Pambansang Demokratikong Hanay ng Pilipinas
| Pambansang Demokratikong Hanay ng Pilipinas | |
|---|---|
 | |
| Mga petsa ng operasyon | Abril 24, 1973 – kasalukuyan |
| Mga aktibong rehiyon | Pilipinas |
| Ideolohiya | Komunismo Pambansang demokrasya Marxismo–Leninismo–Maoismo Makakaliwang pagkamakabansa Kontra-imperyalismo |
| Websayt | ndfp.org |
Ang Pambansang Demokratikong Hanay ng Pilipinas (Daglat sa Filipino: PDHP; Ingles: National Democratic Front of the Philippines; Daglat sa Ingles: NDFP) ay isang koalisyon ng mga panghimagsikang organisasyong panlipunan at ekonomiko, unyong agrikultural, samahang manggagawa, pangkat ng karapatang katutubo, makakaliwang partidong pampulitika, at iba pang kaugnay na pangkat sa Pilipinas. Kabilang ito sa mas malawak na kilusang para sa pambansang demokrasya at isa sa mga pangunahing kasapi sa rebelyong komunista sa bansa kasama ang Partido Komunista ng Pilipinas at Bagong Hukbong Bayan. Ipinahayag ito bilang isang teroristang organisasyon ng pamahalaan ng Pilipinas noong 2021 sa pamamagitan ng Sangguniang Kontra-Terorismo.[1][2][3]
Kasaysayan
[baguhin | baguhin ang wikitext]Bago ang paglikha ng NDF, marami sa mga kaakibat na samahan na ay matagal nang umiiral, tulad ng Kabataang Makabayan at Malayang Kilusan ng Bagong Kababaihan, na pinagsama ang maraming miyembro ng kabataan, kababaihan, magsasaka at manggagawa para sa isang rebolusyonaryong pambansa-demokratikong layunin. Noong 1971, nabuo ang Preparatory Commission para sa Pambansang Demokratikong Prente, sa ilalim ng inisyatiba ng Partido Komunista ng Pilipinas, upang mapagsama ang lahat ng iba't ibang mga rebolusyonaryong organisasyon na pinilit mag-underground sa panahon ng Batas Militar.[4]
Pormal na inilathala ng Preparatory Commission ang isang Ten Point Program noong Abril 24, 1973, na minarkahan ang pagtatatag ng NDF bilang isang "rebolusyonaryong nagkakaisang prente ng mamamayang Pilipino na nakikipaglaban para sa pambansang kalayaan at para sa demokratikong karapatan ng mga tao." Mula pa nang itinatag ito, ang NDF ay nagsilbi bilang pulitikang kinatawan ng PKP, at nagtatayo ng mga ugnayang diplomatiko sa ibang bansa at kumakatawan sa mga negosasyong pangkapayapaan. Kasama sa pangunahing gawain nito ang pagpapalawak ng gawaing pampulitika sa mga lungsod sa pamamagitan ng welga ng mga manggagawa, boycott at protesta, at aktibong pagtulong sa rebolusyon sa kanayunan.[5]
Ipinagpatuloy ng NDF ang kanilang gawain sa iba't ibang sektor ng lipunang Pilipino, na madalas na tumanggi at tumutol laban sa iba't ibang mga batas at programa ng pag-unlad na itinuturing nilang nagpapalala ng "pangunahing problema ng masa" kasama ang CARP, Philippines 2000, Visiting Forces Agreement at mga programang kontra rebelyon.[6]
Mga layunin
[baguhin | baguhin ang wikitext]Pinagtibay ng NDFP ang sumusunod na 12-point program upang maisakatuparan ang "pambansang pagpapalaya at demokrasya [na] naglalayong magbigay ng isang malawak na batayan ng pagkakaisa para sa lahat ng mga panlipunang klase, sektor, grupo at indibidwal na mga Pilipino dito at sa ibang bansa na nagnanais ng tunay na pambansang kalayaan at demokrasya, pangmatagalang kapayapaan at isang progresibong Pilipinas.":[7][8]
- Pagkaisahin ang mga tao para sa pagpapabagsak ng sistemang semi-kolonyal at semi-pyudal sa pamamagitan ng digmaang bayan at para sa pagkumpleto ng pambansa-demokratikong rebolusyon.
- Magtatag ng isang demokratikong republikang bayan at isang demokratikong gobyernong koalisyon.
- Buuin ang rebolusyonaryong hukbo ng bayan at ang sistema ng depensa ng bayan.
- Itaguyod at isulong ang demokratikong karapatan ng mamamayan.
- Tapusin ang lahat ng hindi pantay na relasyon sa Estados Unidos at iba pang mga dayuhang nilalang.
- Ipatupad ang tunay na repormang agraryo, itaguyod ang kooperasyon ng agrikultura, itaas ang produksiyon sa bukid at trabaho sa pamamagitan ng pag-unlad ng makabagong agrikultura at industriyalisasyon sa bukid at matiyak ang pagpapanatili ng agrikultura.
- Masira ang pinagsamang pangingibabaw ng US at iba pang mga imperyalista, malalaking kumprador at panginoong maylupa sa ekonomiya. Isakatuparan ang pambansang industriyalisasyon at magtayo ng isang malaya at mapagkakatiwalaang ekonomiya.
