Pumunta sa nilalaman

Padala

Mula sa Wikipedia, ang malayang ensiklopedya
(Idinirekta mula sa Padalahan ng pera)
Isang padalahan ng pera sa Hong Kong, Tsina, na nagbibigay rin ng serbisyo bilang palitan ng pera.

Ang padala (Ingles: remittance) ay paglilipat ng pera, kadalasan ng isang manggagawang dayuhan patungo sa indibidwal sa kanyang inang bayan. Ang padalahan ng pera[1] (Ingles: remittance center, money transfer center) ay ang pook kung saan nagmumula ang padalang pera ng isang tao mula sa isang malayong lugar. Bukod sa pagiging lugar para sa pagpapadala ng pera, dito rin maaaring kuhanin ng isang taong pinadalhan ang salaping ipinadala.[2] Maaari itong isang tanggapan na para lamang sa layuning ito o natatangi para sa ganitong gawain, ngunit maaari ring isang bangko, may kaugnayan o pinamamahalaan ng isang bangko.

Nakikipagkumpitensya ang napapadalang pera sa pandaigdigang tulong bilang isa sa mga pinakamalaking pagdagsang pinansyal sa mga bansang umuunlad. Makabuluhang bahagi ang mga padala ng mga manggagawa ng pandaigdigang daloy ng kapital, lalo na may kinalaman sa mga bansang nagluluwas ng manggagawa.[3]

Ayon sa Bangkong Pandaigdig noong 2018, lumago ang kabuuang pandaigdigang padala nang 10% patungo sa US$689 bilyon, kabailang ang US$528 bilyon sa mga bansang umuunlad.[4] Inaasahang lalago pa ang kabuuang pandaigdigang padala nang 3.7% patungo sa US$715 bilyon sa 2019, kabilang ang US$549 bilyon sa mga bansang umuunlad.[4]

Dahil sa kanyang malaking diaspora at populasyon ng ekspat sa ibayong-dagat, ang Indya ay sunud-sunod na nananatiling una sa pagtanggap ng padala, hal. US$80 bilyon noong 2018,[4] US$65.3 bilyon (2.7% ng GDP ng India) noong 2017,[4] US$62.7 bilyon noong 2016[4] at US$70 bilyon noong 2014,[5] Ang mga ibang nangungunang tumatanggap noong 2018 ay US$67 bilyon sa Tsina, US$34 bilyon sa Pilipinas at Mehiko rin, US$26 bilyon sa Ehipto.[4]

Pandaigdigang lawak

[baguhin | baguhin ang wikitext]

Lumalaki nang lumalaki ang papel ng mga padala sa mga ekonomiya ng mararaming bansa. Nakatutulong sila sa pag-unlad ng ekonomiya at sa kabuhayan ng mga bansang iyon. Ayon sa mga tantya ng Bangkong Pandaigdig, magiging US$573 bilyon ang kabuuan in 2019, kung saan US$422 bilyon[3] ay pumunta sa mga bansang umuunlad na may kinalaman ang 250 milyon migranteng manggagawa.[6] Sa iilang mga indibidwal na bansang tumatanggap, maaaring maging kasingtaas ng isang-katlo ng kanilang GDP.[6]

Malaki ang epekto ng mga pandaigdigang padala sa mga ekonomiyang umuunlad ng mundo. Pumupunta ang karamihan ng padala, $441 billion in 2015, sa mga bansang umuunlad. Itong halaga ay halos triple ng $131 bilyon ng pandaigdigang Opisyal na Tulong sa Pag-unlad.[7] Para sa karamihan ng mga bansang umuunlad, bumubuo ang mga padala ng makabuluhang bahagi ng kanilang ekonomiya, kadalasang tumatanggap ng halos 10% ng kanilang GDP sa padala bawat taon.[7]

Pangunahing bansang tumatanggap

[baguhin | baguhin ang wikitext]
Pangunahing bansang tumatanggap ng padala (sa bilyun-bilyon US dolyar)[8][9]
Bansa 2012 2013 2014 2015 2016 2017
 India 68.82 69.97 70.97 72.20 62.7 69
 Tsina 57.99 59.49 61.49 63.90 61.0 64
 Pilipinas 24.61 26.70 27.90 29.80 29.9 33
 Mexico 23.37 23.02 24.50 25.70 28.5 31
 Niherya 20.63 20.89 20.88 20.89 19.0 22
 Pakistan 14.01 14.63 17.80 20.10 19.8 20
 Egypt 19.24 17.83 19.83 20.40 16.6 20
 Vietnam 10.00 11.00 11.80 12.30 13.4 14
 Bangladesh 14.24 13.86 15.10 15.80 13.7 13
   Nepal 5.88 6.01 5.29 5.8 6.40 6.68

