Daang Tagudin–Cervantes–Sabangan

Daang Tagudin–Cervantes–Sabangan Tagudin–Cervantes–Sabangan Road
Daang Mountain Province–Ilocos Sur (Mountain Province–Ilocos Sur Road)
Impormasyon sa ruta
Pinangangasiwaan ng Kagawaran ng Pagawaing Bayan at Lansangan
Haba	98 km (61 mi)
Bahagi ng	N205
Pangunahing daanan
Dulo sa silangan	N204 (Lansangang Halsema) sa Sabangan
	Daang Cervantes–Mankayan–Abatan / Daang Cervantes–Quirino sa Cervantes
Dulo sa kanluran	N2 (Lansangang MacArthur) sa Tagudin
Lokasyon
Mga lawlawigan	Lalawigang Bulubundukin, Ilocos Sur
Mga bayan	Sabangan, Bauko, Tadian, Cervantes, Suyo, Tagudin
Sistema ng mga daan
Mga daanan sa Pilipinas Mga lansangan Mga mabilisang daanan Talaan ← N204 N206 →

Ang Daang Tagudin–Cervantes–Sabangan (Ingles: Tagudin–Cervantes–Sabangan Road, kilala rin bilang Daang Mountain Province–Ilocos Sur) ay isang 98 kilometro (o 61 milyang) pambansang lansangan sa hilagang Luzon, Pilipinas na nag-uugnay ng mga lalawigan ng Ilocos Sur at Lalawigang Bulubundukin.

Itinalaga ang kabuoang daan bilang Pambansang Ruta Blg. 205 (N205) ng sistema ng lansangang bayan sa Pilipinas.

Paglalarawan ng ruta

Nagsisimula ang daan sa tagpuan ng Lansangang Halsema sa Sabangan, Lalawigang Bulubundukinbilang silangang dulo nito. Dumadaan ito sa mga bayan ng Bauko at Tadian bago pumasok sa lalawigan ng Ilocos Sur. Ang mga katangian nito ay maraming mga kurbadang hugis-U (hairpin curves) sa mga bahaging matarik (lalo na sa Cervantes) sa kahabaan ng bulubunduking ruta sa loob ng Kabundukan ng Cordillera. Habang nasa daan, nagbibigay ito ng daang papasok sa Likas na Bantayog ng Pasong Bessang na matatagpuan sa pinakamataas na dako ng daan bago tumungo sa mga kapatagan ng lalawigan. Nagtatapos ang daan sa tagpuan nito sa Lansangang MacArthur (tinatawag ding Manila North Road) sa Tagudin.