- Gumamit ng isang komprehensibo at progresibong patakaran sa lipunan.
- Itaguyod ang isang nasyonal, pang-agham at makabayang kultura.
- Itaguyod ang mga karapatan sa pagpapasiya sa sarili at demokrasya ng mamamayang Moro, mga mamamayan ng Cordillera at iba pang mga pambansang minorya o katutubong mamamayan.
- Isulong ang rebolusyonaryong paglaya ng mga kababaihan sa lahat ng katayuan.
- Gumawa ng isang aktibo, malaya at mapayapang patakaran sa panlabas.
Mga miyembro-organisasyon
[baguhin | baguhin ang wikitext]Kasama sa prente ay mga sumusunod:[9]
- Partido Komunista ng Pilipinas (PKP)[10]
- Bagong Hukbong Bayan (BHB)[10]
- Moro Resistance and Liberation Organization (MRLO)[11]
- Kabataang Makabayan (KM)[10]
- Revolutionary Council of Trade Unions (RCTU)
- Pambansang Katipunan ng Mambubukid (PKM)
- Malayang Kilusan ng Bagong Kababaihan (MAKIBAKA)
- Christians for National Liberation (CNL)
- Katipunan ng Gurong Makabayan (KAGUMA)
- Makabayang Samahan Pangkalusugan (MASAPA)
- Liga ng Agham para sa Bayan (LAB)
- Lupon ng Manananggol para sa Bayan (LUMABAN)
- Artista at Manunulat para sa Sambayanan (ARMAS)
- Makabayang Kawaning Pilipino (MKP)
- Revolutionary Organization of Overseas Filipinos and their Families (COMPATRIOTS)
- Cordillera People's Democratic Front (CPDF)
- Rebolusyonaryong Organisasyon ng mga Lumad (ROL)
- Katipunan ng mga Samahang Manggagawa (KASAMA)
Mga Sanggunian
[baguhin | baguhin ang wikitext]- ↑ "NATIONAL DEMOCRATIC FRONT OF THE PHILIPPINES". NDFP (sa wikang Ingles). Inarkibo mula sa orihinal noong Marso 6, 2018. Nakuha noong Marso 7, 2018.
{{cite web}}: CS1 maint: date auto-translated (link) Naka-arkibo March 6, 2018[Date mismatch], sa Wayback Machine. - ↑ VERSCHUUR-BALLO, CHARED (Marso 28, 2014). "No vacuum in NPA leadership despite Tiamzon couple's arrest –Joma". GMA News. Nakuha noong 30 Marso 2014.
{{cite news}}: CS1 maint: date auto-translated (link) - ↑ "Philippines designates NDF as terrorist group". GMA News Online (sa wikang Ingles). Nakuha noong 2021-07-19.
{{cite web}}: CS1 maint: date auto-translated (link) - ↑ "People's War · NDFP". NDFP (sa wikang Ingles). Inarkibo mula sa orihinal noong 2018-07-10. Nakuha noong 2018-07-10.
{{cite news}}: CS1 maint: date auto-translated (link) Naka-arkibo 2018-07-10 sa Wayback Machine. - ↑ "About NDFP – Liberation". liberation.ndfp.org (sa wikang Ingles). Inarkibo mula sa orihinal noong 2018-07-10. Nakuha noong 2018-07-10.
{{cite web}}: CS1 maint: date auto-translated (link) Naka-arkibo 2018-07-10 sa Wayback Machine. - ↑ "Our Story · NDFP". NDFP (sa wikang Ingles). Inarkibo mula sa orihinal noong 2018-07-10. Nakuha noong 2018-07-10.
{{cite news}}: CS1 maint: date auto-translated (link) Naka-arkibo 2018-07-10 sa Wayback Machine. - ↑ "12 Point Program of the NDFP". www.ndfp.net. Inarkibo mula sa orihinal noong Agosto 2, 2012. Nakuha noong Oktubre 12, 2012.
{{cite web}}: CS1 maint: date auto-translated (link) Naka-arkibo 2 August 2012[Date mismatch] sa Wayback Machine. - ↑ "The Twelve Points of the NDF Program". www.ndfp.org. Inarkibo mula sa orihinal noong 2017-02-15. Nakuha noong 2018-03-07.
{{cite web}}: CS1 maint: date auto-translated (link) Naka-arkibo 2017-02-15 sa Wayback Machine. - ↑ "Member Organizations – Liberation". liberation.ndfp.org (sa wikang Ingles). Inarkibo mula sa orihinal noong 2018-07-10. Nakuha noong 2018-07-10.
{{cite web}}: CS1 maint: date auto-translated (link) Naka-arkibo 2018-07-10 sa Wayback Machine. - ↑ 10.0 10.1 10.2 Maling banggit (Hindi tamang
<ref>tag; walang binigay na teksto para sa refs na may pangalangabout); $2 - ↑ Ayroso, Dee, "Revolutionary Muslim Group MRLO Calls For Intensified Armed Struggle in Mindanao", Bulatlat, 25 June 2015