Paalala: Ang mga bansang ibinanggit sa ibaba ay ang 15 pinakamalaking bansang tumatanggap ng padala lamang sa taong 2013. Ginagamit ang mga datos ng Bangkong Pandaigdig para sa lahat ng bansas at taon.

Bilang bahagi ng GDP, ang mga pangunahing tumatanggap ng padala noong 2013 ay ang Timor-Leste (16.6%), Tajikistan (42.1%), Kyrgyzstan (31.5%), Nepal (28.8%), Moldova (24.9%), Lesotho (24.4%), Samoa (23.8%), Haiti (21.1%), Armenya (21.0%), Gambia (19.8%), Liberia (18.5%), Lebanon (17.0%), Honduras (16.9%), El Salvador (16.4%), Kosovo (16.1%), Jamaica (15.0%) at Bosnia at Herzegovina (8.82% na 1.540 bilyon $ para sa 2017 sa halaga ng palitan ng € at US$ noong 31 December 2017).[8][10]

Pangunahing operador

[baguhin | baguhin ang wikitext]

Ang industriyang padala ay kinaugaliang napangibabawan ng Western Union, habang gumaganap ang mga ibang kumpanya tulad ng MoneyGram ng mahalagang papel nang maraming dekada. Noong dekada 2010, pumasok ang mararaming fintech startup, lalo na ang TransferWise, WorldRemit, at Remitly sa merkadong online ng padala at nakabuo ng pakikitagis sa merkadong kinaugaliang napangibabawan ng Western Union.[11]

Narito ay listahan ng mga pangunahing tagabigay ng padala na niranggo ayon sa kabuuang tawid-hangganang dami, noong pagsapit ng ikalawang sangkapat ng 2019:[11]

  1. Western Union
  2. TransferWise
  3. Finablr
  4. Ria Money Transfer
  5. MoneyGram
  6. Xoom
  7. Remitly
  8. WorldRemit
  9. Small World
  10. Azimo

Nakatuon ang bawat kumpanya sa mga iba't ibang base ng mamimili. Ang TransferWise ay naging pinakamabilis na startup sa paglipat ng pera ayon sa kabuuang taunang dami ng nalipat, at nakatuon sa paglilipat ng pera sa pagitan ng mga kuwenta sa bangko, lalo na sa mga bansang maunlad. Nagtatag ang Ria Money Transfer ng pagkanaririto sa mga nananalita ng Kastila sa Hilagang Amerika at Espanya. Ang WorldRemit ay may mas malaking hatian ng Aprikanong migrante sa buong mundo, habang nakatuon ang Azimo sa merkado ng Europa na may pagpapahalaga sa mga komunidad ng migrante. Ang mga kumpanya tulad ng WorldRemit, Remitly, at Azimo ay may mas mababang balasak ng halagang napapadala dahil sa mas malaki ang bahagi ng migranteng trabahador na gumagamit ng kanilang mga serbisyo. Karamihan sa mga tatanggap ng padala ay gumagamit ng cash pickup at mobile money, kahit gumagamit ang mga nagpapadala ng mga digital platform para makapagpadala.[11][12]

Kahit nagkasari-sari ang mga hatian ng merkado ng padala noong pagdating ng mga "fintech" (financial technology startups) na pampadala noong dekada 2010, patuloy na nangingibabaw ang Western Union, at sa kanya ang karamihan ng hatian ng merkado ng padala.[13] Mula noong pagdating ng fintech, maraming digital padala ang lumitaw sa eksena na humantong sa paglitaw ng mga pagbangon ng mga magkatulad na plataporma o agregador tulad ng FXcompared at Monito sa Europa at Send4x sa Timog-silangang Asya.[14]

Ayon sa rehiyon

[baguhin | baguhin ang wikitext]

