.bpi.com.ph

Ang Bangko ng Kapuluang Pilipinas (Ingles: Bank of the Philippine Islands, Kastila: Banco de las Islas Filipinas; dinadaglat bilang BPI)[1] ay ang pinakamatandang bangko sa Pilipinas na bukas pa para sa operasyon at ang ikatlong pinakamalaking bangko sa Pilipinas, kasunod ng Metrobank at Banco de Oro. Ang nagmamay-ari ng bangkong ay ang Ayala Corporation at nakabase ito sa Sentrong Distrito ng Pangangalakal ng Lungsod ng Makati, sa panulukan ng Abenida Ayala at Paseo de Roxas.

Pinakamatandang bangko rin sa buong Timog-silangang Asya ang BPI at mayroong mahaba at natatanging kasaysayang sumasakop sa mahigit na isang dantaon. Ito ay naimpluwensiyahan o malaki ang naging impluwensiya ng ibang mga bansa, kasama na ang ilang dating nasasakop ng Imperyong Espanyol, lalo na ng Mehiko, at nang Estados Unidos.

Nauna rin ang BPI sa konsepto ng pagbabangko para sa mga magsasaka (rural banking) sa Pilipinas, dahil ang mga operasyon ng BPI sa ganung operasyon ay nauna sa buong Pilipinas, bago nagkaroon ng mga bangko para sa ganung uri ng kliyente, tulad ng Land Bank of the Philippines. Sa kasalukuyan, mayroong 831 na sangay ang BPI, at marami sa mga sangay na ito ay galing sa panahon ng mga Kastila o ng mga Amerikano. Ito ay isa sa mga pinamalaking kabalagan (network) ng mga sangay ng buong industriya.

Nakakuha na ang bangko ng maraming gawad galing sa mga magasing pang-pananalapi, tulad ng Euromoney at ng Far Eastern Economic Review. Ang pinakabagong gawad na nakuha ng BPI ay para sa pinakamagaling na bangko noong 2005.

Talasanggunian[baguhin | baguhin ang batayan]

  1. "LIST OF INSTITUTIONS/ASSOCIATIONS/ORGANIZATIONS INSTALLED WITH HISTORICAL MARKERS" (PDF). Pambansang Komisyong Pangkasaysayan ng Pilipinas. 16 Enero 2012. Hinango noong 11 Setyembre 2014.

Mga kawing panlabas[baguhin | baguhin ang batayan]