Linarang

Linarang

Linarang na bakasi, na gawa sa mga maliliit na igat
Ibang tawag	nilarang, larang, gilarang
Kurso	Ulam
Lugar	Pilipinas
Rehiyon o bansa	Gitnang Kabisayaan
Ihain nang	Mainit
Pangunahing Sangkap	isda, bawang, kamatis, sibuyas, tawsi, hilaw na mangga o kamias, sili, gata
Mga midyang may kaugynayan sa Media: Linarang sa Wikimedia Commons

Ang linarang, na kilala rin bilang larang o nilarang, ay Pilipinong nilagang isda na nagmula sa kapuluan ng Gitnang Kabisayaan. Ito ay gawa sa mga isda na nasa maanghang at maasim na sabaw na may gata na may kasamang bawang, sibuyas, kamatis, tawsi, sili, at maaasim na prutas.

Etimolohiya

Ang pangalang linarang o nilarang (lit. "ginawang larang "), ay ang kinabitang anyo ng pandiwang larang sa Sebwano na nangangahulugang "ilaga sa gata at pampaanghang". Dati, magkasingkahulugan ang salita sa ginataan (ginat-an o natutunan sa Sebwano), ngunit sa kalaunan ay tumutukoy lamang sa ulam na ito.

Paglalarawan

Inihahanda ang nilarang sa paggisa ng isda na may bawang, sibuyas, at kamatis. Pagkatapos, idinaragdag ito sa sabaw na may tawsi, sili, at pampaasim. Ang karaniwang pampaasim nito ay hilaw na mangga, sampalok, o kamias (iba), ngunit maaari ring gumamit ng anumang maasim na prutas.

Mga uri

Nag-iiba-iba ang linarang depende sa uri ng isda na ginamit. Ang mga pinakamadalas na ginagamit ay loro ( molmol o isda sa bato), pagi, malasugui, tasik, at tanguigue.

Isang natataging uri mula Cordova, Cebu ay linarang na bakasi o nilarang bakasi na gawa sa mga bakasi; lalo na sa Gymnothorax richardsonii, na masagana sa mga tubig sa lungsod. Tinutukoy ang mga igat bilang "baby eels" (batang igat) sa wikang Ingles dahil sa kanilang laki, kahit adultong-hustong gulang na sila.

Tingnan din

• Inun-unan
• Sinampalukan
• Sinigang
• Pinangat na isda