Ang Estados Unidos ay naging pangunahing pinanggalingan ng padala sa buong mundo bawat taon mula 1983. Sinusundan ito ng Rusya, Saudi Arabia, at Suwisa mula noong 2007.[8]

Asya

[baguhin | baguhin ang wikitext]

Karamihan ng naipapadala ay pumunta sa mga Asyanong bansa tulad ng Indya (halos US$62.7 bilyon noong 2016), Tsina (halos US$61.0 bilyon noong 2016), Pilipinas (halos US$29.9 bilyon noong 2016), Pakistan (US$19.8 bilyon noong 2016) at iba pa.[15]

Nagaganap ang karamihan ng mga padala sa pamamagitan ng mga kagawiang lagusan ng mga ahente, tulad ng Western Union, Ria Money Transfer, MoneyGram, UAE Exchange, at mga katulad nito. Gayunpaman, dahil sa pagtataas ng kahalagahan at naaabutan ng Internet, makabuluhan ang pagtaas ng mga online at mobile phone money transfers.[16]

Indya

[baguhin | baguhin ang wikitext]
Ang Edad Medyang Hundi ay isang sistema ng padala na nagmula sa Indya. Isang hundi para sa Rs 2500 ng 1951 na naselyuhan sa Lalawigan ng Bombay ng selyo ng kitambayan.

Ang Indya ang pangunahing tagatanggap ng padala sa mundo na kumukuha ng 12% ng padala ng mundo noong 2015.[17][18] Ang mga Indyano na nakatira sa ibang bansa ang pinakamalaking diaspora ng mundo. Ayon sa Ministro ng Gawaing Indyano sa Ibang Bansa (MOIA), natatanggap ang mga padala mula sa halos 35 milyon miyembro ng Indyanong diaspora.[19] Ang padala sa Indya ay $68.968 bilyon noong 2017 at ang padala mula sa Indya patungo sa ibang bansa ay bumuo ng $5.710 billion, kaya may netong pagdagsa ng $63.258 bilyon noong 2017.[20][21][22]

Hordan

[baguhin | baguhin ang wikitext]

Nakaranas ng mabilis na paglago ang daloy ng padala patungo sa Hordan noong mga dekada 1970 at 1980 kung kailan nagsimulang magluwas ang Hordan ng mga dalubhasang manggagawa sa Persyanong Golpo. Kumakatawan ang mga padala ng mahalagang magpagkukunan ng pondo para sa mga bansang umuunlad, kabilang ang Hordan.[23] Ayon sa datos ng Bangkong Pandaigdig ukol sa padala, nang may halos US$3 bilyon noong 2010, niranggo ang Hordan bilang ika-10 sa lahat ng mga bansang umuunlad. Niranggo rin ang Hordan bilang bahgi ng pangunahing 20 tumatanggap ng padala para sa nakaraang dekada. Bilang karagdagan, ipinapahayag ng estadistika ng Arabeng Pondong Pananalapi (AMF) na Hordan ang ikatlong pinakamalaking tumatanggap ng padala sa lahat ng Arabeng bansa pagkatapos ng Ehipto at Lebanon. Ang mga pinagdarausang bansa na nakatanggap ng karamihan ng mga Hordanong ekspatriado ay Saudi Arabia at Nagkakaisang Arabong Emirato. Ipinapahayag ng makukuhang datos na nagtatrabaho ang halos 90% ng Hordanong migrante as Persyanong Golpo.[24]

Pilipinas

[baguhin | baguhin ang wikitext]
Ang mga pawnshops ay mga karaniwang lugar upang makapagpadala at makatanggap ng padala sa Pilipinas.

Ayon sa isang pagsusuri ng Bangkong Pandaigdig,[25] ang Pilipinas ay ang pangalawang pinakamalaking tumatanggap ng padala sa Asya. Tinantya noong 1994 na nagpadala ang mga migrante ng higit sa US$2.6 bilyon pabalik sa Pilipinas sa pamamagitan ng mga pormal na sistemang pagbabangko. Kapag idaragdag ang perang ipinadala sa pamamagitan ng pribadong kumanya ng pananalapi at mga balikbayan, mas malapit ang kabuuan ng 1994 sa US$6 bilyon bawat taon.[26]

Ipinapalagay na lumaki ang kabuuan ng 7.8 porsyento bawat taon para makaabot sa US$21.3 bilyon noong 2010. Ang padala ay mahalagang pinanggaling ng kitambayan para sa Pilipinas na nananagot para sa 8.9 porsyento ng GDP ng bansa.[27]

Idineklara ito ng pamahalaang Estrado noong 2000 bilang "Ang Taon ng OFW bilang Pagkilala sa Pagpupunyagi at Kataas-taasang Sakripisyo ng mga OFW". Kinokonekta ng deklarasyon ang perang ipinadala ng mga manggagawa sa ibayong-dagat bilang pangunahing kita ng banyagang pera sa Pilipinas.[26]

Amerikang Latino at Karibe

[baguhin | baguhin ang wikitext]

Sa Amerikang Latino at Karibe, mahalaga ang papel ng padala sa ekonomiya ng rehiyon, na bumubuo ng higit sa US$66.5 bilyon noong 2007; nagmula ang halos 75% sa Estados Unidos. Kumakatawan ang kabuuan nito ng higit sa kabuuan ng dayuhang direktang pamumuhunan at opisyal na abuloy pampaunlad kung pinagsama. Sa katunayan, sa pitong bansa sa Amerikang Latino at Karibe, nanagot para sa higit sa 10% ng GDP at humihigit sa dagsa-dolyar ng pinakamalaking produktong iniluluwas sa halos lahat ng bansa sa rehiyon.[28]

Ang mga porsyento ay mula 2% sa Mehiko, 18% sa El Salvador, 21% sa Honduras, at hanggang 30% sa Haiti.[29] Ang Pondong Multilateral sa Pamumuhunan ng Inter-Amerikanong Bangko (IDB-MIF) ay naging pangunahing ahensya sa pananaliksik sa panrehiyong padala.[28]

Nakatanggap ang Mehiko ng dagsa-padala ng halos US$24 bilyon noong 2007, 95% nito ang nagmula sa Amerika.

Tingnan din

[baguhin | baguhin ang wikitext]

Mga sanggunian

[baguhin | baguhin ang wikitext]
  1. ↑ Ginamit mula sa sangguniang ito ang pariralang "padalahan ng pera" Naka-arkibo 2009-03-09 sa Wayback Machine., NYBayRemit.com
  2. ↑ Gaboy, Luciano L. Batay sa remittance, padalang pera, pagpapadala ng pera - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
  3. ↑ 3.0 3.1 Al-Assaf, Ghazi and Al-Malki, Abdullah M., (2014), Modelling the Macroeconomic Determinants of Workers’ Remittances: The Case of Jordan, International Journal of Economics and Financial Issues, Vol. 4, issue 3, p. 514-526.
  4. ↑ 4.0 4.1 4.2 4.3 4.4 4.5 India to retain top position in remittances with $80 billion: World Bank, Economic Times, 9 Dec 2018.
  5. ↑ Capital Market (14 Abril 2015). "India receives top remittance of US$ 70 billion in 2014: World Bank". Business Standard India. Nakuha noong 16 Hunyo 2015.{{cite news}}: CS1 maint: date auto-translated (link)
  6. ↑ 6.0 6.1 "Remittances to Developing Countries Expected to Grow at Weak Pace in 2016 and Beyond". worldbank.org. 6 Oktubre 2016. Nakuha noong 31 Oktubre 2016.{{cite web}}: CS1 maint: date auto-translated (link)
  7. ↑ 7.0 7.1 "Understanding the Importance of Remittances". migrationpolicy.org (sa wikang Ingles). 2004-10-01. Nakuha noong 2017-05-03.{{cite news}}: CS1 maint: date auto-translated (link)
  8. ↑ 8.0 8.1 8.2 "Prospects - Migration & Remittances Data". Inarkibo mula sa orihinal noong 2018-04-26. Nakuha noong 1 Abril 2018.{{cite web}}: CS1 maint: date auto-translated (link)
  9. ↑ "Remittances Data" (PDF). Nakuha noong 12 Ene 2016.{{cite web}}: CS1 maint: date auto-translated (link)
  10. ↑ "Doznake iz inostranstva prošle godine 2,51 mlrd KM". Indikator.ba. Inarkibo mula sa orihinal noong 20 Abril 2018. Nakuha noong 19 Abril 2018.{{cite web}}: CS1 maint: date auto-translated (link)
  11. ↑ 11.0 11.1 11.2 "Money Transfer Startups: race against time?". Save on Send. Agosto 29, 2019. Nakuha noong Oktubre 10, 2019.{{cite web}}: CS1 maint: date auto-translated (link)
  12. ↑ "Why Banks May Not Be the Best Place to Convert Currency". Wall Street Journal. 2018-08-05. Nakuha noong 2020-01-07.{{cite news}}: CS1 maint: date auto-translated (link) CS1 maint: url-status (link)
  13. ↑ "Western Union: permanent leader of international money transfer?". SaveOnSend. Setyembre 7, 2019. Nakuha noong Oktubre 10, 2019.{{cite web}}: CS1 maint: date auto-translated (link)
  14. ↑ "Singapore-Based Fintech Launches Remittance Comparison Site". finews.asia. Nakuha noong 2019-12-24.{{cite news}}: CS1 maint: date auto-translated (link) CS1 maint: url-status (link)
  15. ↑ "Top 5 remittance-receiving countries for 2016". TransferMate Blog. 13 Hunyo 2017. Inarkibo mula sa orihinal noong 25 Pebrero 2020. Nakuha noong 25 Pebrero 2020.{{cite web}}: CS1 maint: date auto-translated (link) Naka-arkibo 25 February 2020[Date mismatch] sa Wayback Machine.
  16. ↑ "MIGRATION AND REMITTANCES 2016" (PDF). worldbank.org.
  17. ↑ "International Migration at All-Time High". The World Bank. 18 Disyembre 2015. Nakuha noong 27 Mayo 2016.{{cite web}}: CS1 maint: date auto-translated (link)
  18. ↑ "Pakistan 4th largest source of remittances to India". The Business Standard. 24 Disyembre 2015. Nakuha noong 27 Mayo 2016.{{cite web}}: CS1 maint: date auto-translated (link)
  19. ↑ "Remittances from Indian diaspora on the rise". The Economic Times. Peb 19, 2014. Inarkibo mula sa orihinal noong 2015-10-05. Nakuha noong 2014-02-23.{{cite web}}: CS1 maint: date auto-translated (link)
  20. ↑ "Remittance flows by country 2017". Pew Research Center. Nakuha noong 7 Abril 2019.{{cite web}}: CS1 maint: date auto-translated (link)
  21. ↑ "Remittances from Indians abroad push India to the top". www.nrirealtynews.com. 2007-10-22. Nakuha noong 2009-03-14.{{cite web}}: CS1 maint: date auto-translated (link)
  22. ↑ Gupta, Poonam (2005-12-01). Macroeconomic Determinants of Remittances: Evidence from India. International Monetary Fund. ISBN 9781451862430. Nakuha noong 2009-03-14.{{cite book}}: CS1 maint: date auto-translated (link)
  23. ↑ Al-Assaf, G. (2012), Workers' Remittances in Jordan, LAMBERT Academic Publishing, Germany.
  24. ↑ Al-Assaf, G. and Al-Malki, A., (2014), Modelling the Macroeconomic Determinants of Workers’ Remittances: The Case of Jordan, International Journal of Economics and Financial Issues, Vol. 4, issue 3, p. 514-526.
  25. ↑ "World Bank - Migration and Development Brief 13" (PDF).
  26. ↑ 26.0 26.1 Pratt, Geraldine. Working Feminism. p. 40.
  27. ↑ Huang; Yeoh; Rahman. "Caring for the World: Filipino Domestic Workers Gone Global". Asian Women as Transnational Domestic Workers. pp. 21–53. {{cite book}}: |journal= ignored (tulong)
  28. ↑ 28.0 28.1 "IADB.org - Page not found (HTTP 404)". Inarkibo mula sa orihinal noong 2017-07-24. Nakuha noong 2020-03-10. {{cite web}}: Cite uses generic title (tulong)CS1 maint: date auto-translated (link) Naka-arkibo 2017-07-24 sa Wayback Machine.
  29. ↑ Hawley, Chris (Hulyo 10, 2009). "With USA in a recession, rural Mexico feels the pain". USA Today. Nakuha noong Oktubre 12, 2009.{{cite news}}: CS1 maint: date auto-translated (link)


Kinuha sa "https://tl.wikipedia.org/w/index.php?title=Padala&oldid=2136786"